Luke 8:47 - Mukanda wa Nzambi Dihungila Dikulukulu ne Dihungila Dihia-dihia 2003

⁴⁷ Hakamanya mukashi ne, Tshiena musokoma, wakalua uzakala, wakadiela ku mpala kuandi, wakamba ku mesu kua bantu bonso tshiakamulengeleye ne muakashika disama diandi ha diba adi mene.

MUKANDA WA MYIDI MUKULU

⁴⁷ Mukaji kumona ne: mbanjandule. Kuyaye kudiela ku makasa a Yezu, uzakala. Bantu bonsu bavua bamuteleje, pavuaye ulondela Yezu tshivuaye mumulengele, kabidi muvua disama diende dijika diakamue.

Luke 8:47 교차 참조

Misambu 2:11

Nukuatshile Yehowa mudimu ne dishina, nusanke nʼandi ne nuzakale diatshimue.

Misambu 38:9

Mukelenge, malu onso andi musue adi ku mpala kuebe; kuhumuna kuanyi kakuena kusokokibua kûdi.

Misambu 66:16

Luai bienu, nunvue, nuenu bonso badi banemeka Nzambi, nennuambile malu akuenzeleye muoyo wanyi.

Yeshaya 66:2

Yehowa udi wamba ne, Bua tshianza tshianyi tshiakufuka bintu ebi bionso, ne bintu ebi bionso biakulua bianyi. Kadi eu mmuntu undi ntekemena, nyeye udi ne mutshima muhuekele ne wa majia, udi uzakala ku dî dianyi.

Osheya 13:1

Hakamba Bena Efelayima dî, buowa buakakuata bantu; bakamutumbisha kudi Bena Isalele; kadi hakahendabo Nzambi mu kutendelela kuabo kua Bâla, bakafua.

Osheya 5:3

Ndi mumanye Bena Efelayima, ne Bena Isalele kabena basokoma kundi. Bualu bua mpindiu, nuenu Bena Efelayima, nuakulonda malu a masandi, Bena Isalele bakunyanguka.

Abakuke 3:16

Nakunua malu â, ne mutshima wanyi wakuhampakana, mishiku yanyi yakukanka bua tshiona atshi. Mifuba yanyi yakuvingutuka, nakuzakala mu muaba unakuimana; ndi ne bua kuindila dituku dia ntatu, muhuwe talalâ; tô ne haluadi kudi bantu badi batukengesha.

Matayi 28:8

Bakumuka lukasa ku lukita ne buowa ne disanka dinene, bakaya lubilu bua kumanyisha bayidi bandi.

Marke 5:33

Hakamanya mukashi bualu buakamuenzeleye, wakatshina, wakazakala, wakalua, wakatua binu ku mpala kuandi, wakamuambila malu onso bulelela.

Luke 8:46

Kadi Yesu wakamba ne, Muntu wakundenga tshianza; bualu bua nakudiunvua munda munda ne, Bukole buakuhatuka munda muanyi.

Luke 8:48

Yesu wakamuambila ne, Muanʼanyi, ditabusha diebe diakukuhandisha, ya biebe talalâ.

Bienzedi 16:29

Mulami wakalombesha minda, wakabuela mu nsubu uzakala ne buowa, wakahona ku mpala kua Paulo ne Sila,

1 Korente 2:3

Nakadi nʼenu mu butekete ne mu ditshina ne mu kuzakala kua bungi.

2 Korente 7:15

Dinanga diandi didi ditamba kunudi havulukeye ditumikila dia buonso buenu, ne bu munuakamuitabusha ne ditshina ne kuzakala.

Filipe 2:12

Nunku bananga banyi, bu munuakatumikila misangu yonso, kembua kuikala kuanyi munkatshi muenu nkayaku, kadi mpindiu nudi nutamba kuenza nunku handi tshîku, nudienzeshe bua kushikisha luhandu luenu ne ditshina ne dizakala,

Ebrewu 12:28

Nunku, bualu bua tuetu tudi tuangata bukelenge budi kabui bumanye mua kuzakashibua, tuikale bietu ne disakidila, ditudi bamanye mua kukuatshila Nzambi udi unsankisha mudimu ne kunemekela ne ditshina;

1 Samuele 16:4

Samuele wakenza muakamba Yehowa, wakaya ku Beteleheme. Bakulu ba musoko bakalua kumuakidila, benda bazakala, bakakonka ne, Ulualua ne ditalala, anyi?