Matayi 15:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Badi bantendelela tshianana, Badi bayisha bantu diyisha dia mikenshi ya bantu.

MUKANDA WA MYIDI MUKULU

⁹ Padibu bantendelela, kabena bapeta tshintu, bualu bidibu balongesha, bidi amu mikenji ya bantu.

Matayi 15:9 교차 참조

Misambu 39:6

Bulelela, muntu yonso udi bu mundidimbi hadiye wendakana. Bulelela, badi batatakana anu bua bualu bua hatuhu. Muntu udi ubumba mishiki ya bintu, kadi kena mumanye ne, Wabisangisha nganyi?

Misambu 73:13

Bulelela, nakalengesha mutshima wanyi hatuhu, nakôwa bianza bianyi hanakadi tshiyi ne tshilumbu.

Ekesode 20:7

Kutedi dina dia Yehowa, Nzambi webe, tshitelatela, bua Yehowa kena ubingisha muntu udi utela dina diandi tshitelatela.

Yeshaya 29:13

Mukelenge wakamba ne, Bualu bua bantu aba badi basemena hehi nʼanyi ne badi bantumbisha ne mukana muabo ne mishiku yabo, kadi bakumusha mitshima yabo kundi ne idi kule, ne badi bantshina anu bualu bua mukenji wa bantu wakuyilabo mu mitu yabo;

Lewitiki 26:16

meme kabidi nennuenzele nunku nengenze malu adi anutshinyisha, nennutumine masama adi anyanyisha mibidi yenu ne disama dia mubidi kahia, masama au neashihe mesu enu, neanyanyishe mitshima yenu, nenukune bintu bienu tshianana, bualu bua bantu badi nʼenu lukuna nebabidie.

Lewitiki 26:20

nenuenze mudimu wenu tshianana bualu bua buloba kabuena bukuama bintu, ne mitshi ya mu buloba kayena ikuama mamuma.

Malaki 3:14

Nuakuamba ne, Kukuatshila Yehowa mudimu kudi muanda wa hatuhu; tuakuangata difutu kai hatuakutumikila mei andi ne hatuakuenda baluate bivualu bia madilu ku mpala kua Yehowa wa misumba?

Matayi 15:10

Yeye wakabikila tshisumbu tshia bantu kudiye, wakabambila ne, Unvuai, mimanye bimpe.

Marke 7:7

Badi bantendelela tshianana, Badi bayisha bantu diyisha dia mikenshi ya bantu.

1 Korente 15:2

kudilu kunudi nusungidibua binuananukila kulonda dî dinakanuambila, binuikala kanui bitabushe hatuhu.

Dielulula 12:32

Nuenu nutumikile, nuenze mei onso anakunuambila; kanutentekashi dî dikuabo ha mutu ha mei au, kanûmushi dî ku mei au.

1 Timote 1:4

ne kanulamatshi ku nsumuinu ya tshianana, anyi ku mena a hankambua malongolola adi kâl ne ndekelu; malu â adi avuisha dikonkangana, kêna avuisha kudiunda kua mudimu wa Nzambi kudi ditabusha: udi nkusengelela muomumue katataka.

Tite 1:14

kabitabushi nsumuinu ya Bena Yuda ne mikenshi ya bantu badi bumuka ku bualu bulelela.

Ebrewu 13:9

Kanusesuishibu ku mayisha a bungi ne a bende; budi buimpe bua mutshima ujadikibue ku ngasa, kenku bia kudia biakadi kabi bikuatshisha bakadi benda nʼabi.

Yakobe 2:20

Kadi wewe, muntu wa hatuhu, udi musue kumanya ne, Ditabusha ditahuluka ku kuenza didi diatuka, anyi?

Didimanyisha 22:18

Ndi manyisha muntu yonso udi unvua mei a buambi bua mu mukanda eu ne, Bikala muntu usangisha mei makuabo ha mutu hau, Nzambi neamusangishile makenga adi mafunda mu mukanda eu;

1 Samuele 25:21

Davidi wakadi wamba munda ne. Bulelela, nakalama bintu bia muntu eu mu tshihela tshianana, nansha tshintu tshiandi tshimue tshiakajimina; ne yeye wakushintakasha bubi ku buimpe.