Matayi 2:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Hakayabo, muanjelo wa Mukelenge wakamueneka kudi Yosefe mu tshilota, wakamuambila ne, Bika biebe, angata muana ne baba wandi, unyemena mu Ejipitu, ushaleku tô ne hanakuambila; bualu bua Helode neakebe muana bua kumushiha.

MUKANDA WA MYIDI MUKULU

¹³ Bena meji bamane kumuka, ke mutumibue wa Maweja-Nangila kumuenekela Yozefe mu tshilota, umuambila ne: — Juka, angata muana ne mamuende, uye kusokomena nabu mu Ejipitu. Ushalemu too ne pangakuambila bua wewe kupingana. Bualu Erode neakebe muana bua kumushipa.

Matayi 2:13 교차 참조

1 Bakalenga 11:17

kadi Hadada ne bantu bakuabo ba tatu wandi bakanyemena mu Ejipitu; Hadada wakatshidi muana mukese.

1 Bakalenga 3:5

Mu Gibeona Yehowa wakamueneka kudi Solomo mu tshilota butuku; Nzambi wakamuambila ne, Ulombe tshindi mua kukuha.

Yobe 33:15

Mu tshilota mene, mu tshikena kumona tshia butuku, hakuatshike bantu tulu tukole, halalabo tulu ha malalu;

Yobe 33:17

bua yeye umushe muntu ku bienzedi bibi, ne bua yeye akande muntu ku dihetu;

Ekesode 1:22

Palo wakelela bantu bandi bonso mukenji ne, Bialelabo muana mulume, nenumuele mu musulu, kadi nensungile bana bakashi.

Matayi 1:20

Hakadiye welangana meshi a malu â, muanjelo wa Mukelenge wakamueneka kudiye mu tshilota tshiandi, wakamba ne, Yosefe, muana wa Bayidi, kutshinyi mua kuangata mukashi webe Malia, bualu bua udi muimita munda muandi ngua Nyuma Muimpe.

Matayi 10:23

Kadi hanukengeshabo mu musoko eu, nunyemene ku mukuabo; bulelela, ndi nuambila ne, Muana wa mutu nealue diambedi kanui banze kuenda mu misoko yonso ya Isalele.

Matayi 2:12

Hakabadimusha Nzambi mu tshilota ne, Kanuhinganyi kudi Helode, bakaya kuabo mu munga nshila.

Matayi 2:14

Yeye wakabika, wakangata muana ne baba wandi butuku, wakaya mu Ejipitu;

Matayi 2:16

Hakamanya Helode ne, Bena Meshi badi banseka, wakadi ne tshishi tshikole, wakatuma bua kushihabo bana balume bonso ba mu Beteleheme ne ba ku matshika a musoko ba katataka tô ne ba bidimu bibidi, bu ba tshikondo tshiakumanyineye kudi Bena Meshi.

Matayi 2:22

Kadi hakunvueye lumu ne, Âkelao wakuhingana mu bukelenge bua tatu wandi Helode, wakadi ukokesha Yudaya, wakatshina mua kuyaku! Nzambi wakamudimusha mu tshilota, wakayila mu luseke lua Galela,

Bienzedi 10:22

Bakamba ne, Kônelio, kapitene ka masalayi lukama, udi muntu muakane udi utshina Nzambi, lumu luandi ludi luimpe ku tshisamba tshionso tshia Bena Yuda; Nzambi wakamudimusha kudi muanjelo wa tshijila bua kukubikileye ulue mu nsubu muandi ne bua kunvueye mei ebe.

Bienzedi 10:7

Hakumuka muanjelo wakadi wakula nʼandi, wakabikila bena mudimu bandi babidi ba mu nsubu ne disalayi dimpe dia bakadi bamukuatshila mudimu matuku onso;

Bienzedi 12:11

Hakamanya Petelo bualu ebu bimpe, wakamba ne, Bulelela, ndi mumanye katataka ne, Mukelenge wakutuma muanjelo wandi, wakunsungila mu bianza bia Helode ne mu malu onso akatekemena bantu ba Bena Yuda.

Bienzedi 12:7

Tangila, muanjelo wa Mukelenge wakimana ha buihi nʼandi, dinkenka diakatema mu nsubu; wakatuta Petelo ha mbale, wakamubisha ku tulu, wakamba ne, Juka lukasa. Nkanu yakadikohokela ku bianza.

Bienzedi 16:36

Mulami wa nsubu wa lukanu wakamanyisha Paulo mei â ne, Balumbuludi bakutuma bua kunulekela; nunku nuluhuke mpindiu, nuye talala.

Bienzedi 5:19

Kadi mu butuku muanjelo wa Mukelenge wakunzulula bibi bia nsubu wa lukanu, wakaluhuka nʼabo, wakabambila ne,

Bienzedi 7:19

Yeye wakafukila tshisamba tshietu budimu, wakenzela bankambua betu bibi, bua bobo bele bana babo bakese balela ha mbelu, bua kabashadi ne muoyo.

Yoshua 3:13

Hadiata makasa a bakuidi badi batuala mushete wa Yehowa, Mukelenge wa buloba buonso, mu mai a Yadene, hashishe mai a Yadene neahanduluke, mai a ku mutu kaena ahueka, neimane dibula.

Yoshua 3:17

Bakuidi bakadi batuala mushete wa tshihungidi tshia mei a Yehowa bakimana balulame mu lusenga lume munkatshi mua Yadene; ne Bena Isalele bonso bakasabuka mu lusenga lume tô ne hakasabuka bantu bonso Yadene.

Yoshua 4:10

Bakuidi bakadi batuala mushete bakimana munkatshi mua Yadene, tô ne hakashika malu onso akambila Yehowa Yoshua bua kuambileye bantu, malu onso akambila Mose Yoshua; ne bantu bakasabuka lubilu.

Yoshua 4:18

Hakumuka bakuidi bakadi batuala mushete wa tshihungidi tshia mei a Yehowa, hakadiatabo makasa abo ha buloba bume, hashishe mai a Yadene akahingana mu muaba wau, aka tua ku muelelu bu diambedi.

Didimanyisha 12:14

Bakuhesha mukashi mahuahua abidi a nyunyu wa mukanku munene bua yeye ahahale mu tshihela ku muaba wandi, kudibo bamudisha tshikondo, ne bikondo, ne tshituha tshia hankatshi ha tshikondo bua kumukeye ku mpala kua nyoka.

Didimanyisha 12:4

Mukila wandi wakakoka tshituha tshisatu tshia mitoto ya mu diulu, ne wakayela ha buloba; ne dragon wakimana ku mpala kua mukashi wakadi wamba kulela, bua kudieye muana wandi hamuleleye.

Didimanyisha 12:6

Ne mukashi wakanyema mu tshihela, mudiye ne muaba mumulongoluela kudi Nzambi, bua kumudishaboku matuku tshinunu ne nkama ibidi ne makumi asambombo.