Matayi 28:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Mpala wandi wakadi bu muele wa nvula, bilulu biandi biakadi bitoke tô bu neje;

MUKANDA WA MYIDI MUKULU

³ Mutumibue awu uvua ukenka bu muele wa mvula. Bilamba biende bivua bitoke too bu ndanda.

Matayi 28:3 교차 참조

Misambu 104:4

Udi uvuisha mpehele bu ba-messager bandi, ne ndimi ya kahia bu bakuatshi bandi ba mudimu.

Danyele 7:9

Hanakadi ntangila, bakateka nkuasa ya bukelenge. Wa Kale wa Matuku a Bungi wakashikamahu. Bivualu biandi biakadi bitoke tô bu neige, ne nsuki ya ku mutu wandi yakadi bu miosa ya mikoko. Nkuasa wandi wa bukelenge wakadi bu ludimi lunene lua kahia, nkata ya ku nkuasa wandi yakadi kahia kakole.

Matayi 17:2

Yeye wakakudimuka ku mesu kuabo; mpala wandi wakaditemena bu diba, bilulu biandi biakatoka bu munya.

Matayi 28:4

balami bakamutshina, bakazakala, bakalua bu bantu bafue.

Marke 16:5

Hakabuelabo mu lukita, bakamona nsongalume mushikame ku luseke lua tshianza tshia balume, muluate tshilulu tshitoke; bakakema bikole.

Marke 9:3

bilulu biandi biakengelela, biakadi bitoke tô, buvu ba bilulu bonso ba ha buloba kabena bamanye mua kubitokesha nunku.

Yowanane 20:12

wakamona banjelo babidi bashikame baluate bilulu bitoke tô, munga ku mutu, mukuabo ku makasa, hakadi tshitalu tshia Yesu tshiladika.

Bienzedi 1:10

Hakadiye uya, bakatangila mu diulu talala; monai, balume babidi bimane ha buihi nʼabo baluate bilulu bitoke tô;

Didimanyisha 10:1

Nakatangila muanjelo mukuabo mukole uhueka mu diulu, muluatshisha ne ditutu; ne muanzankongolo wakadi ha mutu handi, ne mpala wandi wakadi bu diba, ne makasa andi akadi bu ndimi ya kahia;

Didimanyisha 18:1

Ku nyima kua malu â nakatangila muanjelo mukuabo uhueka, uluhuka mu diulu, muikale ne bukokeshi bunene, ne buloba buakatemibua ne butumbi buandi.