Matayi 2:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Hakamanya Helode ne, Bena Meshi badi banseka, wakadi ne tshishi tshikole, wakatuma bua kushihabo bana balume bonso ba mu Beteleheme ne ba ku matshika a musoko ba katataka tô ne ba bidimu bibidi, bu ba tshikondo tshiakumanyineye kudi Bena Meshi.

MUKANDA WA MYIDI MUKULU

¹⁶ Erode kujingulula ne: bena meji mbanshime, kufikaye munda bikole. Kutumaye diyi bua bashipe bana ba balume bonsu ba mu Betleyeme, ne ba mu misoku ivua pabuipi. Bana aba bavua ne bidimu bibidi anyi bishadile, bilondeshile tshikondu tshivua bena meji bamujadikile bua dimueneka dia mutotu.

Matayi 2:16 교차 참조

Genese 39:14

mukashi wakela dî kudi balume ba mu nsubu wandi, wakabambila ne, Tangilai, mulume wanyi wakulua ne Muena Ebelu mu nsubu bualu bua kutufiusha bundu, wakabuela mu nsubu bua kulaleye banyi, ne meme nakuela di dianyi dikole.

Genese 39:17

Yeye wakambila mulume wandi mei onso ne, Muhika webe, Muena Ebelu, uwakulua nʼandi mu nsubu, wakabuela kundi bua kunfuisha bundu,

Genese 49:7

Tshiji tshiabo tshidi tshiedibue mulau, bualu bua tshiakatamba bukole ne bualu bua lukina luabo kaluakadi ne luse, nembatahulule mu Yakoba, nembamuangalashe mu Isalele.

2 Bakalenga 8:12

Hazaele wakamuebesha ne, Mukelenge wanyi, udi udidila tshinyi? Yeye wakamuambila ne. Bualu bua ndi mumanye malu mabi audi muenzele Bena Isalele; wewe newoshe misoko yabo idi ne ngumbu ne kahia, wewe neushihe bansongalume babo ku miele ya nvita, wewe neukosolole bana babo bakese bituha bituha, neuhande bakashi babo badi ne mafu.

Yobe 12:4

Nakulua bu muntu udibo basekaseka kudi muena mutumba nʼandi, meme mene nguakubikila Nzambi, ne yeye wakitaba kundi. Muntu muakane, muntu muakane tshishiki, wakulua tshintu tshia bantu kuseka!

Nsumuinu 28:15

Bu nyama wa ntambue udi udila, anyi bu nkashama udi ukeba nyama ya kudia, mbu mudi mukokeshi mubi udi ku mutu kua bantu bahele.

Nsumuinu 28:17

Muntu udibo bahisha bualu bua mashi a munga muntu adi hamʼbidi handi aye mu dijimba; muntu kamukuatshisha nansha.

Yeshaya 26:21

Bua, monai, Yehowa udi uluhuka mu muaba wandi bua kukengesha ba ha buloba bua bubi buabo; buloba kabidi nebusokolole mashi akanuabu, kabuena busokoka kabidi bakadi bashihibuamu.

Yeshaya 59:7

Makasa abo adi aya lubilu kudi malu mabi, adi adiendesha lubilu bua kumatshisha mashi a muntu udi kayi ne tshilumbu; meji abo adi meji mabi, kubutuka ne kuoneka kudi mu nshila yabo minene.

Danyele 3:13

Bua mei â Nebukadenesâ wakafika munda ne wakakuata tshiji tshikole, wakela mukenji ne, Balue ne Shadalaka, Meshaka ne Abedenego. Nunku bakalua ne bantu aba ku mpala kua mukelenge.

Osheya 10:14

Nunku diyoyo nedijuke munkatshi mua bana benu, misoko yenu yonso ya ngumbu ya nvita neyibutudibue, bu muakashiha Shalamana Bete-âbela mu dituku dia nvita; bakatshibula bamamu ne bana bakalelabo diatshimue.

Dibadika 22:29

Belâma wakambila mpunda ne, Bualu bua wewe wakansekesha, bu meme muikale ne muele wa nvita mu tshianza, nakadi kukushiya.

Dibadika 24:10

Tshiji tshiakakuata Balaka bualu bua Belâma wakakuma bianza biandi Balaka wakambila Belâma ne, Nakakubikila bua kungelela bantu badi hanyi lukuna mulau, kadi mona, wewe wakubavudishila disanka misangu ei isatu.

Matayi 2:1

Hakalelabo Yesu mu Beteleheme wa mu Yudaya mu matuku a mukelenge Helode, Bena Meshi ba ku esete bakalua ku Yelushalema, bakonka ne,

Matayi 2:17

Nunku bakashikisha dî diakambibua kudi muprofete Yelemiya ne,

Matayi 2:7

Hashishe Helode wakabikila Bena Meshi mu musokoko, wakabakonka diba mene mene diakamueneka mutoto.

Didimanyisha 12:4

Mukila wandi wakakoka tshituha tshisatu tshia mitoto ya mu diulu, ne wakayela ha buloba; ne dragon wakimana ku mpala kua mukashi wakadi wamba kulela, bua kudieye muana wandi hamuleleye.

Didimanyisha 17:6

Ne nakatangila mukashi mukuatshike ne mashi a basanto, ne mashi a bamanyishi ba Yesu. Hanakamutangila, nakakema ne dikema dikole.

Balombodi 16:10

Delila wakambila Shimishona ne, Mona, wakunseka, wakunshima; katataka ndi nkusengelela ne, Ungambile mudibo mua kukusuika.