Misambu 109:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Tunkanunuma tuandi tujimishibue; dina diandi dijimine mu tshikondo tshidi tshilonda.

MUKANDA WA MYIDI MUKULU

¹³ Ndelanganyi yende ifue, dina diende dijimine mu tshikondu tshidi tshilonda!

Misambu 109:13 교차 참조

1 Bakalenga 16:11

Hakahinganeye mu bukelenge, ne hakabangeye kushikama mu nkuasa wa bukelenge, yeye wakashiha bonso ba mu nsubu wa Bâsha; kakashiya muana mulume mu nsubu wandi, nansha mu nsubu ya bana babo nansha mu nsubu ya balunda bandi.

Estere 9:10

bana halume dikumi ba Hamana, muana wa Hamedata, muena lukuna wa Bena Yuda; kadi kabakahaula bintu biabo.

Yobe 18:17

Tshivulukidi tshia bualu buandi netshijimine ha buloba, dina diandi kadiena dimanyibue mu ditunga.

Yobe 18:19

Yeye kena ne muana anyi kankanunuina munkatshi mua bantu bandi, kakuena muntu washala ne muoyo mu miaba yakadiye ushikama.

Misambu 21:10

Wewe neubutule bana baledibue kudibo, neubumushe ha buloba, neumushe tunkanunuma tuabo munkatshi mua bukua bantu.

Misambu 21:11

Bualu bua bakuhunga di bua kukuenzela bibi; bakakuhangidishila bualu munda muabo, kadi kabena bamanye mua kubushikisha.

Misambu 37:28

Bualu bua Yehowa udi unanga kulumbulula kuakane, kena ulekela bansanto bandi. Bantu bakane nebalamibue tshiendelele, kadi bana ba bantu babi nebajimishibue.

Nsumuinu 10:7

Tshivulukidi tshia muntu muakane tshidi tshivudisha disanka, kadi dina dia bantu babi nedibole.

Yirmeya 22:30

Yehowa udi wamba ne, Funda muntu eu bu muntu udi kayi ushala ne muana, bu muntu udi kayi uheta diakalengele mu matuku andi; bualu hua kakuena kuikala kabidi muana wa munkatshi mua bana bandi waheta diakalengele, washikama biandi mu nkuasa wa bukelenge wa Davidi, wakokesha kabidi mu buloba bua Yuda.

Dibadika 27:4

Bualu kai nebajimishe dina dia tatu wetu munkatshi mua diku diandi bualu bua yeye kakadi ne muana wa balume? Utuhe bietu buhianyi munkatshi mua bana babo ne tatu wetu.

Dielulula 25:19

Nunku hafila Yehowa, Nzambi wenu, bantu bonso badi nʼenu lukuna mu bianza bienu, ne hanuaheta dikisha mu buloba budi Yehowa, Nzambi wenu, unuha bua nuenu kubuhiana, hashishe nenujimishe tshivulukidi tshia Amaleka muinshi mua diulu; kanuhu muoyo bua bualu ebu nansha.

Dielulula 29:20

Yehowa kena umubuikidila bubi buandi, kadi tshiji tshia Yehowa ne mukau wandi nebimueneke kudi muntu eu ne milau yonso idi mifunda mu mukanda eu neyimukuate, ne Yehowa nenjimishe dina diandi muinshi mua diulu.

Dielulula 9:14

undekele, bua meme neashihe, nenjimishe dina diabo muinshi mua diulu; meme nenkuvuishe wewe tshisamba tshidi tshibahita bunene ne bukole.

1 Samuele 3:13

Bualu bua nakamana kumuambila ne, Nendumbuluishe ba mu nsubu webe tshiendelele, bua malu mabi abo akadiye mumanye: bualu bua bana bandi balume bakadiela mulau, ne yeye kakabakanyina.