Mika 2:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Jukai, yai bienu! Ebu kembuloba bua nuenu kuikisha; bualu bua bubi buenu nenubutudibue kabutu!

MUKANDA WA MYIDI MUKULU

¹⁰ Jukayi! Umukayi! Dikisha dienu diajiki! Malu mabi anuvua benze, neanukebele makenga makole mapite!”

Mika 2:10 교차 참조

1 Bakalenga 9:7

nengumushe Bena Isalele mu buloba ebu bunakabaha; nengimashe nsubu eu unakajidila dina dianyi ku mesu kuanyi, ne Bena Isalele nebikale bu lusumuinu ne bu tshihendu munkatshi mua bantu bonso.

2 Bakalenga 15:29

Mu matuku a Peka, mukelenge wa Isalele, Tigelata-pilesê, mukelenge wa Ashû, wakalua, wakahaula Iyona ne Abele-bete-mâka ne Yanoa ne Kedeshe ne Hasô ne Gilada ne Galela ne buloba buonso bua Nafatale, wakaya nʼabo ku Ashû mu buhika.

2 Bakalenga 17:6

Mu tshidimu tshia tshitema tshia bukelenge bua Hoshea, mukelenge wa Ashû wakahaula Samalea, wakaya ne Bena Isalele ku Ashû, wakabashikika mu Halaha ne kukala kua musulu wa Habo wa mu Gozana ne mu misoko ya Bena Madai.

2 Kulondolola 7:20

nenjule bantu aba tô ne ku miji mu buloba buanyi bunakabaha; ne nsubu eu unakajidila dina dianyi, nemmûmushe ku mesu kuanyi, nemmuvuishe bu lusumuinu ne tshihendu munkatshi mua bantu bonso.

Misambu 106:38

Bakatatshisha mashi a bantu bakadi kabayi ne tshilumbu hanshi, akadi mashi a bana babo baledibue, balume ne bakashi, bakashihelabo mpingu ya mu Kanâna bu milambu. Buloba buakanyanguka ne mashi.

Misambu 95:11

Nunku nakaditshiha mu tshiji tshianyi ne, Kabena babuela mu dikisha dianyi.

Yirmeya 10:18

Bualu bua Yehowa udi wamba ne, Monai, mu tshikondo etshi nengihate bantu mu buloba, nembatatshishe bikole tô ne hammanyabo.

Yirmeya 3:2

Banduluka, umone miaba idi ha mutu ha mukuna idi kayiyi ne mitshi. Ha muaba kai hadibo kabayi banze kulala nʼebe? Wewe wakushikama kukala kua nshila ubalamina bu mudi Muena Alaba wenza mu tshihela; wakunyanga buloba ne masandi ebe ne malu mabi ebe.

Yirmeya 9:19

Bualu bua badi bunvua dî dia muadi didi difuma ku Siona diamba ne, Tuakubutudibua munyi? Tudi tukuatshika bundu bikole bualu bua tuakadi ne bua kulekela buloba buetu, ne bualu bua bakushimbula nsubu yetu.

Yezekiyele 36:17

Muana wa muntu, hakadi Bena Isalele bashikama mu buloba buabo, bakabunyanga ne bilele biabo ne bienzedi biabo. Bilele biabo biakadi ku mpala kuanyi bu bukoya bua mukashi utshidi ku katshetshi.

Yezekiyele 36:19

Nakabamuangalasha munkatshi mua bisamba bia bantu, ne bakatangadishibua munkatshi mua maloba makuabo; nakabalumbuluisha bu muakadi bilele biabo bibi ne bienzedi biabo.

Dielulula 12:9

bualu bua kanuena banze kubuela mu dikisha ne buhianyi bidi Yehowa, Nzambi wenu, unuha.

Dielulula 30:18

meme ndi nnuambila lelu ne, Nenujimishibue bulelela; kanuena nuvudisha matuku enu mu buloba bunuyaya dishiya dia Yadene bua kubuhiana.

Dielulula 4:26

ndi mbikila diulu ne buloba bu bamanyi ba bualu kunudi lelu ne, Nenujimine ha buloba bunudi nuhiana dishiya dia Yadene tshituha tshihi; kanuena nuvudishangana matuku enu ha buloba, kadi nebanujimishe bulelela.