Matayi 5:30 - Mukanda wa Nzambi Dihungila Dikulukulu ne Dihungila Dihia-dihia 2003

³⁰ Biakulenduisha tshianza tshiebe tshia balume, watshikosa, watshimasha, bualu bua kujimisha tshintu tshimue tshia mubidi webe kudi kutamba kuya kua mubidi wonso mu Ngena.

MUKANDA WA MYIDI MUKULU

³⁰ Pikala tshianza tshiebe tshia ku dia balume tshikufikisha ku bubi, utshikose, utshimanshe kule. Bualu mbimpe kujimija tshitupa tshimue tshia mubidi webe, pa mutu pa wewe kubuela mu kandondu ne mubidi webe mujima.

Matayi 5:30 교차 참조

Matayi 11:6

Muntu yonso udi kai ulenduka bua bualu buanyi udi ne disanka.

Matayi 13:21

kadi yeye kena ne muji munda muandi, udi ushala tshituha tshihi; halua dikenga anyi lutatu bualu bua dî dia Nzambi, yeye udi ulenduka lubilu.

Matayi 16:23

Kadi yeye wakatshinguluka, wakambila Petelo ne, Satana, yila ku nyima kuanyi, wewe udi tshilenduishi tshianyi, bualu bua wewe kuena welangana meshi a malu a Nzambi, udi welangana meshi anu a malu a bantu.

Matayi 17:27

Kadi katubalenduishi, uye biebe ku dishiba, wele ndoho mu mai, wangate mushiha wadianjila kulua; hawabuela mukana muau, neusangane nshekela; umuangate, ubaheye bua wanyi ne webe.

Matayi 18:8

Biakulenduisha tshianza tshiebe, anyi dikasa diebe, watshikosa, watshimasha; bua wewe kubuela mu muoyo ne tshilema ne kuzobela kudi kutamba bua wewe kuimashibua mu kahia ka tshiendelele ne bianza bibidi ne makasa abidi.

Matayi 22:13

Mukelenge wakambila bantu bandi ne, Numusuike ku bianza ne ku makasa, numuimashe ha bula mu midima. Muadi newikalemu ne kusumakana menu.

Matayi 25:20

Wakadi muangate ntalanta itanu wakalua, wakatuala ntalanta itanu mikuabo, wakamba ne, Mukelenge, wewe wakampa ntalanta itanu, mona, nakuheta minga itanu.

Matayi 26:31

Yesu wakabambila ne, Buonso buenu nenulenduke bua bualu buanyi butuku ebu: bua bakafunda ne, Nenshihe mulami wa mikoko, tshisumbu tshiai netshitangadike.

Matayi 5:22

kadi meme ndi nuambila ne, Muntu yonso udi ne muanʼabo tshishi nebamubande ku tshilumbuluidi; muntu yonso wamhila muanʼabo ne, Laka, nebamubande kudi balumbuludi banene; muntu yonso wambila munga muntu ne, Wewe udi muhote, udi mua kukengeshibua mu Ngena wa kahia.

Matayi 5:29

Bikala disu diebe dia ku tshianza tshia balume dikulenduisha, wadiula, wadimasha; bualu bua kujimisha tshintu tshimue tshia mubidi webe kudi kutamba kuedibua kua mubidi webe wonso mu Ngena.

Marke 9:43

Biakulenduisha tshianza tshiebe, watshikosa; bua wewe kubuela mu muoyo ne tshilema kudi kutamba bua wewe kuya mu Ngena ne bianza biebe bibidi, mu kahia kadi kakai kajima tshiendelele. [

Luke 12:5

Meme nenudimushe bua wa nuenu kutshina: Nutshine udi ne bukole bua kuela bantu mu Ngena; bulelela, ndi nuambila ne, Numutshine yeye.

Luke 17:2

Biakadi bimpe kumusuika dibue dia kuhela nʼadi mu nshingu, kumuela mu mai manene, diambedi kai muanze kulenduisha umue wabo wa mu bantu aba bahuekele.

Rome 9:33

bu muakafundabo ne, Tangila, ndi nteka mu Siona dibue dia tshilenduishi, ne dibue dia buteyi; Ne weyemena kudidi kena ufuishibua bundu.

1 Korente 8:13

Nunku bialenduisha bia kudia muanʼetu wa mu Kilisto, tshiena ndia munyinyi tô ne tshiendelele, bua tshilenduishi muanʼetu.

Ngalate 5:11

Kadi meme, bana betu, bingikala ntshidi nuambila bualu bua ditengula, ntshidi nkengeshibua bua tshinyi? Nunku dilenduisha dia mutshi mutshiamakane diakumushibua.

1 Petro 2:8

ne dibue dia kukumabo dikasa, ne mutunda wa dibue wa kubalenduisha: bobo badi balenduka ku dî dia Nzambi bualu bua buhidia buabo; bakatekibua ku bualu ebu kabidi.