Matayi 5:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Badi badila badi ne disanka, bua bobo nebasambibue.

MUKANDA WA MYIDI MUKULU

⁴ Bantu badi banyingalala, ke bena diakalenga, bualu Mvidi Mukulu neabasambe!

Matayi 5:4 교차 참조

Yeshaya 12:1

Mu dituku adi newambe biebe ne, Nenkusakidile wewe, Yehowa; bualu bua wakankuatshila tshiji diambedi, kadi tshiji tshiebe tshiakukudimuka kundi, wakunsamba.

Yeshaya 25:8

Yeye wakumina lufu tshiendelele; ne Mukelenge Yehowa neakuhule binsonshi ku mesu kua bantu bonso; neumushe tshihendu tshidibo bahenda nʼatshi bantu bandi, utshiumusha ha buloba buonso; bualu bua Yehowa wakuamba dî edi.

Yeshaya 30:19

Nuenu, ba mu Siona badi bashikame mu Yelushalema, kanuena nudila kabidi. Yeye neanuleshe dinanga diandi bulelela hunvueye muadi wenu; mu diba didiye unvua neitabe kunudi.

Yeshaya 35:10

Bantu badi Yehowa muhikule nebahingane, nebalue ku Siona bimba misambu; disanka dia tshiendelele nedikale ha mitu habo; nebahete disanka ne diakalengele; kanyinganyinga ne kuhumuna nebinyeme kule.

Yeshaya 57:18

Nakutangila bienzedi biandi, ne nenshikishe disama diandi; nemmulombole kabidi, nemmufute ne busambi, nenfukile bianyi bena madilu bandi mamuma a ku mishiku.

Yeshaya 66:10

Buonso buenu badi bamunange, sankai bienu ne Yelushalema; nuikale ne disanka bua bualu buandi; buonso buenu badi badila bualu buandi, nusanke nʼandi ne disanka dienu;

Yeshaya 66:2

Yehowa udi wamba ne, Bua tshianza tshianyi tshiakufuka bintu ebi bionso, ne bintu ebi bionso biakulua bianyi. Kadi eu mmuntu undi ntekemena, nyeye udi ne mutshima muhuekele ne wa majia, udi uzakala ku dî dianyi.

Yezekiyele 7:16

Biahanduka bakuabo ba munkatshi mua bantu batshidi bashala ne muoyo, nebikale ha mitu ha mikuna bu nyunyu ya nkutshi ya mu bibanda idila, buonso buabo badila bua bubi buabo.

Yezekiyele 9:4

Yehowa mene wakamuambila ne, Hitshila mu musoko, munkatshi mua misesu ya Yelushalema mene, funda tshimanyinu ha mpala ha bantu badi bahumuna muoyo ne badi badila bualu bua malu a bundu adi bakuabo benza munkatshi muau.

Zekâya 12:10

Nengitshikishile ba mu tshiota tshia Davidi ne ba mu Yelushalema nyuma wa luse ne wa kutendekena; nebamumone wakutuabo difuma; nebamuashile muadi bu mudi muntu washila muanʼandi umuehele muadi, nebamudile ne kanyinganyinga kakole, bu mudi muntu udila ne kanyinganyinga kakole bua lufu lua muanʼa bute wandi.

Luke 16:25

Kadi Abalahama wakamba ne, Muanʼanyi, uvuluke ne, Wewe, hawakadi ne muoyo, wakadi ne bintu biebe bimpe, Lazalo kabidi wakadi ne bintu bibi; kadi katataka kunoko yeye udi usanka ne wewe udi ukenga.

Luke 6:21

Nuenu badi ne nsala katataka nudi ne disanka, bua nuenu nenukute. Nuenu badi badila katataka nudi ne disanka, bua nuenu nenuseke.

Luke 6:25

Nuenu badi bûkute katataka, mulau ulualua Kunudi, bua nenuikale ne nsala! Nuenu badi baseka katataka, mulau ulualua kunudi, bua nenujinge, nenudile!

Luke 7:38

hakadiye muimane ku makasa a Yesu ku nyima kuandi udila, wakabanga kubolesha makasa andi ne binsonshi biandi, wakâkuhula ne nsuki yandi, wakatua mishiku ku makasa a Yesu, wakaela mananashi.

Luke 7:50

Yeye wakambila mukashi ne, Ditabusha diebe diakukusungila, ya biebe talalâ.

Yakobe 1:12

Muntu udi utantamana mu mateyi udi ne disanka; bualu bua hakamanabo kumujadika, neangate tshifulu tshia butumbi tshia muoyo tshiakalaya Mukelenge badi bamunanga.

Didimanyisha 21:4

Yeye neakuhule tshinsonshi tshionso ku mesu kuabo; ne lufu kaluena luikalaku kabidi; madilu kêna ikalaku kabidi, nasha muadi, nasha kanyinganyinga kabidi; malu a kumudilu akumuka.