Misambu 113:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Udi ubisha muhele mu dinfuenkenya, udi ujula mukengi udi mushikame mu diala,

MUKANDA WA MYIDI MUKULU

⁷ Udi ujula mupele uvua mudishinde panshi, udi ujula muena dikenga, uvuabu bimanshe mu dyala,

Misambu 113:7 교차 참조

1 Bakalenga 16:2

Bualu bua meme nakakubisha ha buloba, nakakusungula mukelenge ku mutu kua bantu banyi Bena Isalele, ne bua wewe wakalonda anu mu nshila wa Yalobama, wakenzesha bantu banyi Bena Isalele malu mabi, bua kunfuisha tshiji ne malu mabi abo;

Yobe 2:8

Yeye wakangata tshiyoyi tshia luesu bua kudikuanya nʼatshi hakadiye ushikama mu diala dia butue.

Yobe 5:11

udi ubandisha bantu bahuekele mulu, udi ujula badi badila bua bobo bikale ne luhandu;

Misambu 107:41

Kadi udi ushikika bahele mu muaba wa mulu bumushibue biabo mu dikenga, udi ukumbasha bena meku babo bu tshisumbu tshia mikoko.

Misambu 22:15

Bukole buanyi buakûma bu tshiyoyi tshia luesu, ne ludimi luanyi ludi lulamatu tshilakalaka tshianyi. Wewe udi undadika mu dinfuenkenya dia lufu.

Yeshaya 26:19

Bafue bebe nebikale ne muoyo; mibidi yabo mifue neyibike. Tabalai ne imbai bienu, nuenu badi balala mu dinfuenkenya! Bua mume webe udi bu mume wa munya, buloba nebuluhule bafue badimu.

Yezekiyele 17:24

Mitshi yonso ya mu mpata neyimanye ne, Meme Yehowa nakuhuekesha mutshi mule, nakubandisha mutshi muhuekele, nakûmisha mutshi mubishi, nakuelesha mutshi mume ntonga; meme Yehowa nakuamba dî edi ne nakudienza.

Yakobe 2:5

Unvuai, bana betu bananga; Nzambi kakasungula bahele ba mu bintu bia ha buloba bua kuikalabo babanshi mu ditabusha ne bahianyi ba bukelenge buakalayeye badi bamunanga, anyi?

1 Samuele 24:14

Mukelenge wa Isalele udi ukeba nganyi? Wewe udi ulonda neanyi? Udi ukeba mbua mulue, anyi mukenya!