Matayi 6:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Nutendelele Nzambi nunku: Tatu wetu udi mu diulu, banemeke dina diebe.

MUKANDA WA MYIDI MUKULU

⁹ Nutendelele mushindu ewu: “Tatu wetu udi mu diulu, dina diebe dia tshijila ditumbe;

Matayi 6:9 교차 참조

2 Samuele 7:26

Dina diebe ditumbishibue tshiendelele; bantu bambe ne, Yehowa wa misumba udi Nzambi ku mutu kua Bena Isalele; tshiota tshia muntu webe Davidi netshijadikibue tshiendelele ku mpala kuebe.

1 Bakalenga 8:43

umunvuile mu diulu kûdi ushikama, wenzele muntu wa bende malu onso adiye ukulomba; bua bantu bonso ba ha buloba bamanye dina diebe, bua kukutshina bu mudi bantu bebe Bena Isalele benze; bamanye kabidi ne dina diebe didi dibikidibue ku nsubu eu unakukuashila.

1 Kulondolola 17:24

Dina diebe dijadikibue, ditumbishibue tshiendelele, ne, Yehowa wa misumba udi Nzambi wa Isalele, Nzambi mene kudi Bena Isalele; ne nsubu wa Davidi muntu webe udi mujadikibue ku mpala kuebe tshiendelele.

2 Kulondolola 20:6

wakamba ne, Yehowa, Nzambi wa hatatu betu, wewe kuena Nzambi wa mu diulu, anyi? Wewe kuena mukokeshi wa makelenge onso a ha buloba, anyi? Bukokeshi ne bukole bidi mu tshianza tshiebe, nunku kakuena muntu udi mua kukukolela.

Nehemya 9:5

Hashishe Bena Lewi, Yeshua ne Kadamiele ne Bani ne Hashabeneya ne Shelebaya ne Hodiya ne Shebanya ne Petehiya, bakamba ne, Jukai bienu, nuvudishile Yehowa Nzambi wenu disanka ku tshibangidilu tô ne kunshikidilu. Bavudishile dina diebe dia butumbi disanka, didi ditumbishibue ha mutu ha masanka onso ne butumbi buonso.

Misambu 111:9

Wakatumina bantu bandi luhandu, wakabajadikila tshihungidi tshiandi bua tshikaleku tshiendelele. Dina diandi ndia tshijila ne didi divuishisha bantu dikema.

Misambu 115:3

Kadi Nzambi wetu udi mu diulu, yeye utu wenza malu onso adiye musue.

Misambu 72:18

Yehowa Nzambi, Nzambi wa Isalele, avudishibue disanka, anu yeye nkayandi udi wenza malu a kukema.

Yeshaya 37:20

Nunku, ndi nkusengelela, Yehowa Nzambi wetu, utusungile mu tshianza tshiandi, bua ba mu makelenge onso a ha buloba bamanye ne wewe Yehowa udi Nzambi nkayebe.

Yeshaya 57:15

Bualu bua Wa mu Diulu ne udi Mubandishibue mulu udi mushikame mujadikibue mu nkuasa wandi wa butumbi tshiendelele, udi dina diandi ne, Wa Tshijila, udi wamba ne, Ndi mushikame mu muaba udi mulu ne udi wa tshijila, ndi mushikame kabidi ne muntu udi ne mutshima munyingalale ne mudihuekeshe, bua kusangasha nyuma wa udi mudihuekeshe ne bua kusangasha mutshima wa muntu udi unyingalala bua bubi.

Yeshaya 6:3

Bakananukila kuelangana mei, bambilangana ne, Wa Tshijila, Wa Tshijila, Wa Tshijila udi Yehowa wa misumba; buloba buonso budi bûle tente ne butumbi buandi.

Yeshaya 63:16

Bualu bua wewe udi Tatu wetu, nansha bikala Abalahama kayi mutumanye, nansha bikala Isalele kayi mutuitabushe bu bana bandi. Wewe, Yehowa, udi Tatu wetu; Muhikudi wetu wa ku tshibangidilu ndina diebe.

Yeshaya 64:8

Kadi wewe Yehowa udi Tatu wetu; tuetu tudi dima ne wewe udi mufumbi; buonso buetu tudi bintu biwakuenza ku bianza biebe.

Yeshaya 66:1

Yehowa udi wamba dî edi ne, Diulu didi nkuasa wanyi wa bukelenge ne buloba budi tshitekelu tshia muinshi mua makasa anyi; nenungibakile nsubu kai? Muaba kai newikale tshikishilu tshianyi?

Yezekiyele 36:23

Mukelenge Yehowa udi wamba ne, Nenjidile dina dianyi dinene diakanyangabo munkatshi mua bisamba bia bantu, dinuakanyanga bienu mene munkatshi muabo; ne ba mu bisamba abi nebamanye ne, Meme ndi Yehowa, hanadimuenesha bu Wa Tshijila ku mpala kuabo ku bienzedi bindi nnuenzela.

Yezekiyele 38:23

Nemmueneshe bunene buanyi ne tshijila tshianyi, nendimanyishe ku mesu kua bisamba bia bungi bia bantu. Nunku nebamanye ne, Meme ndi Yehowa.

Lewitiki 10:3

Nunku Mose wakambila Alona ne, Ebu mbualu bakamba Yehowa ne, Nenjidibue kudi bantu balualua ha buihi nʼanyi, nentumbishibue ku mesu kua bantu bonso Alona wakahuwa talalâ.

