Misambu 119:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Nenkukebe ne mutshima wanyi mujima; kuitabushi bua meme kusesuka ku mikenji yebe.

MUKANDA WA MYIDI MUKULU

¹⁰ Wewe ngundi nkeba bua kuitaba ne muoyi wanji mujima, kundekedi bua nsesuke ku meyi ebe.

Misambu 119:10 교차 참조

2 Kulondolola 15:15

Bualu bua Bena Yuda bonso bakasanka bua tshihungidi tshiabo; bualu bua bobo bakaditshiha ne mitshima yabo yonso, bakamukeba ne dinanga diabo dionso; bobo bakamuheta; Yehowa wakabaha ditalala ku nseke yonso.

Misambu 119:118

Wewe udi ulengulula bonso badi behuka ku mikenji iwakubafundila; bua malu adibo badingangana nʼau adi hatuhu.

Misambu 119:133

Ujadike biendedi bianyi mu dî diebe, kuitabushi bua dihambuka dia ku buakane dinkokeshe.

Misambu 119:176

Nakuhambuka bu mukoko mujimine; ukebe muena mudimu webe, bualu bua tshiena mpua mikenji yebe muoyo.

Misambu 119:2

Disanka didi kudi badi banemeka mei andi, badi bamukeba ne mitshima yabo mijima.

Misambu 119:21

Wewe udi ubela badi badisue, badi bedibue mulau, badi bahambuka ku mikenji yebe.

Misambu 119:34

Umpe lungenyi, bua ndame mikenji yebe; ne bua meme kuyitumikila ne mutshima wanyi mujima.

Misambu 119:58

Nakulomba luse luebe ne mutshima wanyi mujima; unfuile luse bu mudi mulayi webe.

Misambu 119:69

Badi badisue badi banshiminyina bikole, kadi nendame mei awakungambila ne mutshima wanyi mujima.

Misambu 125:5

Kadi badi basesuka bua kuya mu nshila mikonyangale, Yehowa neahumushe diatshimue ne benji ba maluʼmabi. Ditalala dikale kudi Bena Isalele!

Misambu 23:3

udi ukankamasha mutshima wanyi. Udi undombola mu nshila ya buakane bualu bua dina diandi.

Misambu 78:37

Bualu bua mitshima yabo kayakadi mikandamane kudiye, kabakanemeka tshihungidi tshiandi ne lulamatu.

Nsumuinu 2:13

badi balekela kuya mu nshila ya buakane bua kuendabo mu nshila ya mîdima.

Nsumuinu 21:16

Muntu udi uhambuka mu nshila wa dijingulula dia mianda neashikame mu disangisha dia bantu bafue.

Yeshaya 35:8

Tshibebe tshikaleku, ne nshila, nebamubikile ne, Nshila wa Tshijila; badi kabayi balengeshibue ku bubi buabo kabena bamanye mua kuhitshilaku, kadi neikaleku bua bantu bandi; bena luendu, nansha bahote mene, kabena bendelamu.

Yirmeya 3:10

Yehowa udi wamba ne, Malu â onso akamueneka, kadi muanʼabo mukashi Yuda, muena dikamakama, kakahingana kundi ne mutshima wandi mujima, kadi wakashala ne lubombo.

Yezekiyele 34:6

Mikoko yanyi yakatangadishibua, yakendakana ha mutu ha mikuna mile yonso ne ha mutu ha mikuna yonso mikuabo; bushuwa, mikoko yanyi yakatangadishibua ha buloba honso; kakuakadi muntu wakuyikeba anyi wakuyilonda.

Osheya 10:2

Mitshima yabo idi mitahuluke nseke ibidi; mpindiu badi ne bua kukenga bua muanda eu; Yehowa neatshibule bioshelu biabo bituha bituha, neashimbule makunshi abo a tshijila.

Matayi 6:24

Muntu kena mumanye mua kukuatshila banfumu babidi mudimu diakamue; yeye neikale ne mukuabo lukuna ne mukuabo dinanga, anyi nealamate mukuabo neahidie mukuabo. Kanuena bamanye mua kukuatshila Nzambi mudimu ne Mamona diakamue.

Kolose 3:22

Nuenu bahika, mu malu onso nutumikile badi banfumu benu ba mu malu a ha buloba; kanuenji mudimu bu bahika ba mesu, bu basankishi ba bantu; kadi nunyeme ne mitshima mitoke nutshine Mukelenge.

1 Yone 2:15

Kanusu malu a ba ha buloba, anyi bintu bia ha buloba. Biasua muntu malu a ba ha buloba, dinanga dia Tatu kadiena munda muandi.

1 Samuele 7:3

Samuele wakambila Bena Isalele bonso ne, Binuasua kuhingana kudi Yehowa ne mitshima yenu yonso, nunku numushe nzambi ya bende ne ya Bashela munkatshi muenu, kudimunai mitshima yenu kudi Yehowa, numukuatshile yeye nkayandi mudimu; ne yeye neanusungile mu bianza bia Bena Peleshete.