Marke 1:40 - Mukanda wa Nzambi Dihungila Dikulukulu ne Dihungila Dihia-dihia 2003

⁴⁰ Muena nsudi wakalua kudiye, wakamutendekena, wakamutuila binu, wakamuambila ne, Biwasua kuenza nunku, udi mumanye mua kundengesha.

MUKANDA WA MYIDI MUKULU

⁴⁰ Muena nsudi kufika kudi Yezu, kumufuila binu, umusengelela wamba ne: — Bu wewe musue, udi mua kungondapaku.

Marke 1:40 교차 참조

Genese 18:14

Tshintu tshidi mua kuhita Yehowa bukole, anyi? Ku dituku dinakasungula nempingane kûdi, hakumbana ngondo yandi, Sala nealele muana mulume.

2 Samuele 3:29

mashi andi ikale ha mutu ha Yoaba ne bonso ba mu nsubu wa tatu wandi; ne ba mu nsubu wa Yoaba bikale ne munda mashi, bikale bena nsudi anyi bendedi ba ku mitshi batebuke, bafue ku miele ya nvita, kabikadi ne bia kudia!

2 Bakalenga 15:5

Yehowa wakasamisha mukelenge ne disama dia nsudi tô ne ku dituku dia lufu luandi; wakashikama mu nsubu ha buandi. Yotama, muana wa mukelenge, wakadi ku mutu kua nsubu wandi ulumbulula malu a bantu ba mu buloba.

2 Bakalenga 7:3

Bena nsudi banai bakadi bashikame ku tshibi tshia musoko; bakambilangana ne, Tudi bashikame kunoko tô ne hatuafua bua tshinyi?

2 Kulondolola 6:13

(bualu bua Solomo Wakenza tshiambidilu tshia tshiamu tshia mitaku: bule buatshi buakadi coudées itanu, ne butshiama buatshi buakadi coudées itanu, ne bule buatshi bua mulu buakadi coudées isatu, wakatshidika mu tshiendedi; yeye wakimana ha mutu hatshi, wakatua binu biandi hanshi ku mpala kua Bena Isalele bonso, wakolola bianza biandi kulu),

Matayi 11:5

bafofo badi batabala, balema badi benda, bena nsudi badi balengeshibue, bena mahaha badi bunvua, bafue badi babishibua ku lufu, badi bambila bahele lumu luimpe lua Nzambi,

Matayi 17:14

Hakafikabo hakadi tshisumbu tshia bantu, muntu wakalua kudiye, wakamutuila binu hanshi, wakamba ne,

Marke 1:41

Luse luakamukuata, wakolola tshianza, wakamulenga, wakamuambila ne, Ndi musue, wikale mulengeshibue.

Marke 10:17

Hakadiye uya mu nshila, muntu wakalua lubilu kudiye, wakamutuila binu hanshi, wakamukonka ne, Muyishi muimpe, nengenze tshinyi mua kuhiana muoyo wa tshiendelele?

Luke 22:41

Yeye wakadi nkayandi bu ntanta wa kuela dibue diafika; wakatua binu hanshi, wakatendelela Nzambi,

Bienzedi 7:60

Wakatua binu hanshi, wakela dî dikole ne, Mukelenge, kubatekedi bubi ebu. Hakambeye dî edi, wakalala tulu.

Efeze 3:14

Bua muanda eu ndi ntua binu hanshi ku mpala kua Tatu,