Luke 6:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Kadi yeye wakamanya meshi abo, wakambila muntu wakadi ne tshianza tshiandi tshiume ne, Bika, Imana hankatshinkatshi. Wakabika, wakimana.

MUKANDA WA MYIDI MUKULU

⁸ Kadi Yezu uvua mumanye meji avua munda muabu. Ke kuambilaye muena tshianza tshibalame ne: — Juka, imana kuaka, bantu bonsu bakumone. Muntu awu kujuka, kuimana.

Luke 6:8 교차 참조

1 Kulondolola 28:9

Wewe, muanʼanyi Solomo, Umanye Nzambi wa tatuʼebe, umukuatshile mudimu ne mutshima mutoke ne didikokela kudiye; bualu bua Yehowa udi ukebakeba mitshima ya bantu bonso; udi ujingulula meji onso adibo bela munda muabo; biwamukeba, neumuhete; kadi biwamulekela, yeye neakuhidie tshiendelele.

1 Kulondolola 29:17

Nzambi wanyi, ndi mumanye kabidi ne wewe udi uteta mitshima ya bantu, udi usanka mu butoke bua mutshima. Meme nakudifidila bintu ebi bionso mu butoke bua mutshima wanyi; nakumona bantu bebe bonso badi kunoko badifidila bintu biabo ne disanka.

Yobe 42:2

Ndi mumanye ne, Wewe udi ne bukole bua kuenza malu onso, ne kakuena muntu udi mua kukanda bualu buwakuhangidisha.

Misambu 44:21

Nzambi kena ukeba bualu ebu bua kubusokolola, anyi? Bualu bua yeye udi mumanye meji adi masokoka mu mutshima.

Yeshaya 42:4

Kena uhanga kushindama, mutshima wandi kawena unema bujitu, tô ne hajadikeye kulumbulula kuakane ha buloba; ne ba mu maloba a ku muelelu wa mai manene nebindile diyisha dia mikenji yandi.

Matayi 9:4

Yesu wakamanya meshi abo, wakamba ne, Nudi nuelangana meshi a bualu bubi munda muenu bua tshinyi?

Marke 3:3

Wakambila muntu wakadi ne tshianza tshiume ne, Bika, imana munkatshi muabo.

Luke 13:12

Nakamumona Yesu, wakamubikila, wakamuambila ne, Mukashiana, matekete ebe akulekele.

Luke 5:22

Hakamanya Yesu dikonkangana diabo, yeye wakabandamuna ne, Nudi nukonkelangana nunku munda muenu tshinyi?

Luke 6:9

Yesu wakabambila ne, Ndi musue kunukonka bualu: Tshidi tshimpe ntshinyi, kuenza malu mimpe dituku dia Lumingu, anyi kuenza malu mabi; kusungila muoyo, anyi kûshiha?

Yowanane 2:25

ne bua yeye kakadi ne bualu bua muntu amuambile malu a bantu; yeye mene wakadi mumanye malu a munda mua bantu.

Yowanane 21:17

Wakamukonka tshiakasatu ne, Simona wa Yona, udi munsue, anyi? Mutshima wa Petelo wakanyingalala bua yeye wakamukonka tshiakasatu ne, Udi munsue, anyi? Wakamuambila ne, Mukelenge, wewe udi mumanye malu onso; udi mumanye ne, Ndi mukusue. Yesu wakamuambila ne, Udishe mikoko yanyi.

Yowanane 9:4

Butudi nʼabu mbua kuenza malu a wakuntuma hatshidi munya; butuku bulualua budi muntu kai mumanye mua kuenza mudimu.

Bienzedi 20:24

Kadi tshiena mbala muoyo wanyi bu tshintu tshia mushinga mukole kundi, binamanya mua kushikisha tshidikishilu tshianyi tshia lubilu ne mudimu unakuangata kudi Mukelenge Yesu wa kumanyisha bantu lumu luimpe lua ngasa wa Nzambi.

Bienzedi 26:26

Mukelenge Agipa udi mumanye bua malu â; ndi muambilau ne dikima; bualu bua ndi ngitabusha ne, Kakuena bualu bumue bua mu malu â budi bumusokome, bua bualu ebu kabuakenjibua mu ditumba dia nsubu.

Filipe 1:28

ne kabena batshinyishibua nasha ku bualu bumue kudi bena lukuna. Bualu ebu budi tshileshilu tshia dibutuka diabo, kadi ntshia luhandu kunudi, ne luolu ludi lufuma kudi Nzambi;

Ebrewu 4:13

Ne kakuena tshintu tshifukibua tshidi katshi tshimueneshibua ku mesu kuandi, kadi bintu bionso bidi butaka ne bibuluka ku mesu kua utudi nʼandi ne bualu.

1 Petro 4:1

Nunku, bualu bua Kilisto wakakenga mu mubidi, nuenu nudiluatshishe ne meshi momumue; bua wakakenga mu mubidi wakumana kulekela malu mabi,

Didimanyisha 2:23

Nenfuishe bana bandi ne lufu, ne ekelesia yonso neimanye ne meme nyeye udi uteta meshi ne mitshima; ne nempe kudi muntu ne muntu wa munkatshi muenu difutu bu mudi midimu yandi.