Malaki 1:3 - Mukanda wa Nzambi Dihungila Dikulukulu ne Dihungila Dihia-dihia 2003

³ kadi nakadi ne Esau lukuna; nakavuisha mikuna yandi tshihela tshia tshianana, nakavuisha buhianyi buandi muaba wa mibuabua ya mu mpata.

MUKANDA WA MYIDI MUKULU

³ mudiwule Esawu. Mvua munyange buloba bua mikuna budibu basombe kudi bena Edome, ndelanganyi ya Esawu. Mvua mufile ditunga diabu kudi mibuabua ya mu tshipela.

Malaki 1:3 교차 참조

Genese 25:23

Yehowa wakamuambila ne, Bisamba bibidi bidi munda muebe, bisamba bibidi bia bantu nebiluhuke munda muebe tshisamba tshimue netshitambe tshisamba tshikuabo bukole, ne mukulu neakuatshile muakunyʼandi mudimu.

Yeshaya 35:7

Lusenga ludi lubalakana neluandamuke dishiha dia mai, ne buloba budi kabuyi ne mai nebuikale ne mishimi ya mai; mu miaba yakalala mibuabua nemuikale muaba wa masele ne malenge.

Yirmeya 49:10

Kadi nakuhaula bionso bia Esau, nakumushiya hatuhu; nakusokolola bisokomenu biandi, ne yeye kena mua kusokoma. Badi bashiha bana bandi ne bana babo, ne bena mutumba handi; ne yeye kenaku kabidi.

Yirmeya 49:20

Nunku unvuai bualu budi Yehowa muhangidishe bua kuenzela Edome, ne malu akahangidisheye bua kuenzela badi bashikame mu Temana. Bulelela, nebabahulumune bua kuya nʼabo, nansha bana bakese ba mu tshisumbu tshia mikoko mene; bushuwa, ba mu luhangu luabo lua mikoko nebakeme bua bualu bubi bubakuata.

Yirmeya 49:33

Hasô newikale muaba wa mibuabua kushikamayi, newikale tshikutu tshiendelele; kakuena muntu washikamamu, kakuena muana wa muntu washalamu.

Yirmeya 49:7

Bualu bua Edome. Yehowa wa misumba udi wamba ne, Meji kaena mu Temana kabidi, anyi? Lungenyi lua bena meji babo luakufua, anyi? Meji abo onso akujimina, anyi.

Yirmeya 49:8

Nuenu badi bashikame mu Dedana, nyemai lubilu, hinganai kuenu, nushikame mu bisokomenu bidi kabiyi bimueneke! Bua nemmutumine dikenga dia Esau mu tshikondo tshinamukengesha.

Yirmeya 51:37

Babulona neikale anu mishiki ya nsubu minyanguke, muaba udi mibuabua nushikame, tshintu tshidi tshikemesha bantu ne tshidibo babangila, kakuyi muntu wushikamamu.

Yirmeya 9:11

Nenvuishe Yelushalema bu diala ne bu muaba udi mibuabua nushikame; nenvuishe misoko ya mu Yuda bikulu bidi kabiyi ne bantu.

Muadi 4:22

Wewe muana mukashi wa Siona, dikenga diebe bua bubi diakushika, kabena baya nʼebe mu buhika kabidi. Kadi wewe muana mukashi wa Edome, nebakukengeshe bua bubi buebe; nebasokolole malu mabi ebe.

Yezekiyele 36:7

Nunku Mukelenge Yehowa udi wamba ne, Nakubisha tshianza tshianyi bua kuditshiha ne, Ba mu bisamba bidi binunyunguluka nebadituadile bundu buabo.

Yezekiyele 36:9

Tangilai bienu, ndi ku luseke luenu, nempingane kunudi, ne nebadime buloba buenu, nebakunemu maminu.

Yowele 3:19

Ejipitu neabutudibue, Edome nealue tshihela tshia hatuhu, bua malu makole akenzelabo Bena Yuda; bualu bua mu buloba buabo bakamatshisha mashi a bantu bakadi kabayi bahila mu tshilumbu.

Obadya 1:10

Bua tshimbambila tshiwakenzela muanʼenu Yakoba, bundu nebukukuate, ne neubutudibue tshiendelele.

Luke 14:26

Bialua muntu kundi kai ne tatu wandi lukuna ne baba wandi ne mukashi wandi ne bana bandi ne bana babo balume ne bana babo bakashi, ne muoyo wandi mene kabidi, kena mumanye mua kuikala muyidi wanyi.