Mika 7:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Yeye neatufuile luse kabidi, neadiate malu mabi etu munda mua makasa andi. Wewe newele malu mabi abo onso mu ndondo wa mai manene.

MUKANDA WA MYIDI MUKULU

¹⁹ Neutufuile kabidi luse, kuyi uvuluka malu etu mabi. Bubi buetu neubuimanshe muinshi mua mayi manene.

Mika 7:19 교차 참조

2 Samuele 24:14

Davidi wakambila Gada ne, Ndi munkatshi mua malu manene: tuhone mu bianza bia Yehowa, bualu bua luse luandi ludi lunene; tshihonyi mu bianza bia bantu.

Misambu 103:12

Bu mudi luseke lua esete kule ku wesete, mbu mudiye mumushe matombokela etu kule kutudi.

Misambu 130:8

Ne yeye neahikule Isalele ku dihambuka diandi dionso.

Misambu 85:3

Wakumusha njiya yebe yonso, wakadikudimuna bua wewe kuikadi ne tshiji tshiebe tshidi tshitema.

Yeshaya 33:24

Muena musoko kena wamba ne, Ndi ne disama, bantu badi bashikamemu nebikale ne mihi yabo mijimishibue.

Yeshaya 38:17

Mona, bua meme kuheta ditalala ku nyima nakadi ne kanyinganyinga kakole diambedi; kadi dinanga diebe dia muoyo wanyi diakûmusha mu dijimba dia kabutu; bualu bua wewe wakuela mibi yanyi yonso ku nyima kuebe.

Yeshaya 43:25

Meme, meme mene, ndi yeye udi ukubuikidila mihi yebe bua bualu buanyi bume, tshiena nvuluka malu mabi ebe kabidi.

Yirmeya 31:20

Efelayima udi muanʼanyi munanga, anyi? Udi muana undi nkongoluela, anyi? Bua misangu yonso hanamujiana, ntshidi mmuvuluka. Yehowa udi wamba ne, Nunku mutshima wanyi udi umujinga, nemmufuile luse bulelela.

Yirmeya 31:34

Kabena bayishangana kabidi muntu yonso ne muena mutumba nʼandi, ne muntu yonso ne muanʼabo, bamba ne, Umanye biebe Yehowa; bualu bua buonso buabo nebammanye, kudi udi mutambe buhuekele munkatshi muabo tô ne kudi udi mutambe bunene munkatshi muabo. Bualu bua nembabuikidile mibi yabo, ne tshiena nvuluka malu mabi abo kabidi.

Yirmeya 33:8

Nembalengeshe ku malu mabi onso akadibo bangenzela; nembabuikidile mibi yabo yonso yakadibo bangenzela ne yakantombokelabo nʼai.

Yirmeya 50:20

Yehowa udi wamba ne, Mu matuku au ne mu tshikondo atshi nebakebe dihambuka dia Bena Isalele dia ku buakane, kadi kabena badimona, nebakebe malu mabi a Bena Yuda, kadi kabena basangana; bualu bua meme nembuikidile mibi ya bantu bandi nshiya bu difuka didi dishala.

Muadi 3:22

Malu makane a Yehowa kaena ashika tshiendelele, ne luse luandi kaluena luhanga;

Muadi 3:32

Kadi hamukengesheye, neamufuile luse bu mudi divulangana dia dinanga diandi.

Yezekiyele 18:22

Kabena bavuluka bualu bumue bua mu malu mabi akenzeye diambedi bua kumubunda nʼabu; mu buakane buandi buakenzeye yeye neikale ne muoyo.

Yezekiyele 39:29

Tshiena mbasokoka mpala wanyi kabidi; bualu bua nakuhumuina Bena Isalele Nyuma wanyi. Mukelenge Yehowa udi wamba dî edi.

Danyele 9:24

Bakukosela bantu bebe ne musoko webe wa tshijila mbingu makumi muanda mutekete, bua kumana ditomboka, bua kuvuisha nshikidilu wa malu mabi, bua kulengeshisha bahambuki kudi Nzambi, bua kubavuishila buakane budi bushala tshiendelele, bua kujadika tshikena kumona ne buprofete, ne bua kujidila muaba muhite tshijila.

Osheya 14:2

Nuye ne mei makane, hinganai kudi Yehowa. Numuambile ne, Utûmushile mibi yonso, witabushe malu adi makane, bua tuetu tufile mishiku yetu kûdi bu milambu ya ngombe.

Osheya 14:4

Meme nengondahe, nenshikishe kutomboka kuabo; nembanange ne mutshima wanyi wonso; bualu bua tshiji tshianyi tshinakadi nʼatshi kudibo tshiakûmuka.

Zekâya 3:4

Muanjelo wakambila bakadi bimane ku mpala kuandi ne, Vulai bivualu ebi bia bukoya hamʼbidi handi. Wakambila Yoshua ne, Mona, nakakûmushila bubi buebe, nakakuluatshisha bivualu bia disanka.

Rome 6:14

Bualu bua bubi kabuena bunukokesha; bua kanuena munshi mua mikenshi, nudi munshi mua ngasa.

Rome 8:13

Bua binualonda malu a mubidi, nudi ne bualu bua kufua; kadi binuafuisha bienzedi bia mubidi kudi Nyuma, nenuikale ne muoyo.

Dielulula 30:3

hashishe Yehowa, Nzambi wenu, neakudimune buluka buenu, neanuleshe luse, neahingane kunudi, neanusangishe ba munkatshi mua bantu bonso muakanumuangalasha Yehowa, Nzambi wenu.

Dielulula 30:6

Yehowa, Nzambi wenu, neanutengule mu mitshima yenu ne ya bana benu, bua nuenu kunanga Yehowa, Nzambi wenu, ne mitshima yenu yonso ne mioyo yenu yonso, bua nuenu kuikala ne muoyo.

Dielulula 32:36

Bualu bua Yehowa nealumbuluile bantu bandi bilumbu biabo, neakudimune mutshima wandi bualu bua bantu bandi, hatangileye ne bukole buabo buakujimina, ne kakuena muntu udi mushale muhika anyi mudishikaminyi.

Tite 2:14

Yeye wakadifila bua bualu buetu, bua kutuhikula ku malu mabi onso, ne bua kudilengeshila bantu badi mua kuikala bandi bine, bikala ne lukunukunu lua kuenza midimu mimpe.

Ebrewu 8:12

Bualu bua nengikale nʼabo luse mu malu mabi abo, Tshiena nvuluka mibi yabo kabidi.

1 Yone 3:8

yeye utu wenza bibi udi wa diabolo; bualu bua diabolo udi muenze bibi ku tshibangidilu. Bua bualu ebu Muana wa Nzambi wakamueneshibua bua kubutuleye midimu ya diabolo.