Misambu 103:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Kadi luse lujalame lua Yehowa ludi ku tshibangidilu tô ne kunshikidilu kudi badi bamunemeka. Buakane buandi budi kudi bana ba bana baledibue.

MUKANDA WA MYIDI MUKULU

¹⁷ Kadi malu mimpe a Maweja-Nangila adi ashala bikondu bionsu kudi badi bamunemeka. Buakane buende budi bujama kudi bana ba bana babu,

Misambu 103:17 교차 참조

Misambu 100:5

Bualu bua Yehowa udi muimpe; luse luandi lujalame ludiku tshiendelele, lulamatu luandi lua bushuwa ludiku tô ne ku bikondo bionso.

Misambu 111:3

Mudimu udiye wenza udi ne buneme ne butumbi; buakane buandi budiku tô ne kashidi.

Misambu 118:1

Sakidilai Yehowa, bualu bua yeye udi muimpe; bua luse luandi ludi lujalame tshiendelele.

Misambu 22:31

Nebambile bantu badi kabayi banze kuedibua bua buakane buandi, nebabandile ne, Yeye wakubuenza.

Misambu 25:6

Yehowa, uvuluke luse luebe ne dinanga diebe dijalame, bualu bua biakadiku kale tô ne mpindiu.

Misambu 90:16

Mudimu webe umueneke kudi bantu bebe, butumbi buebe kudi bana babo baledibue.

Ekesode 20:6

Ntu ngalesha bihungu tshinunu badi bansue ne badi benza mikenji yanyi luse lujalame.

Yeshaya 41:8

Kadi wewe, Isalele muntu wanyi. Yakoba unakusungula, kankanunuina ka Abalahama mulunda wanyi,

Yeshaya 46:13

Ndualua ne buakane buanyi ba buihi nʼenu, kabuena bushala kule, ne luhandu luanyi kaluena lujanguluka; nenteke luhandu mu Siona, nempe Bena Isalele butumbi buanyi.

Yeshaya 51:6

Bandishai mesu enu mu diulu, tangilai buloba muinshi muadî; bualu bua diulu nedijimine bu muishi, buloba nebusunsuke bu tshilulu, ne badi bashikamemu nebafue bu tuishi; kadi luhandu luanyi neluikaleku tshiendelele, ne buakane buanyi kabuena bumushibue.

Yirmeya 31:3

Yehowa wakamueneka kundi kale, wamba ne, Nakukunanga ne dinanga dia tshiendelele, nunku nakunanukila kukulesha luse lujalame.

Danyele 9:24

Bakukosela bantu bebe ne musoko webe wa tshijila mbingu makumi muanda mutekete, bua kumana ditomboka, bua kuvuisha nshikidilu wa malu mabi, bua kulengeshisha bahambuki kudi Nzambi, bua kubavuishila buakane budi bushala tshiendelele, bua kujadika tshikena kumona ne buprofete, ne bua kujidila muaba muhite tshijila.

Mika 6:5

Bantu banyi, vulukai bienu mpindiu bualu buakahangidisha Balaka, mukelenge wa Bena Moaba, bua kuenza; ne mei akamukudimunabo kudi Belâma, muana wa Beô; vulukai luendu lua ku Shitima tô ne ku Gilegala, bua nuenu nujingulule bienzedi biakane bia Yehowa.

Rome 1:17

Bualu bua buakane bua Nzambi buakubuluibuamu ku ditabusha ne ku ditabusha; bu muakafundabo ne, Muntu muakane neikale ne muoyo ku ditabusha.

Rome 15:8

Bualu bua ndi ngamba ne, Kilisto wakavuishibua muena mudimu wa batengula bua bushua bua Nzambi, bua yeye ajadike milayi yakalaya Nzambi bankambua betu,

Dielulula 10:15

Yehowa wakadi ne disanka bualu bua batatu benu, yeye wakahasua, yeye wakasungula bana babo bakabalonda ku nyima, wakanusungula nuenu mene mene munkatshi mua bantu bonso, bu mutshidi bualu lelu.

2 Timote 1:9

wakatusungila, wakatubikila ne dibikila dia tshijila, kembu mudi midimu yetu mimpe, kadi bu mudi disungula diandi mene ne ngasa, wakatuheye mu Kilisto Yesu diambedi bikondo bia tshiendelele kabi bianze kuikalaku.

2 Petro 1:1

Simona Petelo, muhika ne mupostolo wa Yesu Kilisto kudi bantu bakuangata ditabusha dia mushinga mukole muomumue ne ditudi nʼadi mu buakane bua Nzambi wetu ne bua Musungidi Yesu Kilisto.