Matayi 7:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Nunku mitshi yonso idi mimpe itu yakuama mamuma mimpe; kadi mitshi mibi itu yakuama mamuma mabi.

MUKANDA WA MYIDI MUKULU

¹⁷ Mutshi muimpe onsu udi ukuama bimuma bimpe; kadi mutshi mubi udi ukuama bimuma bibi.

Matayi 7:17 교차 참조

Misambu 1:3

Yeye udi bu mutshi wakukunabo kukala kua misulu ya mai, udi ukuama mamuma au mu tshidimu tshiau; dibeshi diau kadiena difubidila. Malu onso adiye wenza adi atuta diakalengele.

Yeshaya 61:3

bua kusamba badi badila mu Siona, bua kubaha nkata mulengele bua kubuesha ku mutu mu muaba wa butue, mafuta a disanka mu muaba wa madilu, tshivualu tshia butumbi mu muaba wa mutshima muneme bujitu; bua babikidibue ne, Mitshi ya telebinta ya buakane, ditentula dia Yehowa, bua yeye atumbishibue.

Yirmeya 11:19

Kadi nakadi bu muanʼa mukoko mutalale udibo baya nʼau ku tshishihelu; tshiakamanya muakadibo bangelele tshifufu bamba ne, Tutahe mutshi ne mamuma au diatshimue, tumûmushe ha buloba bua badi ne muoyo, bua bantu kabavuluki dina diandi kabidi.

Yirmeya 17:8

Bualu bua yeye neikale bu mutshi mukunyibue hehi ne mai, udi utuma miji yau ku mai a musulu, udi kauyi utshina halua munya mukole, kadi mabeshi au neashale mabishi; kawena uhohoka mabeshi mu tshidimu tshia munanga, kawena uhanga kukuama mamuma.

Matayi 7:18

Mutshi muimpe kawena mumanye mua kukuama mamuma mahi, mutshi mubi kawena mumanye mua kukuama mamuma mimpe.

Efeze 5:9

(mamuma a munya adi malu mimpe onso ne malu makane ne malu malelela),

Filipe 1:11

ne bua nuenu nûshibue tente ne mamuma a buakane adi afuma kudi Yesu Kilisto bua butumbi ne kutumbishibua bia Nzambi.

Kolose 1:10

ne bua nuenu nuende mu bienzedi bidi biakanangane ne Mukelenge ku dimusankisha dionso, ne bua nuenu nukuame mamuma mu mudimu wonso muimpe, ne bua nuenu nudiundadiunde mu kumanya kuenu kua Nzambi;

Yuda 1:12

Aba mbobo badi mabue masokome mu masanka a bidia bia dinanga hadiabo nʼenu; badi balami ba mikoko badi badidisha kabai ne ditshina; badi matutu adi kâi ne nvula matuala ku mpala kudi tshihehele; badi mitshi ya mu mushihu idi kayi ne mamuma, mifue misangu ibidi mijudibue ne miji;