Abakuke 2:14

Kadi buloba nebûshibue tente ne kumanya kua Yehowa, bu mudi mai avuisha mai manene onso.

Zekâya 14:9

Yehowa neikale Mukelenge wa buloba bujima. Mu dituku adi Yehowa neikale anu umue, ne dina diandi nedikale dimue.

Malaki 1:11

Yehowa wa misumba udi wamba ne, Ku kuhatuka kua diba tô ne ku kubuela kuadi dina dianyi didi dinene munkatshi mua ba mu bisamba bia bantu. Mu muaba wonso badi bangoshila musenga wa manananshi ne badi bafila mulambu, mulambu muakane mene, mu dina dianyi; bualu bua dina dianyi didi dinene munkatshi mua ba mu bisamba bia bantu.

Matayi 10:29

Kabatu bahana mishamisha ibidi ku dikuta dikese, anyi? Mushamusha umue kawena uhona hanshi, anu hitabusha Tatu wenu.

Matayi 23:9

Kanubikidi muntu wa ha buloba ne, Tatu wetu, bualu bua nuenu nudi ne Tatu umue, yeye udi mu diulu.

Matayi 26:29

Ndi nuambila ne, Tshiena nua maluvu kabidi tô ne halua dituku dinanua nʼenu maluvu mahia-mahia mu bukelenge bua Tatu wanyi.

Matayi 26:42

Wakaya tshiakabidi, wakatendelela Nzambi, wakamba ne, Tatu wanyi, bikala luhanza elu kalui lumanya mua kumuka kundi, bikala bualu bunkuata bua kulunua, bualu buenjibue bu mûdi musue.

Matayi 5:16

Nunku munya wenu uteme ku mesu kua bantu, bamone midimu yenu mimpe, batumbishe kabidi Tatu wenu udi mu diulu.

Matayi 5:48

Nunku nuenu nenuikale bakane bu mudi Tatu wenu wa mu diulu muakane.

Matayi 6:14

] Binuajimishila bantu mibi yabo, Tatu wenu udi mu diulu neanujimishile mitu yenu.

Matayi 6:6

Kadi wewe, hawatendelela Nzambi, ubuele mu kasubu kebe ka tshisokomenu, winshile tshibi, utendelele Tatu webe, udi biandi mu tshisokomenu, ne Tatu webe udi umona mu musokoko neakuhe.

Matayi 7:11

Nunku nuenu bantu babi, binuamanya mua kuha bana benu bintu bimpe, Tatu wenu udi mu diulu kena utamba kuha badi bamulomba bintu bimpe, anyi?

Luke 15:18

Nembike, nenye kudi tatu wanyi, nemuambile ne, Tatu, nakuenzela diulu bibi, nakuenza bibi ku mesu kuebe kabidi.

Luke 15:21

Muana wakamuambila ne, Tatu, nakuenzela diulu bibi, nakuenza bibi ku mesu kuebe kabidi; tshiena bianyi muimpe kabidi bua kumbikilabo ne, Muanʼebe.

Luke 2:14

Butumbi buikale kudi Nzambi mu diulu, Ditalala dikale hanshi ha buloba munkatshi mua bantu badi basankisha Nzambi.

Yowanane 20:17

Yesu wakamuambila ne, Kundengi tshianza, bualu bua tshiena muanze kuya kulu kudi Tatu; ya kudi bana betu, ubambile ne, Ndi nya kulu kudi Tatu wanyi ne Tatu wenu, kudi Nzambi wanyi ne Nzambi wenu.

Rome 1:7

Ndi nfunda kudi bonso ba mu Lomo, banangibue kudi Nzambi, babikidibue bua kuikala basanto. Ngasa kunudi ne ditalala bia kudi Nzambi, udi kabidi Tatu wetu, ne kudi Mukelenge Yesu Kilisto.

Rome 8:15

Bua kanuakuangata nyuma wa buhika tshiakabidi bua kutshina; kadi nuakuangata nyuma wa buhianyi bua bana utudi tubikila nʼandi Nzambi ne, Aba, Tatu.

Ngalate 1:1

Paulo, mupostolo, tshi mufume kudi bantu, tshî mutumibue kudi muntu, kadi anu kudi Yesu Kilisto ne kudi Nzambi Tatu wakamubisha ku lufu,

Ngalate 4:6

Ne bualu bua nudi bana, Nzambi wakatuma Nyuma wa Muana wandi mu mitshima yetu, wela di diandi ne, Aba, Tatu.

1 Timote 6:16

anu yeye udi kai mua kufua, udi wikala mu munya udi bantu kabai bamanye mua kufika kudiu, udi muntu kai muanze kuimona, ne udiye kai mumanye mua kumona kabidi; yeye ikale biandi ne buneme ne bukole bua tshiendelele. Amen.

1 Petro 1:17

Binuamubikila bu Tatu udi ulumbuluisha muntu yonso bu mudi bienzedi biandi kai ne kansungunsungu, nuhitshishe tshikondo tshia buenyi buenu mu ditshina.

Didimanyisha 4:11

Wewe, Mukelenge wetu ne Nzambi wetu, udi muakane bua kuangata butumbi ne buneme ne bukole; bualu bua wewe wakafuka bintu bionso, ne bualu bua disua diebe biakadiku, ne biakafukibua.

Didimanyisha 5:12

bamba ne dî dikole ne, Muana wa Mukoko wakushihibua udi ne buakane bua kuangata bukole ne bubanshi ne meshi, ne bukole ne buneme ne butumbi ne disankisha.