Malaki 2:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Yehowa umushe muntu udi wenza nunku mu ntenta ya Yakoba, nansha mukonki nansha muitabi, nansha udi ulua ne mulambu kudi Yehowa wa misumba.

MUKANDA WA MYIDI MUKULU

¹² Maweja-Nangila umushe muntu yonsu udi wenza malu mabi a nanku munkatshi mua ndelanganyi ya Yakobe, nansha yeye ulambula Maweja-Nangila wa bukole buonsu milambu!

Malaki 2:12 교차 참조

1 Kulondolola 25:8

Buonso buabo, banene ne bakese, bayishi ne bayidi, bakela nshobo bua kusungulabo mudimu wabo.

Yeshaya 61:8

Bualu bua meme Yehowa ndi musue kulumbulula kuakane, ndi nkina kunyenga kua bina ne kuenza kua malu mabi; nembahe difutu diabo mu lulamatu luanyi lua bushuwa, nempunge nʼabo tshihungidi tshia tshiendelele.

Yeshaya 66:3

Udi ushiha ngombe udi muomumue ne muntu udi ushiha munga muntu; udi ulambula mukoko udi muomumue ne muntu udi utshibula nshingu wa mbua; udi ulambula mulambu wa bia kudia mmuomumue ne muntu udi ufila mashi a ngulube bu mulambu; udi wosha musenga wa manananshi bu tshivulukidi udi muomumue ne mu ntu udi uvudishila luhingu disanka. Bulelela, bantu aba bakudisunguila nshila yabo, ne mitshima yabo idi isanka mu bienzedi bia tshinyangu tshiabo.

Yezekiyele 14:10

Yehowa udi wamba ne, Buonso buabo nebakengeshibue bua mibi yabo. Muprofete neakengeshibue muomumue ne muntu wa kukeba lungenyi kudiye;

Yezekiyele 24:21

Ambila ba mu tshisamba tshia Bena Isalele ne, Mukelenge Yehowa udi wamba ne, Monai, nenyange muaba wanyi wa tshijila, muaba udi butumbi bua bukole buenu, udi usankisha mesu enu, udi mitshima yenu manga; ne bana benu ba balume ne bana benu ba bakashi banuakashiya ku nyima kuenu nebashihibue ku muele wa nvita.

Osheya 9:12

Nansha biakoleshabo bana, nembanyengabo, bua muntu umue kashadi. E, mulau newikale kudibo hangumuka kudibo!

Lewitiki 18:29

Bantu bonso batu benza malu mabi au nebumushibue munkatshi mua bana babo.

Lewitiki 20:3

Meme kabidi nengumushe mesu anyi kudi muntu au, nemmumushe munkatshi mua bana babo, bualu bua yeye wakafua muana wandi kudi Moleke bua kuona nsubu wanyi ne kunyangisha dina dianyi dia tshijila.

Amosa 5:22

Bulelela, nansha binuafila milambu yenu kundi mudi nungoshila, ne milambu yenu ya bia kudia, tshiena ngiyitabusha; tshiena ntangisha mesu anyi ku milambu yenu ya bimuna bidi ne manyi bua kuyuisha nʼai ditalala.

Zekâya 12:7

Yehowa neadianjile kuhandisha ba mu ntenta ya Bena Yuda, bua butumbi bua tshiota tshia Davidi ne butumbi bua badi bashikame mu Yelushalema kabutambi bua Bena Yuda.

Malaki 1:10

Nakadi kusua bua muntu wa munkatshi muenu inshile bibi bia ku biendelu bia mu ntempelo bua nuenu kanutemeshi kahia ha tshioshelu tshianyi tshianana! Yehowa wa misumba udi wamba ne, Tshiena ne disanka bua malu enu, tshiena ngitabusha mulambu ku tshianza tshienu.

Malaki 1:13

Yehowa wa misumba udi wamba ne, Nuenu nudi nuamba ne, Monai mudi bualu ebu butulonda! Nuakubilengulula, nuakulua ne nyama inuakunyenga ku bukole, milema ne misame; nudi nulua nʼabi bu milambu! Ndi mua kubitabusha ku bianza bienu, anyi? Edi ndikonka dia Yehowa.

Malaki 2:10

Tuetu bonso katuena ne tatu umue, anyi? Nzambi umue kakatufuka, anyi? Bualu kai tudi tusonguelangana, tunyanga bietu dihungila dia batatu betu?

Dibadika 24:5

udi wamba ne, Yakoba, ntenta yebe idi mimpe! Bena Isalele, bitudilu bienu bidi bimpe!

Matayi 15:14

Nubalekele, badi balombodi bafofo, Bialombola mufofo munga mufofo, bubidi buabo nebahone mu dina.

2 Timote 3:13

Kadi bantu babi ne badingi ba bakuabo nebadiundadiunde mu malu mabi abo matuku onso, badingangana, badingila.

Didimanyisha 19:20

Nyama wa luonji wakakuatshibua, ne bakamukuata ne muprofete wa mashimi wakenza bimanyinu ku mpala kuandi biakadingeye nʼabi bantu bakangata tshimanyinu tshia nyama wa luonji ne bakakukuila tshifuanyikishi tshiandi, bubidi buabo bakedibua ne muoyo mu dishiba dia kahia kadi katema ne soufre.

1 Samuele 3:14

Nunku nakaditshiha bua ba mu nsubu wa Eli ne, Kabena babuikidila mibi ya ba mu nsubu wa Eli ku milambu ya kuosha ne ku bintu bidibo bafila tshiendelele.