Matayi 5:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Badi ne mitshima mitoke badi ne disanka, bua bobo nebamone Nzambi.

MUKANDA WA MYIDI MUKULU

⁸ Bantu badi ne muoyi munonoke, ke bena diakalenga, bualu nebamone Mvidi Mukulu!

Matayi 5:8 교차 참조

Genese 32:30

Yakoba wakidika muaba au ne, Peniele bualu bua yeye wakamba ne, Nakumonangana ne Nzambi mpala ha mpala ne muoyo wanyi wakuhanduka.

2 Samuele 22:27

Wewe neudileshe muakane kudi badi ne buakane; neuleshe mutshima mukole kudi badi ne mutshima mukole.

Misambu 15:2

Nyeye udi wenda mu buakane, udi wenza malu makane, udi wamba mei malelela mu mutshima wandi.

Misambu 18:26

Udi udimuenesha muena mutshima mutoke kudi muntu udi ne mutshima mutoke; udi udimuenesha muena budimu kudi muntu udi ne tshitshu.

Misambu 24:4

Nyeye udi ne bianza bidi kabiyi bienza bualu bubi ne udi ne mutshima mutoke, udi kayi mubandishile muoyo wandi ku malu a mashimi, udi kayi muditshihe mitshihu bua kudingeye nʼai.

Misambu 51:10

Nzambi, unfukile mutshima mutoke munda muanyi, ungenzele nyuma mujalame munda muanyi.

Misambu 51:6

Mona, wewe udi musue bushuwa buikale munda mua muntu; udi ummanyisha mua kuikala ne meji munda muanyi.

Misambu 73:1

Bulelela, Nzambi udi muimpe mu bienzedi biandi kudi Bena Isalele, kudi badi ne mitshima mitoke.

Nsumuinu 22:11

Udi munange butoke bua mu tshima, udi ne mei a luse ku mishiku yandi, mukelenge neikale mulunda wandi.

Bienzedi 15:9

kakatahulula hankatshi hetu nʼabo, wakuvua mitshima yabo ku ditabusha.

1 Korente 13:12

Katataka tudi tutangila mu ludimuenu bu dijimbu; kadi dituku diadia netutangilangane mpala ha mpala; katataka ndi mumanye anu tshituha tshia malu; kadi dituku diadia nenmanye malu onso, bu munakamanyibua mu malu onso.

2 Korente 7:1

Bana betu, bualu bua tuetu tudi ne milayi ei, tudilengeshe ku manyanu onso a mubidi ne a nyuma, tukumbashe tshijila tshietu mu ditshina dia Nzambi.

Tite 1:15

Bintu bionso bidi biakane kudi bantu badi ne mitshima mitoke; kadi kudi badi babike, badi kabai ne ditabusha, kakuena tshintu tshidi tshiakane; kadi meshi abo ne muoyo-mukese wabo mbioneka.

Ebrewu 10:22

tusemene bietu ha buihi nʼandi ne mutshima mulelela mu dimanya dijalame dia ditabusha, ne mitshima yetu mimiamina bua kulengesha kua muoyo-mukese mubi, ne mibidi yetu miuvue ne mai mimpe.

Ebrewu 12:14

Nukebe kuheta ditalala ne bantu bonso, ne kujidibua kudi muntu kai nʼaku kena mumanye mua kutangila Mukelenge.

Ebrewu 9:14

mashi a Kilisto, wakadifila kudi Nzambi kai ne ditoba, bua Nyuma wa Tshiendelele, neatambe misangu bungi munyi kulengesha muoyomukese webe ku midimu mifue bua kukuatshila Nzambi udi ne muoyo mudimu?

Yakobe 3:17

Kadi meshi adi afuma mu diulu diambedi adi mimpe, hashishe adi ditalala, adi buhote, budi bualu butekete bua kuasengelela, adi mûle tente ne luse ne mamuma mimpe, kêna ne mpata, kêna ne lubombo.

Yakobe 4:8

Semenai ha buihi ne Nzambi ne yeye neasemene ha buihi ntemu. Nulengeshe bianza bienu, nuenu bantu babi, nutokeshe mitshima yenu, nuenu bena mitshima ibidi.

1 Petro 1:22

Bualu bua nuenu nuakulengesha mitshima yenu mu kutumikila kuenu kua malu a bushua bua kuikala ne dinanga dia bana benu ba mu Kilisto didi kadî ne lubombo, nunku nunangangane mu mitshima yenu bikole;

Didimanyisha 22:4

ne nebamone mpala wandi; ne dina diandi nedikale ha mpala habo.