Misambu 12:2 - Mukanda wa Nzambi Dihungila Dikulukulu ne Dihungila Dihia-dihia 2003

² Badi bambilangana mashimi, muntu ne muntu ne muena mutumba nʼandi. Badi bakula ne mishiku ya lubombo ne mitshima ibidi.

MUKANDA WA MYIDI MUKULU

² Maweja-Nangila, utuambuluishe! Tshianana, bantu bebe badi mua kujimina. Kamutshiena kabidi bantu ba nsongu.

Misambu 12:2 교차 참조

1 Kulondolola 12:33

Ba munkatshi mua Bena Zebuluna bakadi ne bukole bua kuluangana nvita mu musumba, bakamanya mua kuasa mualu wa nvita ne bintu bia nvita bionso, bakadi binunu makumi atanu; bakamanya mua kuluangana bimpe, kabakadi ne mitshima ibidi.

Misambu 10:7

Mukana muandi mudi mûle tente ne bihendu ne kudinga ne nvita; muinshi mua ludimi luandi mudi lukinu ne malu mabi.

Misambu 116:11

Nakamba mu ditenkakana dia mutshima wanyi ne. Bonso badi bandinga.

Misambu 144:11

Unsungile, umpandishe mu tshianza tshia bantu ba bende, badi bena mukana mudi muamba mei a mashimi, badi bena tshianza tshia balume tshidi tshidinga.

Misambu 144:8

Mukana muabo mudi muamba mei a mashimi, tshianza tshiabo tshia balume tshidi tshidinga.

Misambu 28:3

Kunkoki bua kuya nʼanyi diatshimue ne bantu babi, diatshimue ne badi benji ba malu mabi; badi bambila bena mutumba nʼabo mei a luvuenge, kadi mu mitshima yabo mudi meji a malu mabi.

Misambu 38:12

Bantu badi bakeba kumana muoyo wanyi badi banteyela ndende yabo, badi bakeba kungenzela bibi badi bamba mei bualu bua kabutu, ne badi belangana meji a kudinga nʼau dinda tô ne ku dilolo.

Misambu 41:6

Bialua umue wabo kuntangila, udi Wamba mei a kumbomba nʼau. Mutshima wandi udi uditekela malu a bunsonge. Haluhukeye bua kuya ha bule, udi wamba malu â.

Misambu 5:9

Bualu bua kakuena mei mukana muabo atudi mua kueyemena, mitshima yabo idi miule tente ne malu mabi; miminu yabo idi bu nkita mibulula, badi babomba bakuabo ne ndimi yabo.

Misambu 55:21

Mukana muandi muakatamba manteke kuikala ne busenu, kadi nvita yakadi mu mutshima wandi. Mei andi akahita manyi kusenunuka, kadi akadi miele ya nvita mihatula mu luhaha.

Misambu 59:12

Bua malu mabi adi mukana muabo, bua mei adi ku mishiku yabo mene, bakuatshibue mu buteyi bua diambu diabo. Bua milau idibo bela ne bua mei a mashimi adibo bamba,

Misambu 62:4

Bantu aba badi bahunga di diabo anu bua kumutuma hanshi ku muaba wandi wa buneme. Badi basanka mu kuamba kua mashimi; badi bavudishila muntu disanka mukana muabo, kadi munda muabo badi bamuela mulau.

Nsumuinu 20:19

Udi wendakana wamba buambamba udi usokolola malu masokoka; nunku kubuelakana ne muntu udi wakula biakulakula.

Nsumuinu 20:6

Ba bungi badi badiamba ne, Tudi bena luse; kadi udi mua kusangana muntu udi mua kueyemenyibua nganyi?

Nsumuinu 29:5

Udi ubomba muena mutumba nʼandi udi wandila makasa andi bukuondo.

Yirmeya 7:28

Nunku ubambile ne, Etshi ntshisamba tshidi katshiyi tshiunvua dî dia Yehowa Nzambi wabo, tshidi katshiyi tshianji kubuesha diyisha diandi mu mitshima yabo; dî dilelela diakujimina kudibo, diakûmuka mukana muabo.

Yirmeya 9:8

Ludimi luabo ludi bu mukete wa lufu, ludi luamba mashimi; muntu udi wambila muena mutumba nʼandi mei a ditalala mukana muandi, kadi mu mutshima wandi udi umualamina bua kumukuata.

Yezekiyele 12:24

Kakuena kuikala tshikena kumona tshia kudinga nʼatshi bantu kabidi, anyi kutempa kua mbuku kua mei a lubombo munkatshi mua ba mu tshisamba tshia Bena Isalele.

Mika 7:2

Muntu muakane wakujimina ha buloba, kakuena muntu mujalame munkatshi mua bantu kabidi. Bonso badi balamina bakuabo bua kumatshisha mashi abo hanshi; muntu yonso udi wanda muanʼabo bukuondo.

Rome 16:18

Bua badi benza nunku kabena bakuatshila Mukelenge wetu Kilisto mudimu, kadi badi bakuatshila anu mafu abo mudimu; ne bua mei abo a lubombo ne a kutumbisha nʼau bantu hatuhu badi badinga mitshima ya badi kabai badimuke.

1 Tesalonike 2:5

Bualu bua kabakatusangana nasha tshikondo tshimue ne mei a tshianyishanyisha, bu munudi bamanye, anyi ne tshia kubuikila nʼatshi lukuka; Nzambi udi mumanyi wa bualu ebu;

Yakobe 1:8

mmuntu wa mitshima Ibidi udi utatakana mu nshila yandi yonso.