Luke 15:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ Nulue ne muana wa ngombe udi ne manyi, numushihe, tudie bietu, tusanke bietu,

MUKANDA WA MYIDI MUKULU

²³ Nufike ne muana wa ngombe utudi badiundishe, numushipe, bua tudie didia dinene dia disanka.

Luke 15:23 교차 참조

Genese 18:7

Abalahama wakaya lubilu ku tshisumbu tshia ngombe, wakangata lukungulu lua ngombe luakadi lutekete ne luimpe, wakalufila kudi muntu wandi, ne yeye wakaluhandulula lubilu.

Misambu 63:5

Muoyo wanyi neukute bu mudiu ukuta ne buongo bua mifuba ne manyi, ne mukana muanyi nemukutumbishe ne mishiku idi yela mei a disanka,

Nsumuinu 15:17

Kudia anu matamba nkayau hadi dinanga kudi kutamba kudia munyinyi wa ngombe wa manyi hadi lukuna buakane.

Nsumuinu 9:2

Akushiha nyama yau, akusangisha nvinyo yau ne bintu bia muhuya muimpe; akulongolola mesa au kabidi.

Yeshaya 25:6

Mu mukuna eu Yehowa wa misumba nealongoluele bantu bonso bidia bia disanka bia manyi, bidia bia disanka bia nvinyo muladike ndala, bia kudia bia manyi bisangisha ne buongo bua mu mifuba, bia nvinyo muladike ndala mulengeshibue bimpe.

Luke 15:22

Kadi tatu wandi wakambila bantu bandi ne, Nulue lubilu ne tshilulu tshidi tshitambe buimpe, munuluatshishetshi; numuele kakanu ku munu ne bisabata ku makasa.

Luke 15:24

bualu bua muana wanyi eu wakadi mufue, udi ne muoyo kabidi; wakadi mujimine, wakamueneka. Bakabanga kusanka.

1 Samuele 28:24

Mukashi eu wakadi ne kana ka ngombe ka manyi mu nsubu; yeye wakaya lubilu, wakakashiha; wakangata bukula, Wakenza nʼabu mampa adi kâyi ne luevene;