Misambu 120:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Nebakuase mikete misakisha ya muena bukitu, diatshimue ne makala adi atema bikole a ku mutshi wa mukenyi.

MUKANDA WA MYIDI MUKULU

⁴ Neanukengeshe ne mikete mitue ya mvita, misakisha mu kapia ka makala.

Misambu 120:4 교차 참조

Misambu 45:5

Mikete yebe idi mitue — bantu badi bahona ku mpala kuebe — idi ibuela mu mitshima ya bena lukuna ba mukelenge.

Misambu 52:5

Nzambi neakubetekashe tshiendelele. Neakukuate, neakubatule mu ntenta webe; neakujomone, neakûmushe mu buloba bua badi ne muoyo.

Misambu 57:4

Muoyo wanyi udi munkatshi mua nyama ya ntambue; ndi ne bualu bua kulala munkatshi mua bantu badi bu kahia munkatshi mua bana ba bantu mene badi bena menu adi mafuma ne mikete, ne bena ndimi idi miele ya nvita mitue.

Misambu 59:7

Mona! Badi bahumuna mei mabi mukana muabo, miele ya nvita idi ku mishiku yabo. Badi bamba ne, Nganyi udi mutunvue?

Misambu 7:13

Wakumulongoluela bielelu bia nvita bia lufu kabidi; udi ukudimuna mikete yandi hua kuluayi mikete idi ne kahia kasuikaku.

Nsumuinu 11:12

Udi ulengulula muena mutumba nʼandi kena ne meji, kadi udi ujingulula mianda udi uhuwa biandi.

Nsumuinu 11:18

Muntu mubi udi wangata difutu didi dimudinga, kadi udi ukuna buakane udi uheta difutu dia bushuwa.

Nsumuinu 11:9

Mufudi wa mei a Nzambi udi ubutula muena mutumba nʼandi ne mei andi, kadi bantu bakane nebahandishibue ku lungenyi.

Nsumuinu 12:22

Mishiku idi yamba mashimi idi itondesha Yehowa, kadi badi benza malu a bushuwa badi bamusankisha.

Nsumuinu 16:27

Muntu mulembakana udi umbuila bantu dijimba dia dikenga; mei a ku mishiku yandi adi bu kahia kadi kashidisha.

Nsumuinu 18:21

Lufu ne muoyo bidi mu bukokeshi bua ludimi; badi bananga kuakula nʼalu nebadie mamuma adilu lukuama.

Nsumuinu 18:8

Mei a umena bunsonge adi bu tuhesa tua bia kudia bilengele; adi abuela tô ne munda mua mubidi,

Nsumuinu 19:5

Mumonyi udi ne mashimi kena uhanga kukengeshibua; udi uhatula mei a mashimi mukana muandi kena uhanduka.

Nsumuinu 19:9

Mumonyi udi ne mashimi kena uhanga kukengeshibua; udi uhatula mei a mashimi mukana muandi neajimine.

Yirmeya 9:7

Nunku Yehowa wa misumba udi wamba ne, Monai, nembengulule, nembatete, bualu kai bukuabo bundi mua kuenza muana mukashi wa bana betu?

Didimanyisha 21:8

Kadi bua badi ne buowa, ne badi kabai ne ditabusha, ne bena tshikama, ne bashihianganyi, ne bena masandi, ne bena muhongo, ne batendeledi ba mpingu, ne bena mashimi bonso, luseke luabo neluikale mu dishiba didi ditema ne kahia ne soufre; didi lufu luibidi.