Mika 5:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Yehowa udi wamba ne, Mu dituku adi nembutule tubalu tuenu tudi munkatshi muenu, nentshibule makalu enu a nvita kabidi.

MUKANDA WA MYIDI MUKULU

¹⁰ Nennyange bimenga bia mu ditunga dienu, nengupule nzubu yenu yonsu idibu bakolesha ne bimana.

Mika 5:10 교차 참조

Yeshaya 2:7

Buloba buabo budi bûle tente ne argent ne or, ne kakuena kunfudilu kua biuma biabo; buloba buabo budi bule tente ne tubalu, ne kakuena kunfudilu kua makalu abo.

Yirmeya 3:23

Bulelela, dikuatshisha didibo batekemena ku mikuna mihi didi hatuhu, ne tshintompatompa tshia ha mikuna mile tshidi hatuhu kabidi; bulelela, luhandu lua Bena Isalele ludi lufuma kudi Yehowa Nzambi wetu.

Osheya 1:7

Kadi nenfuile Bena Yuda luse; nembahandishe ku bukole bua Yehowa Nzambi wabo, tshiena mbahandisha ku buta, anyi ku muele wa nvita, anyi ku nvita anyi ku tubalu anyi kudi bena tubalu.

Osheya 14:3

Bena Ashû kabena batusungila; katuena tubanda ha nyima ha tubalu tua nvita bua kuenda; katuena tuambila bintu bituakufula ku bianza bietu ne, Nudi nzambi yetu; bualu bua bana ba nshiya badi baheta luse kûdi.

Agayi 2:22

nkadi ha kutokola nkuasa wa bunfumu, nkadi ha kubutula bukole bua makelenge a bisamba bia bantu, ne ha kutokola makalu a nvita ne badi bendamu; tubalu ne badi babanda ha nyima hatu nebikumibue hanshi, muntu ne muntu wa munkatshi muabo neahone hanshi ku muele wa nvita wa muanʼabo.

Zekâya 9:10

Yeye neatshibule dikalu dia nvita ku Efelayima, neashihe kabalu ka nvita ku Yelushalema, neatshibule buta bua nvita; neambe mei a kuvuisha nʼau ditalala munkatshi mua bisamba bia bantu. Bukokeshi buandi nebuikale ku mai manene tô ne ku mai manene makuabo, ne ku musulu wa Pelata tô ne kunfudilu kua buloba.

Dielulula 17:16

Kadi yeye kena ne bualu bua kudikumbashila tubalu tua bungi, anyi bua kuhingisha bantu mu Ejipitu bua kuheteye tubalu tua bungi; bualu bua Yehowa wakamana kunuambila ne, Kanuhinganyi mu nshila au kabidi.