Luke 1:37 - Mukanda wa Nzambi Dihungila Dikulukulu ne Dihungila Dihia-dihia 2003

³⁷ Bualu bua kakuena dî dimue dia Nzambi didi kadî ne bukole.

MUKANDA WA MYIDI MUKULU

³⁷ Bualu kakuena tshidi mua kukolela Mvidi Mukulu.

Luke 1:37 교차 참조

Genese 18:14

Tshintu tshidi mua kuhita Yehowa bukole, anyi? Ku dituku dinakasungula nempingane kûdi, hakumbana ngondo yandi, Sala nealele muana mulume.

1 Bakalenga 17:16

Bukula abu kabuakashika ne tuanyi tua mu kasu katuakakeha bu muakadi dî dia Yehowa diakambeye mukana mua Eliya.

2 Bakalenga 3:18

Kadi bualu ebu budi anu bualu bukese ku mesu kua Yehowa; yeye neafile Bena Moaba mu bianza bienu kabidi.

Yobe 13:2

Malu anudi bamanye meme ndi muamanye kabidi; lungenyi luanyi kaluena lushadila ku luenu.

Yirmeya 32:17

Aka Mukelenge Yehowa! Mona, wewe wakafuka diulu ne buloba ku bukole buebe bunene ne diboko diebe diolola, ne kakuena bualu budi bukuhita bukole.

Yirmeya 32:27

Tangila, meme ndi Yehowa, Nzambi wa bonso ha ha buloba; bualu budiku budi mua kumpita bukole, anyi?

Zekâya 8:6

Yehowa wa misumba udi wamba ne, Bikala bualu ebu bualu bua kukema ku mesu kua bantu aba ba mu matuku au, nebuikale kabidi bua kukema ku mesu kuanyi, anyi? Edi ndikonka dia Yehowa wa misumba.

Dibadika 11:23

Yehowa wakambila Mose ne, Tshianza tshia Yehowa tshiakulua tshihi, anyi? Katataka wewe neutangile ne bualu bunakukuambila nebuenjibue anyi kabuena buenjibua.

Matayi 19:26

Yesu wakabajosha talalâ, wakabambila ne, Bantu kabena bamanye mua kuenza bualu ebu, kadi Nzambi udi mumanye mua kuenza malu onso.

Marke 10:27

Yesu wakabajosha talalâ, wakabambila ne, Bantu kabena bamanye mua kuenza bualu ebu, kadi Nzambi udi mumanye mua kuenza malu onso.

Luke 1:36

Mona, Elisabeta, mukashi wa mu tshiota tshienu, yeye kabidi, wakuimita difu dia muana mulume ku bununu buandi; bakadi bamuamba ne, Udi nkumba, kadi ngondo eu nguandi muisambombo.

Luke 1:38

Malia wakamba ne, Mona, mukashi muhika wa Mukelenge; bangenzele bu muwakuamba. Muanjelo wakamushîa, wakaya biandi.

Luke 18:27

Yeye wakamba ne, Malu adi bantu kabai bamanye mua kuenza Nzambi udi mua kuênza.

Filipe 3:21

yeye neakudimune mibidi ya buhuekele buetu bua kufuananganai ne mubidi wandi wa butumbi, bu mudi kuenza kuandi kudiye mumanye mua kuvuisha nʼaku bintu bionso ku nyima kuandi.