Kolose 2:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Bua bingikala tshi nʼenu mu mubidi wanyi, ntshidi nʼenu mu nyuma wanyi; ndi nsanka, ndi mona kudilongolola kuenu ne kutantamana kua ditabusha dienu dia mu Kilisto.

MUKANDA WA MYIDI MUKULU

⁵ Nansha meme tshiyi nenu pabuipi, kadi mu lungenyi ndi nenu. Ndi nsanka bua kumona munudi benze tshintu tshimue, bitabe Kristu ne muoyi mushindame.

Kolose 2:5 교차 참조

2 Kulondolola 29:35

Milambu ya kuosha yakadi ya bungi, ne manyi a milambu ya kuvuisha nʼai ditalala, ne milambu ya bintu bia kunua bia milambu yonso ya kuosha. Nunku bakalongolola mudimu wa mu nsubu wa Yehowa.

Misambu 78:37

Bualu bua mitshima yabo kayakadi mikandamane kudiye, kabakanemeka tshihungidi tshiandi ne lulamatu.

Misambu 78:8

Bua bana aba kabikadi bu muakadi batatu babo, bakadi mulongo wa bena tshitshu ne batomboki, mulongo wa bantu bakadi kabayi ne mitshima yabo nutantamane, ne bakadi ne nyuma yakadi kayiyi nueyemene Nzambi.

Dibadika 7:11

Yehowa wakambila Mose ne, Buonso buabo nebafile bintu biabo, mukelenge dituku, mukelenge dituku, bua kujidila tshioshelu.

Bienzedi 2:42

Bobo bakananukila kuikala mu dilengesha dia bapostolo ne mu buobumue, ne mu kutshibula kua bidia ne mu kutendelela kua Nzambi.

Bienzedi 20:21

ngambila Bena Yuda ne Bena Gelika bua kukudimunabo mitshima kudi Nzambi ne bua kuitabushabo Mukelenge wetu Yesu Kilisto.

1 Korente 11:34

Bikala muntu ne nsala, adie biandi kuandi, bua kanudisangishi bua kulumbuluishibua. Ne meme nendongolole malu makuabo hanalua.

1 Korente 14:40

Kadi malu onso enjibue bilengele, ne alondangane biakane.

1 Korente 15:58

Nunku, bana betu bananga, nuikale bakole, nutantamane, nukumbashe mudimu wa Mukelenge misangu yonso, bualu bua nudi bamanye ne, Mudimu unudi nuenza mu Mukelenge kawena hatuhu.

1 Korente 16:13

Nutabale, nutantamane mu ditabusha, nuikale balume mene, nukuatshibue bikole.

Kolose 2:1

Bualu bua ndi musue nuenu mimanye bunene bua bukole bundi ntshinta nʼabu bua bualu buenu, ne bua badi mu Laodikiya, ne bua bonso badi kabai banze kuntangila ku mesu;

1 Tesalonike 2:17

Kadi tuetu, bana betu, hatuakalekelangana nʼenu musangu muibi, tuakalua bu bana ba nshîa mu mubidi kadi kemu mutshima; tuakatamba kukeba kumonangana nʼenu ku mesu ne dijinga dikole.

1 Tesalonike 3:8

bualu bua katataka tudi ne muoyo, binuashala bajalame mu Mukelenge.

Ebrewu 3:14

Bua tuetu tuakulua babanyanganyi ne Kilisto, bitualamata ku tshibangidilu tshia dieyemena dietu tô ne kunshikidilu;

Ebrewu 6:19

Nditekemena ditudi nʼadi bu luongo lua muoyo wetu, didi dikuata bikole, didi dishindama, didi dibuela tô ne munda mua muaba udi ku nyima kua tshilulu tshikudika,

1 Petro 5:9

numutantamene bajalame mu ditabusha dienu; bualu bua nudi bamanye ne makenga momumue adi makumbashibue mu bana benu ba mu Kilisto badi ha buloba ebu.

Rute 1:18

Hakamoneye ne yeye wakakolesha mutshima wandi bua kuyeye nʼandi, yeye wakalekela kuyikila nʼandi.