Matayi 3:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Hakamubatizabo nunku, Yesu wakumuka mu mai; ne monai, diulu diakamubuikila, yeye wakatangila Nyuma wa Nzambi uhueka bu nyunyu wa nkutshi, umuikila;

MUKANDA WA MYIDI MUKULU

¹⁶ Yowanane mumane kutua Yezu mu mayi, Yezu kupatukamu diakamue. Diulu kubululuka. Yezu kumona Mueyelu wa Mvidi Mukulu upueka bu nyunyu wa nkudimba, umuikila.

Matayi 3:16 교차 참조

Yeshaya 11:2

Nyuma wa Yehowa neashikame hamʼbidi handi, nyuma wa meji ne wa kujingulula kua malu, nyuma udi umukuatshisha ne meji ne bukole, nyuma wa kumanya Yehowa ne wa kumunemeka.

Yeshaya 42:1

Tangilai, muntu wanyi undi nshindika, wanyi musungula udi mutshima wanyi usanka bualu buandi. Nakumuela Nyuma wanyi hamʼbidi handi; yeye neavuishile bisamba bia bende kulumbulula kuakane.

Yeshaya 59:21

Yehowa udi wamba ne, Bu mundi ngamba, etshi ntshihungidi tshindi mpunga nʼabo: Nyuma wanyi udi hamʼbidi hebe, ne mei anakuteka mukana muebe, kabiena biumuka mukana muebe, anyi mukana mua bana bebe baledibue, anyi mukana mua bikulu bebe, ku dituku edi to ne tshiendelele. Yehowa udi wamba nunku.

Yeshaya 61:1

Nyuma wa Mukelenge Yehowa udi hamʼbidi hanyi, bualu bua Yehowa wakunjidika ne manyi ha mutu hanyi bua meme kuambila badi mu dikenga lumu luimpe; wakuntuma bua kusangasha mitshima ya badi batamba kunyingalala, bua kuambila badi babueshibue mu buhika dî bua budishikaminyi buabo, ne bua kuambila badi basuikibue mu nsubu wa lukanu bua dikohoka diabo;

Yezekiyele 1:1

Mu tshidimu tshia makumi asatu, mu ngondo muinai, mu dituku ditanu dia ngondo, hanakadi munkatshi mua bahika ku muelelu wa musulu wa Kebâ, diulu diakabuluka, ne nakamona bikena kumona bia Nzambi.

Marke 1:10

Hakumukeye mu mai, wakamona diulu dibululuka, ne Nyuma bu nyunyu wa nkutshi umutulukila;

Yowanane 1:51

Wakamuambila ne, Bulelela, bulelela, ndi nuambila ne, Nenumone diulu dibulula ne banjelo babanda bahueka ha Muana wa muntu.

Yowanane 3:34

Udi mutuma kudi Nzambi udi wamba mei a Nzambi; bualu bua yeye kena umulobela Nyuma.

Bienzedi 1:22

babangile ku dibatiza diandi kudi Yone tô ne ku dituku diakangatshibueye kutudi bua kaya mu diulu; budi umue wabo nʼabo mbua kusungudibua bua kuikaleye mumanyi nʼetu wa dibika diandi ku lufu.

Bienzedi 7:56

wakamba ne, Monai, ndi ntangila diulu dibululuke, ne Muana wa muntu muimane ku tshianza tshia bukole tshia Nzambi.

1 Yone 5:6

Nyeyʼeu wakalua ne mai ne mashi, Yesu Kilisto mene; kene mai nkayau, kadi ne mai ne mashi.