Misambu 10:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Yehowa, wewe wakunvua kulomba kua badi ne mitshima mihuekele; udi ujadika mitshima yabo, udi uteleja matshu ebe kudibo.

MUKANDA WA MYIDI MUKULU

¹⁷ Maweja-Nangila, wewe udi umvua majinga a bantu bapuekele, ubakolesha ku muoyi. Wewe udi uteleja ne ntema bua kubambuluisha,

Misambu 10:17 교차 참조

1 Kulondolola 29:18

Yehowa, Nzambi wa Abalahama ne wa Isaka ne wa Yakoba, bankambua betu, witabushe bua bantu bebe bikale ne meji â onso munda muabo tshiendelele, ujadike mitshima yabo kûdi;

2 Kulondolola 29:36

Hezikiya wakasanka ne bantu bonso kabidi, bua malu akalongoluela Nzambi bantu; bualu bua bakenza bualu ebu lukasa.

2 Kulondolola 30:12

Tshianza tshia Yehowa tshiakadi kudi Bena Yuda bua kubavuisha mutshima umue, bua bobo batumikile mukenji wa mukelenge ne wa bantu bandi banene ku dî dia Yehowa.

2 Kulondolola 34:27

bualu bua mutshima webe wakanyingalala ne bua wewe wakadihuekesha ku mpala kua Nzambi hawakunvua mei andi akambeye bua muaba eu ne bua bantu badi bashikamamu, wakadihuekesha ku mpala kuanyi, wakadihanda bilulu biebe, wakadila ku mpala kuanyi, Yehowa udi Wamba ne, Meme kabidi nakunvua mei ebe.

Misambu 102:17

Neateleje matshu andi ku kulomba kua bakengi, kena ulengulula mulombu wabo.

Misambu 145:19

Yeye udi umana dijinga dionso dia badi bamutshina, udi unvua muadi wabo kabidi, udi ubasungila.

Misambu 34:15

Mesu a Yehowa adi kudi bakane, ne matshu andi adi buashi ku kudila kuabo.

Misambu 37:4

Wikale ne disanka diebe mu Yehowa, ne yeye neakuhe milombu idi mutshima webe ulomba.

Misambu 9:12

Bualu bua yeye udi usombuela mashi abo udi ubavuluka; kena uhua muadi wa bahele muoyo.

Misambu 9:18

Bualu bua kabena bahua badi bakengela bintu muoyo tshiendelele, ne ditekemena dia badi ne mitshima mihuekele kadiena dijimina kashidi.

Nsumuinu 10:24

Tshidi muntu mubi utshina netshilue kudiye, tshidi bantu bakane basue netshifidibue kudibo.

Nsumuinu 15:8

Mulambu udi bantu babi bafila udi utondesha Yehowa, kadi ditendelela dia bantu bakane didi dimusankisha.

Nsumuinu 16:1

Malu adi bantu bahangidisha mu mitshima adi afuma kudibo, kadi dî didi ludimi lukudimuna didi difuma kudi Yehowa.

Yeshaya 65:24

Diambedi kabayi banze kumbikila, nengitabe kudibo; hatshidibo bakula, nembunvuile.

Matayi 5:3

Badi bahele mu mitshima yabo badi ne disanka, bua bukelenge bua mu diulu budi buabo.

Rome 8:26

Muomumue kabidi, Nyuma Muimpe kabidi udi ukuatshishangana nʼetu mu butekete buetu; bua katuena bamanye mua kulomba Nzambi bu mutudi nʼabu mbua kumulomba, kadi Nyuma muine udi utuakuila ne mikemu idi kayi mua kuambibua.

Efeze 2:18

bua bualu buandi bubidi buetu tudi ne ha kubuelela kudi Tatu mu Nyuma umue.

Efeze 3:12

bua bualu buandi tudi ne dikima ne ha kubuelela kudiye ne ditekemena, bua ditabusha ditudi tumuitabushe nʼadi.

Yakobe 4:10

Nudihuekeshe ku mesu kua Mukelenge, ne yeye neanubandishe.

Yakobe 4:6

Kadi yeye udi utuha ngasa muhite. Nunku Makanda wa Nzambi udi wamba ne, Nzambi udi uhidia badi badisue, kadi udi uha badi badihuekesha ngasa.

1 Petro 3:12

Bualu bua mesu a Mukelenge adi kudi bakane, Ne matshu andi adi buashi ku milombu yabo; Kadi mpala wa Mukelenge udi mutangisha kudi benji ba malu mabi.

1 Petro 5:5

Muomumue, nuenu bansongalume, nukokele bakulumpe. E, buonso buenu nudiluatshishe ne buhuekele, bua kukuatshishangana; bualu bua Nzambi udi uhidia badi badisue, kadi udi uha badi badihuekesha ngasa.