Mika 6:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Nenudie, kadi kanuena nukuta; tshiole netshikale munkatshi muenu. Nansha wewe inulame bantu bebe ne bintu biebe, kuena unsungila; nembibutule ne muele wa nvita.

MUKANDA WA MYIDI MUKULU

¹⁴ Nenudie, kanuyi nuukuta. Tshiyole netshikale munkatshi muenu! Tshintu tshinuateka mu diyeba, netshinyanguke. Tshintu tshionsu tshinudi nukeba kubumba, nentshibutule mu mvita.

Mika 6:14 교차 참조

Yeshaya 30:6

Dî dia tshijila bua nyama ya ku luseke lua Sude. Badi bahitshila mu buloba bua dikenga ne kanyinganyinga, kudi nyama wa ntambue mukashi ne nyama wa ntambue mulume, kudi kufuma nyoka wa ntoka ne nyoka wa kahia udi uhahala, badi batuala biuma biabo bidibo bateka ha nyima ha nkungulu ya mpunda, ne bintu biabo bia mushinga mukole ha nyama ya tumelo, baya nʼabi kudi bantu badi kabayi mua kubakuatshisha.

Yeshaya 65:13

Nunku Mukelenge Yehowa udi wamba ne, Tangilai, bantu banyi nebadie, kadi nuenu nenuikale ne nzala; tangilai, bantu banyi nebanue, kadi nuenu nenuikale ne nyota; tangilai, bantu banyi nebasanke, kadi nuenu nenufuishibue bundu;

Yeshaya 9:20

Mukuabo wakunyenga bintu ku luseke lua tshianza tshia balume ne wakashala ne nzala; bakuabo bakudia bintu ku luseke lua tshianza tshia bakashi, kadi kabakukuta; muntu yonso wakudia munyinyi wa muena mutumba nʼandi.

Yirmeya 48:44

Yehowa udi wamba ne, Udi unyema buowa neahone mu dijimba, wahanduka mu dijimba neakuatshike mu buteyi; bualu bua nentumine ba mu Moaba malu â mu tshidimu tshia kubala malu mabi abo.

Yezekiyele 5:12

Tshituha tshisatu tshia bana benu netshifue ne tshihuhu, anyi netshifue ne tshiole tshidi munkatshi muenu; tshituha tshikuabo tshisatu netshihone ku muele wa nvita ku nseke yenu yonso; nemmuangalashe tshituha tshikuabo tshisatu ku mpehele yonso, nempatule muele wa nvita bua kubihata.

Osheya 4:10

Nebadie, kadi kabena bukuta; nebalonde malu a masandi, kadi kabena bavudisha bana; bualu bua bakulekela kuteleja matshu abo kudi Yehowa.

Lewitiki 26:26

Hanakehesha bintu bienu bia kudia, bakashi dikumi nebalambe bidia mu luesu lumue, bobo nebanuhimine bintu bia kudia mu tshihimu, nuenu nenuhidie kadi kanuena nukuta.

Agayi 1:6

Nuakukuna bintu bia bungi, nuakuhuola bintu bibalê; nudi nudia, kadi kanuena mua kukuta; nudi nunua, kadi kanuena mua kukuta ne binudi nunua; nudi nudiluatshisha bilulu, kadi kanuena mua kuota nʼabi; ne muntu udi wangata difutu ku mudimu wandi udi udiangata bua kuditeka mu tshibombi tshidi tshitubuke.

Agayi 2:16

Mu tshikondo atshi, hakalua muntu ku mushiki wa bihiminu makumi abidi bia bia kudia, anu dikumi biakadiku; ne hakalua muntu ku mulondo munene wa nvinyo bua kutunta bihiminu makumi atanu, wakasangana anu makumi abidi.