Genese 6:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Eku nkulondolola kua malu a Noa. Noa wakadi muntu muimpe, wakadi muakane tshishiki mu tshikondo tshiandi, Noa wakendakana ne Nzambi.

MUKANDA WA MYIDI MUKULU

⁹ Ndelanganyi ya Nowa idi nunku: Nowa nkayende munkatshi mua bantu ba tshikondu atshi, uvua muntu muakane, witaba Mvidi Mukulu, udisanga nende mu malu onsu.

Genese 6:9 교차 참조

Genese 10:1

Ei idi ndelanganyi ya bana balumeba Noa Sheme ne Hama ne Yafete, bobo bakalela bana balume ku nyima kua nvula munene.

Genese 17:1

Hakadi Abalama ne bidimu makumi tshitema ne tshitema, Yehowa wakamueneka kudi Abalama, wakamuambila ne, Ndi Nzambi wa Bukole Buonso, wenda ku mpala kuanyi, wikale muakane.

Genese 2:4

Eku nkulondolola kua malu a diulu ne a buloba hakafukibuabi Mu dituku diakenza Yehowa Nzambi buloba ne diulu,

Genese 48:15

Yeye wakavudishila Yosefe disanka, wakamba ne, Nzambi wakadi batatuʼanyi Abalahama ne Isaka bendakena ku mesu kuandi, Nzambi wakandisha matuku anyi onso tô ne ku dituku edi,

Genese 5:1

Eu udi mukanda wa ndelanganyi ya Adama Mu dituku diakafuka Nzambi bantu mu tshifuanyikishi tshiandi,

Genese 5:22

Ku nyima kua kulela kua Metushela, Hanoka wakendakana ne Nzambi bidimu nkama isatu, wakalela bana balume ne bana bakashi.

Genese 5:24

Hanoka wakendakana ne Nzambi, ne yeye kakikalaku bualu bua Nzambi wakamuangata.

Genese 6:10

Noa wakalela bana balume basatu, Shema, Hama ne Yafete.

Genese 7:1

Yehowa wakambila Noa ne, Buela biebe mu buatu ne bantu bonso ba mu nsubu muebe, bualu bua meme nakakumona muimpe ku mesu kuanyi munkatshi mua tshikondo etshi.

2 Samuele 22:24

Nakadi ne mutshima mutoke kudiye, nakadilama ku bubi buanyi.

1 Bakalenga 3:6

Solomo wakamba ne, Wewe wakalesha muntu webe Davidi, tatu wanyi, luse lunene lujalame, bu muakendeye ku mesu kuebe mu bushuwa ne buakane ne mu butoke bua mutshima kûdi; wewe wakumulamina luse elu lunene lujalame bualu bua wewe wakamuha muana mulume bua kushikameye mu nkuasa wandi wa bukelenge: bualu ebu buakuenjibua lelu.

2 Kulondolola 15:17

Kadi kabakumusha bitendelelu bionso biakadi ha mutu ha mikuna ya mu Isalele; kadi mutshima wa Asa wakadi muakane matuku andi onso.

2 Kulondolola 25:2

Yeye wakenza malu mimpe ku mesu kua Yehowa, kadi kakadi ne mutshima mutoke tô.

Yobe 1:1

Muntu wakadiku mu buloba bua Usa, dina diandi Yobo. Wakadi muntu wa mutshima mutoke ne wa malu makane, wakatshina Nzambi, wakehuka ku malu mabi.

Yobe 1:8

Yehowa wakakonka Satana ne, Wakumona muntu wanyi Yobo, anyi? Kakuena muntu mukuabo bu yeye ha buloba; bu mudiye muntu wa mutshima mutoke ne wa malu makane, udi utshina Nzambi ne udi wehuka ku malu mabi.

Yobe 12:4

Nakulua bu muntu udibo basekaseka kudi muena mutumba nʼandi, meme mene nguakubikila Nzambi, ne yeye wakitaba kundi. Muntu muakane, muntu muakane tshishiki, wakulua tshintu tshia bantu kuseka!

