Lewitiki 2:2 - Mukanda wa Nzambi Dihungila Dikulukulu ne Dihungila Dihia-dihia 2003

² nealue nʼabu kudi bana balume ba Alona bakuidi, neambulule dianza tente ne bukula ne manyi abu ne manananshi abu onso, ne muakuidi neabuoshile ha tshioshelu, bu tshivilukidi, bu tshintu tshidi tshi tua dihembu kudi Yehowa,

MUKANDA WA MYIDI MUKULU

² Aye nabi kudi batuangaji, bana ba Arone. Mutuangaji ambule dianza dia bukula budi ne mafuta, ambule kabidi musenga wa kamonya onsu. Abioshe bionsu pa tshilambuilu. Bualu bidi mulambu wa tshivulukilu, udi ne dipembu dimpe didi disankisha Maweja-Nangila.

Lewitiki 2:2 교차 참조

Nehemya 13:14

Nzambi wanyi, unvuluke mu bualu ebu; kujimishi bienzedi bianyi bimpe binakenza bua nsubu wa Nzambi wanyi bua mudimu wandi ku mesu kuebe.

Nehemya 13:22

Nakelela Bena Lewi mukenji bua kudilengeshabo ne bua bobo balame ku bibi, bajidile dituku dia lumingu. Nzambi wanyi, unvuluke bua bualu ebu kabidi, unfuile luse bu mudi bunene bua dinanga diebe.

Ekesode 30:16

Wewe newangate argent ya dihikula dia Bena Isalele, uyiteke bua kukuatshisha mudimu wa mu ntenta wa kusangakena, neyikale bu tshiyulukidi tshia Bena Isalele ku mesu kua Yehowa bua kuhikula kua mioyo yenu.

Yeshaya 66:3

Udi ushiha ngombe udi muomumue ne muntu udi ushiha munga muntu; udi ulambula mukoko udi muomumue ne muntu udi utshibula nshingu wa mbua; udi ulambula mulambu wa bia kudia mmuomumue ne muntu udi ufila mashi a ngulube bu mulambu; udi wosha musenga wa manananshi bu tshivulukidi udi muomumue ne mu ntu udi uvudishila luhingu disanka. Bulelela, bantu aba bakudisunguila nshila yabo, ne mitshima yabo idi isanka mu bienzedi bia tshinyangu tshiabo.

Lewitiki 1:13

kadi neuvuwe bintu bia munda ne bioku ne mai, ne muakuidi neoshile bintu bionso ha tshioshelu bu mulambu wa kuosha ha kahia bu tshintu tshidi tshitua dihembu kudi Yehowa.

Lewitiki 1:17

Yeye neamukuate ku mahuahua andi, neamuhande hankatshi, kadi kahanduludi bituha bibidi nansha, ne muakuidi neamuoshile ha tshioshelu, ha nkunyi idi mu kahia bu mulambu wa kuosha ha kahia bu tshintu tshidi tshitua dihembu kudi Yehowa.

Lewitiki 1:9

kadi nebuvuwe bintu bia munda ne bioku ne mai; ne muakuidi neoshile bintu bionso ha tshioshelu, bu mulambu udibo bosha ha kahia bu tshintu tshidi tshi tua dihembu kudi Yehowa.

Lewitiki 2:16

Muakuidi neabuoshe bu tshivulukidi, tshituha tshia miehu nu tua ne tshia manyi ne musenga wonso wa manananshi tshintu etshi ntshintu tshia mulambu wa kuoshila Yehowa ha kahia.

Lewitiki 2:9

Muakuidi neameme tshituha tshia mulambu wa bukula bu tshivulukidi, neatshioshile ha tshioshelu ne kahia bu tshintu tshidi tshi tua dihembu kudi Yehowa.

Lewitiki 24:7

Wele manananshi ku mulongo ne ku mulongo, manananshi neikale bu tshivulukidi ha mampa bu mulambu wa kuoshila Yehowa ha kahia.

Lewitiki 4:31

Neumushe dianyi dionso bu muakenzeye ne mulambu wa kuvuisha nʼau ditalala, muakuidi neadioshe ha tshioshelu bu tshintu tshidi tshitue dihembu kudi Yehowa, muakuidi neafile mulambu wa kubuikila nʼau bubi buandi, ne bubi buandi nebuikale bubuikidibue.

Lewitiki 5:11

Bikaleye kayi ne mushinga wa nyunyu ya nkutshi ibidi anyi mputu nyunyu ibidi, yeye neafile tshituha tshia dikumi tshia épha wa bukula bu mulambu wa kubuikila nʼau bubi bua bantu, kedihu nansha manyi nansha musenga wa manananshi, eu mmulambu wa kubuikila nʼau bubi bua bantu.

Lewitiki 5:12

Yeye nealue nʼabu kudi muakuidi, ne muakuidi neabuambule dianza tente bu tshivulukidi, neabuoshe ha tshioshelu bu mulambu wa kuoshila Yehowa ha kahia eu udi mulambu wa kubuikila nʼau bubi bua bantu.

Lewitiki 6:15

Yeye neambule dianza dia bukula bubotesha tente budi busangisha ne manyi ne musenga wa manananshi, neabuoshe ha tshioshelu bu tshintu tshidi tshima dihembu, bu tshivulukidi kudi Yehowa.

Dibadika 5:18

Muakuidi neashikike mukashi ku mpala kua Yehowa, neasulule nsuki ya mukashi, neateke mulambu wa bukula wa tshivulukidi mu bianza biandi, eu udi mulambu wa mukau, muakuidi neangate mai a bululu adi elesha mulau mu tshianza tshiandi.

Dibadika 5:26

ne muakuidi neambule dianza tente ne bukula, bu tshivulukidi tshiau, neabuoshele ha tshioshelu, ne ku nyima yeye neamushe mukashi mai.

Bienzedi 10:4

Hakamujosheye, wakatshina, wakakonka ne, Mukelenge, ntshinyi? Wakamukudimuna ne, Mitendelelu yebe ne bintu biebe bia luse Mutu wahangana diakabanda ku mesu kua Nzambi bu tshivulukidi.