Lewitiki 10:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Nuenu nenujingulule bidi tshijila ne bidi kabiyi tshijila, ne bidi binyanguke ne bidi biakane.

MUKANDA WA MYIDI MUKULU

¹⁰ Kanunu kabidi maluvu makole, panudi nusunguluja bintu bidi bia tshijila, ne bidi kabiyi bia tshijila, bidi ne mikiya, ne bidi kabiyi ne mikiya.

Lewitiki 10:10 교차 참조

Yirmeya 15:19

Nunku Yehowa udi wamba ne, Biwalukila kundi, nenkuhingashe bua wewe wimane ku mpala kuanyi; biûmusha malu ebe matambe buimpe bua kâbuelakanyi ne malu adi mabi, wewe newikale bu mukana muanyi. Bobo nebahingane kûdi, kadi wewe kuena ne bua kuhingana kudibo.

Yezekiyele 22:26

Bakuidi bandi bakushiha mikenji yanyi, bakunyanga bintu bianyi bia tshijila; kabakusungulula bintu bia tshijila ne bintu bia hatuhu, kabakuyisha bantu mua kujingululabo ditahuluka didi hankatshi ha bintu bibiha ne bidi kabiyi bibiha; bakusokoka mesu abo ku kunyanga kua matuku anyi a mbingu, ne meme ndi muhendibue munkatshi muabo.

Yezekiyele 44:23

Bayishe bantu banyi ditahuluka didi hankatshi ha bintu bia tshijila ne bintu bia hatuhu, habaleshe mua kujingulula malu adi atahulula bintu bidi bibiha ku bintu bidi kabiyi bibiha.

Lewitiki 11:47

bua kutahulula bintu bibi ne bintu bimpe, ne bintu bidi ne muoyo binudi mua kudia ne bintu bidi ne muoyo binudi kanuyi mua kudia.

Lewitiki 13:43

Muakuidi neamutangile, ne bikala tshiuja etshi tshitoke tô ku mutu kua muena dibala, anyi ha mpala hadi dibala, bu nsudi udi umueneka mu dikoba diandi,

Lewitiki 14:57

bua kubalesha hadi bintu kabiyi biakane ne hadibi biakane eu udi mukenji wa disama dia nsudi.

Tite 1:15

Bintu bionso bidi biakane kudi bantu badi ne mitshima mitoke; kadi kudi badi babike, badi kabai ne ditabusha, kakuena tshintu tshidi tshiakane; kadi meshi abo ne muoyo-mukese wabo mbioneka.