Mika 6:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Yehowa neasanke bua binunu bia bimpanga, ne binunu dikumi bia misulu ya manyi, anyi? Nfile muanʼa bute wanyi bua malu mabi anyi, diminu dia mubidi wanyi bua bubi bua mutshima wanyi, anyi?

MUKANDA WA MYIDI MUKULU

⁷ Maweja-Nangila udi ujinga bimpanga bungi kabuyi kubala, nansha mafuta adi apueka, bungi bu misulu idi kayiyi ikama anyi? Tumulambule bana bute betu, bua atujimijile mibi yetu, ne malu mabi atuvua bamuenzele anyi?”

Mika 6:7 교차 참조

2 Bakalenga 16:3

Kadi yeye wakenda mu nshila wa bakelenge ba Isalele; wakahitshisha muanʼandi wa balume mu kahia bu mu malu a bundu a bantu ba mu bisamba bia bende bakihatabo kudi Yehowa ku mesu kua Bena Isalele.

2 Bakalenga 21:6

Yeye kabidi wakahitshisha muanʼandi wa balume mu kahia, wakatempa mbuku; wakadisunguila bena muhongo ne bena buloshi; wakenza malu mabi a bungi ku mesu kua Yehowa bua kumufuisha nʼau tshiji.

2 Bakalenga 23:10

Wakanyanga Tofete wakadi mu tshibanda tshia bana ba Hinoma, bua muntu kahitshishi muanʼandi wa balume anyi muanʼandi wa bakashi mu kahia ka Moleke.

2 Bakalenga 3:27

Hashishe yeye wakangata muanʼa bute wandi wakadi mua kukokesha mu muaba wandi, wakamufila bu mulambu wa kuosha ha kahia ha mutu ha lumbu. Bakadi ne Bena Isalele tshiji tshikole, bakumuka kudiye, bakahingana ku buloba buabo.

Yobe 29:6

hakadi makasa anyi muvuwa ne mabele, ne dibue diakampatuila tusulu tua manyi.

Misambu 50:9

Tshiena ngitabusha ngombe umuehele wa ku nsubu yenu, anyi mpumbu ya mbushi ya mu mpangu yenu.

Misambu 51:16

Bualu bua wewe kuena usanka bua difila dia milambu, anyi nakadi kuyifila, wewe kuena usanka bua mulambu wa kuosha ha kahia.

Misambu 51:18

Wenzele Siona bimpe mu disanka diebe dimpe, wibake ngumbu ya Yelushalema.

Nsumuinu 15:8

Mulambu udi bantu babi bafila udi utondesha Yehowa, kadi ditendelela dia bantu bakane didi dimusankisha.

Nsumuinu 21:3

Kuenza malu makane ne kukosa nsambu biakane bidi bihita kufila kua nyama mishiha kusankisha Yehowa.

Yeshaya 1:1

Tshikena kumona tshia Yeshaya, muana, wa Amoza, tshiakatangileye bualu bua Yuda ne Yelushalema, mu matuku a Uziya, Yotama, Ahaza ne Hezikiya, bakelenge ba Yuda.

Yeshaya 40:16

Mitshi ya mu Lebanona kayena ikumbana bu nkunyi ya kuosha, ne nyama idimu kayena ikumbana bu mulambu wa kumuoshila.

Yirmeya 19:5

Bakuasa bitendelelu bia Bâla ha mutu ha mikuna bua kuoshilahu bana babo balume bu milambu ya kuoshila Bâla mu kahia, muanda undi tshiyi mubambile ne, Enzai, undi tshiyi mutele, undi tshiyi muele meji bua kuenzabo.

Yirmeya 6:20

Manananshi a ku Sheba adi nebualu kai kundi, ne mienge idi ne muhuya muimpe ya ku buloba bua kule? Tshiena ngitabusha milambu yenu ya kuosha, ne milambu yenu mikuabo kayena isankisha.

Yirmeya 7:31

Bakuasa bibumba bia Tofete bidi mu luhongo lua muana mulume wa Hinoma, bua kuoshahu bana babo ba balume ne bana babo ba bakashi mu kahia; badi benza bualu bundi tshiyi muele mukenji, bundi tshiyi muele meji bua bobo kubuenza.

Yezekiyele 23:37

Bualu bua bakuenda masandi, ne mashi adi ha bianza biabo; bakulonda malu a masandi ne mpingu yabo; bakuela bana babo ba balume bakandelelabo mu kahia bu milambu ya kuoshela mpingu.

Osheya 5:6

Nebaye ne bisumbu biabo bia mikoko ne ngombe bua kukeba nʼabi Yehowa, kadi kabena bamusangana; yeye wakûmuka kudibo.

Osheya 6:6

Bualu bua ndi musue kudifila kuenu, kankufila kua milambu; ndi musue kumanya kuenu kua Nzambi, kankuosha kua milambu.

Lewitiki 18:21

Kanuadi bana bebe bua kubahitshisha mu kahia ka Moleke, kutedi dina dia Nzambi wenu tshitelatela meme ndi Yehowa.

Lewitiki 20:1

Yehowa wakambila Mose ne,

Amosa 5:22

Bulelela, nansha binuafila milambu yenu kundi mudi nungoshila, ne milambu yenu ya bia kudia, tshiena ngiyitabusha; tshiena ntangisha mesu anyi ku milambu yenu ya bimuna bidi ne manyi bua kuyuisha nʼai ditalala.

Filemone 1:12

nakamuhingisha kûdi, yeye muine, udi bu mutshima wanyi mene.

Balombodi 11:31

hashishe tshionso tshidi tshiluhuka ku bibi bia nsubu wanyi bua kusangakena nʼanyi, hanahingana kudi Bena Amona ne ditalala, netshikale tshia Yehowa, nentshifile bu mulambu wa kuosha ha kahia.

Balombodi 11:39

Hakahita ngondo ibidi, yeye wakahingana kudi tatu wandi, ne yeye wakamuenzela bu mu kuditshiha kuakaditshiheye; yeye kakadi mumanye mulume. Bakadi ne tshilele etshi mu Isalele,

1 Samuele 15:22

Samuele wakakonka ne, Yehowa udi utamba kusanka bua milambu ya kuosha ne nyama mishiha bu mudiye usanka bua kutumikila kua dî dia Yehowa, anyi? Tangila, kutumikila kudi kuhita mulambu wa kuosha ne kunvua kudi kuhita manyi a bimpanga bulengele.