Marke 2:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Yeye wakabika, wakambula bulalu buandi lukasa, wakumuka ku mpala kua bonso; bantu bonso bakakema bua bualu ebu, bakatumbisha Nzambi, bakamba ne, Katuena banze kumona bualu bu ebu diambedi.

MUKANDA WA MYIDI MUKULU

¹² Diakamue patshivua bantu bonsu bamutangila, muntu kujuka, kuambula tshiata tshiende, kuyaye. Bonsu kukema bikole. Bavua batumbisha Mvidi Mukulu, bamba ne: — Katshia katuena banji kumona bualu bua mushindu ewu!

Marke 2:12 교차 참조

Matayi 12:23

Bisumbu bionso biakakema, biakamba ne, Eu ke muana wa Davidi, anyi?

Matayi 15:31

nunku bantu bakakema, hakamonabo tumama tuakula, ne batshibuke balulama, balema benda, ne bafofo batabala, bakatumbisha Nzambi wa Isalele.

Matayi 9:33

Hakumusheye demon, kamama kakakula; bantu bakakema ne, Diambedi kabakanza kutangila bualu nunku mu Isalele.

Matayi 9:8

Kadi bakatangila bantu bualu ebu, bakatshina, bakatumbisha Nzambi, bualu bua yeye wakaha bantu bukole nunku.

Marke 1:27

Bakakema bonso, bakakonkangana ne, Etshi ntshinyi? Diyisha dihia-dihia; yeye udi ne bukole bua kuela nyuma ya bukoya dî, imunvuile.

Marke 2:11

Ndi nkuambila ne, Bika, ambula bulalu buebe, ya ku nsubu kuebe.

Luke 13:13

Wakamulenga bianza, mubidi wandi wakololoka katataka, yeye wakatumbisha Nzambi.

Luke 17:15

Mukuabo, hakamoneye ne, Nakulengeshibua, wakahingana utumbisha Nzambi ne dî dikole;

Luke 5:26

Buonso buabo bakakema, bakatumbisha Nzambi; buowa buakabakuata, bakamba ne, Lelu tuakutangila malu a kukema.

Luke 7:16

Buowa buakabakuata buonso buabo; bakatumbisha Nzambi bamba ne, Muprofete munene wakumueneka munkatshi muetu, Nzambi wakulua kutangila bantu bandi.

Yowanane 7:31

Bantu ba bungi ba mu tshisumbu bakamuitabusha, bakakonka ne, Halua Kilisto, nenze bimanyinu bitambe ebi bidi muntu eu wenza, anyi?

Yowanane 9:32

Ku tshibangidilu tshia buloba tô ne katataka kabena banze kunvua bualu bua muntu utabasha mesu a muntu mulela mufofo.

Bienzedi 4:21

Hakabakanyinabo kabidi bikole, bakababela, kabakamona bualu bua kubakengesha, bakatshina bantu; bualu bua bantu bonso bakadi batumbisha Nzambi bua muanda wakenjibua.