Lewitiki 10:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Mose wakambila Alona ne Eleazâ ne Itama ne, Kanutudi bifulu ku mitu yenu, kanuhandi bilulu bienu, bua kanufu bienu, ne bua tshiji tshia Yehowa katshilu kudi bantu bonso, kadi bana benu, tshisamba tshionso tshia Bena Isalele, badile bualu bua kahia kakatemesha Yehowa.

MUKANDA WA MYIDI MUKULU

⁶ Moshe kubikila Elazare ne Itamare, bana ba balume ba Arone, pamue ne Arone mene. Kubambilaye ne: — Kanuteki madilu to. Longololayi nsuki yenu bimpe. Kanupandi bilamba bienu, bu bantu badi mu madilu, bualu nudi mua kufua, kabidi Maweja-Nangila udi mua kufikila bantu bonsu munda. Kadi bena Izrayele bakuabu bonsu bateke madilu bua bantu bavua Maweja-Nangila mushidishe ne kapia.

Lewitiki 10:6 교차 참조

2 Samuele 24:1

Tshiji tshia Yehowa tshiakatemena Bena Isalele kabidi, wakenzesha Davidi bualu buabo, wamba ne, Ya, bala bungi bua Bena Isalele ne bua Bena Yuda.

Ezela 7:5

muana wa Abishua, muana wa Pinehasa, muana wa Eleazâ, muana wa Alona, muakuidi mutambe bakuabo;

Ekesode 33:5

Yehowa wakambila Mose ne, Wambile Bena Isalele ne, Nudi bantu ba buhidia bukole, binaya bianyi munkatshi muenu anu tshituha tshikese, nennushihe, nunku nuvule bintu bia kudilengesha nʼabi, bua meme mmanye tshindi mua kunuenzela.

Ekesode 6:23

Alona wakabaka Elisheba, muana wa bakashi wa Aminadaba, muanʼabo wa bakashi ne Nashona ne yeye wakamulelela Nadaba ne Abihu, Eleazâ ne Itamâ.

Yirmeya 7:29

Beyai nsuki yenu ne nuyimashe, nuase muadi ha mutu ha mikuna idi hatuhu; bualu bua Yehowa wakahidia ne wakalekela ba mu tshikondo etshi bakabisha tshiji tshiandi.

Lewitiki 13:45

Muena nsudi eu neahande bilulu biandi, neashiye nsuki ya ku mutu kuandi tshianana, neabuikile mushiku wandi wa ha mutu, nêle mbila ne, Tshiena muakane, tshiena muakane.

Mika 1:16

Dikungula mutu, kosa nsuki yebe yonso, bua kujinga bana baudi usankila; ubeye dibala mu mutu bu dia nyunyu wa mukanku, bualu bua nebumushibue kûdi bua kuya mu buhika kule.

Dibadika 1:53

Kadi Bena Lewi nebashimike ntenta yabo minyunguluke nsubu wa tshitendelelu, bua mulau kaukuatshi Bena Isalele Bena Lewi nebabale nsubu wa tshitendelelu.

Dibadika 14:6

Yoshua, muana mulume wa Nuna, ne Kaleba, muana mulume wa Yefune, bakaya ne bantu bakatentekela buloba, bakadihanda bilulu biabo,

Dibadika 16:22

Bobo bakadikuma hanshi, bakamba ne, Nzambi, Nzambi wa mioyo ya bantu, wewe newikale ne tshisumbu tshonso tshiji bua bubi bua mundi umue, anyi?

Dibadika 18:5

Nuenu nenulame tshitendelelu ne tshioshelu, nunku mulau mukuabo kaukuatshi Bena Isalele.

Dibadika 20:25

Wangate Alona ne Eleaza, muanʼandi mulume, ulue nʼabo ku mukuna wa Hô,

Dibadika 5:18

Muakuidi neashikike mukashi ku mpala kua Yehowa, neasulule nsuki ya mukashi, neateke mulambu wa bukula wa tshivulukidi mu bianza biandi, eu udi mulambu wa mukau, muakuidi neangate mai a bululu adi elesha mulau mu tshianza tshiandi.

Dielulula 33:9

Wakambila tatu wandi ne mamu wandi ne, Tshiena mumumone; kena mumanye bana babo, kena mumanye bana bandi, bualu bua bobo bakatumikila dî diebe ne tshihungidi tshiebe.

Yoshua 22:18

nuenu nudi basue kuhambuka lelu ne kuhanga kulonda Yehowa, anyi? Binuatombokela Yehowa lelu, makelela yeye neakuatshile tshisumbu tshionso tshia Bena Isalele tshiji.

Yoshua 22:20

Akana, muana wa Zela, kakenza bualu bubi hakangateye tshintu tshia tshijila, ne mulau kawakakuata tshisumbu tshionso tshia Bena Isalele, anyi? Muntu au kakafua nkayandi bua bualu bubi buakenzeye.

Yoshua 7:1

Kadi Bena Isalele bakenza bualu bubi ne tshintu tshia tshijila; bualu bua Akana, muana wa Kâmi, muana wa Zabedi, muana wa Zela wa mu tshisamba tshia Yuda, wakadiangatshila tshintu tshia tshijila; ne tshiji tshiakakuata Yehowa bualu bua Bena Isalele.

Yoshua 7:11

Bena Isalele bakenza bibi; bakashiha tshihungidi tshinakahunga nʼabo, bakadiangatshila tshintu tshia tshijila, bakatshiba kabidi, bakasokoka bubi buabo; bakatshiteka munkatshi mua bintu biabo mene.