Mika 5:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Nenshihe misoko minene ya mu buloba buenu, nenshimbule ngumbu yenu yonso ya nvita.

MUKANDA WA MYIDI MUKULU

¹¹ Nengumbushe malu anudi nuenza a majimbu, kanuakuikala kabidi ne muntu udi ukeba kunujinguluila malu adi kumpala, pa ngendu ya mitotu ne bia mulu muamua.

Mika 5:11 교차 참조

Yeshaya 1:7

Buloba buenu budi bubutuka, misoko yenu idi mioshibue ne kahia; bantu ba bende badi badia bintu bia mu buloba buenu ku mesu kuenu mene, ne budi bubutuka bu mudibo bahaula musoko kudi bantu ba bende.

Yeshaya 2:6

Bualu bua wewe, Yehowa, wakulekela bantu bebe, ba mu tshiota tshia Yakoba, bualu bua badi batamba kulonda batempi ba mbuku ba ku luseke lua esete, bakatua batempi ba mbuku bu mudi Bena Peleshete, ne badi batutakashangana bianza ne bana ba bisamba bia bende.

Yeshaya 27:9

Bua muanda eu bubi bua Yakoba nebujimishibue, ne au mmamuma onso adi Yehowa musue bua kumûmushila bubi buandi: bua yeye avuishe mabue onso a bioshelu biandi bu mabue a luhemba adibo babotesha, bua Bashela ne mpingu idibo batendelela nʼai diba kabikadiku kabidi.

Yeshaya 6:11

Hashishe nakamukonka ne, Mukelenge, bualu ebu nebulehe musangu bule munyi? Yeye wakakudimuna dî ne, Tô ne habutuka misoko mishale mutuhu, tô ne hashala nsubu idimu mutuhu; tô ne halua buloba kushala anu tshihela tshia hatuhu;

Muadi 2:2

Mukelenge wakubutula nsubu yonso ya Yakoba, kayi uyilesha luse; mu njiya yandi wakushimbula miaba ya muana mukashi wa Yuda yakadi minyunguludibue ne ngumbu; wakuyuhula hanshi, wakunyangisha bukelenge ne bakokeshi babu.

Yezekiyele 38:11

Newambe ne, Nembandeku bua kuluisha ba mu misoko idi mu mpata; nenye kuluangana ne bantu aba badi bashikame talalâ, kabayi ne bualu budi bubahumbisha, buonso buabo badi bashikameku kabayi ne ngumbu, anyi nkanu ne bibi.

Osheya 10:14

Nunku diyoyo nedijuke munkatshi mua bana benu, misoko yenu yonso ya ngumbu ya nvita neyibutudibue, bu muakashiha Shalamana Bete-âbela mu dituku dia nvita; bakatshibula bamamu ne bana bakalelabo diatshimue.

Amosa 5:9

Yeye udi utuma dibutuka kudi bena bukitu, ne udi ubutula misoko ya ngumbu.

Zekâya 4:6

Nunku yeye wakitaba, wakangambila ne, Edi ndî dia Yehowa kudi Zelubabela ne, Kabiena bua bungi bua masalayi, anyi bua bukole, kadi mbua Nyuma wanyi; Yehowa wa misumba udi wamba nunku.