Misambu 37:37

Tangila muntu udi ne mutshima mutoke bimpe, mona muntu udi muakane; bualu bua tunkanunuma netuikale kudi muena ditalala.

Misambu 37:39

Kadi luhandu lua bantu bakane ludi lufuma kudi Yehowa; yeye udi tshinyemenu tshiabo halua tshikondo tshia dikenga.

Nsumuinu 4:18

Kadi nshila wa bantu bakane udi bu diba dia kabundubundu, didi ditema ne dikenkakenka tô ne hakumbana diba dia munda munya.

Muambi 7:20

Bulelela, kakuena muntu muakane ha buloba utu wenza malu makane, kayi wenza malu mabi.

Yezekiyele 14:14

Yehowa udi wamba ne, Nansha bu bantu aba basatu, Noa, Danyele ne Yobo, bikaminu, bakadi kuhandisha anu mioyo yabo nkayai ku buakane buabo.

Yezekiyele 14:20

Mukelenge Yehowa udi wamba ne, Bu Noa, Danyele ne Yobo bikalemu, bu mundi ne muoyo, kabakadi kuhandisha muoyo wa muana mulume anyi wa muana mukashi; bakadi kuhandisha anu mioyo yabo nkayai bua buakane buabo.

Abakuke 2:4

Monai, mutshima wa udi udibandisha kawena muakane munda muandi; kadi muntu muakane neikale ne muoyo bua lulamatu luandi.

Luke 1:6

Bubidi buabo bakadi bakane ku mesu kua Nzambi, bakadi balonda mikenshi yonso ya Mukelenge ne mei andi, kabakadi ne bualu.

Luke 2:25

Muntu mulume wakadi mu Yelushalema, dina diandi Shimeona; muntu eu wakadi muakane, wakadi kabidi mutumikidi wa mei, wakadi utekemena disamba dia Isalele; Nyuma Muimpe wakadi nʼandi.

Luke 23:50

Muntu wakadiku, dina diandi Yosefe, yeye wakadi mulumbuludi, wakadi muntu muimpe kai ne kansungunsungu,

Bienzedi 10:22

Bakamba ne, Kônelio, kapitene ka masalayi lukama, udi muntu muakane udi utshina Nzambi, lumu luandi ludi luimpe ku tshisamba tshionso tshia Bena Yuda; Nzambi wakamudimusha kudi muanjelo wa tshijila bua kukubikileye ulue mu nsubu muandi ne bua kunvueye mei ebe.

Rome 1:17

Bualu bua buakane bua Nzambi buakubuluibuamu ku ditabusha ne ku ditabusha; bu muakafundabo ne, Muntu muakane neikale ne muoyo ku ditabusha.

Ngalate 3:11

Nunku bualu ebu budi bumanyibua hatoke ne, Kakuena muntu udi ubingishibua bua mikenshi ku mesu kua Nzambi; bualu bua bakamba ne, Muntu muakane neikale ne muoyo ku ditabusha.

Dielulula 18:13

Nuenu nuikale balamate kudi Yehowa, Nzambi wenu.

Ebrewu 11:7

Bua ditabusha Noa, hakadiye mudimushibue bua malu akadi kâi manze kumuenebua, muenzeshibue ku dishina dia Nzambi, wakalongolola bualu bua kusungila nʼabu ba mu nsubu muandi; bua bualu ebu wakahisha ba ha buloba, wakalua muhianyi wa buakane budi bua ku ditabusha.

1 Petro 2:5

nunku nuenu kabidi, bu mabue adi ne muoyo, nuakashibua nsubu wa Nyuma, bua kuikala bakuidi ba tshijila; bua nuenu kufila milambu idi ya nyuma mitabushibue kudi Nzambi bualu bua Yesu Kilisto.

2 Petro 2:5

ne bikalaye kai muengeleke ba ha buloba ba kale, kadi wakalama Noa, muambi wa malu mimpe ne bantu bakuabo muanda mutekete hakatumeye mai manene ha buloba bua bantu babi;