Genese 47:30 - Mukanda wa Nzambi Dihungila Dikulukulu ne Dihungila Dihia-dihia 2003

³⁰ Kadi hanalala tulu mu lufu ne bankambua banyi, hashishe umuka nʼanyi mu Ejipitu, uye kunjika mu muaba wakabajikabo Yeye wakamba ne, Nengenze bu muwakuamba.

MUKANDA WA MYIDI MUKULU

³⁰ Meme mumane kulonda bankambua banyi, angata tshitalu tshianyi, uye kutshijika anu muaba udibu bajike bankambua banyi. Yozefe kuitaba ne: — Eyowa! Nengenze bionsu biudi wamba ebi.

Genese 47:30 교차 참조

Genese 15:15

Kadi wewe neuye kudi bankambua bebe hola, neujikibue muntu mununu.

Genese 23:17

Nunku budimi bua Efelona, buakadi mu Makepela ku mpala kua Mamale, budimi ne lubuebue luakadimu ne mitshi yonso yakadi mu budimi ne ku mpenge kuabu, bintu ebi bionso biakalua kudi Abalahama,

Genese 23:19

Ku nyima kua malu au Abalahama wakajika Sala, mukashi wandi, mu lubuebue biakadi mu budimi bua Makepela ku mpala kua Mamale (eu udi Hebelone) mu buloba bua Kanâna.

Genese 25:10

budimi buakasumba Abalahama kudi bana ba Hete, bakajikamu Abalahama ne Sala, mukashi wandi.

Genese 25:9

Bana bandi balume, Isaka ne Yishemaele, bakamujika mu lubuebue lua Makepela mu budimi bua Efelona, muana wa Soha, Muena Hiti, ku mpala kua Mamale,

Genese 35:29

Isaka wakahuola muoyo Wandi, wakafua, wakaya kudi bankambua bandi, wakadi muntu mununu wa bidimu bia bungi Esau ne Yakoba, bana bandi ba balume, bakamujika.

Genese 50:25

Yosefe wakatshihisha bana ba Isalele wakabambila ne, Nzambi neikale nʼenu, ne nuenu nenuye ne mifuba yanyi.

2 Samuele 19:37

Ndi nkusengelela ne, Witabushe bua muntu webe alukile, bua meme kufuila mu musoko wanyi, hehi ne lukita lua tatu wanyi ne mamu wanyi. Kadi tangila muntu webe Kimehama; aye biandi ne mukelenge wanyi, umuenzele budi buimpe kûdi.

2 Samuele 2:32

Bakambula tshitalu tshia Asahele, bakatshijika mu lukita lua tatu wandi luakadi mu Beteleheme. Yoaba ne bantu bandi bakenda tô butuku bujima; hakatshiabu bakafika ku Hebelone.

1 Bakalenga 13:22

kadi wakuhingana, wakudia, wakunua mu muaba wakakuambileye ne, Kudi bitua, kunu mai, nunku kabena bajika mubidi webe mu lukita lua bankambua bebe.

Nehemya 2:3

Nakambila mukelenge ne, Mukelenge ikale biandi ne muoyo tshiendelele; meme tshiena mua kubungama munyi, bualu bua musoko udi nkita ya bankambua banyi udi muhaula ne bibi biau bidi bioshibua ne kahia?

Nehemya 2:5

Nakambila mukelenge ne, Bikala bualu ebu buimpe ku mesu kuebe ne biasangana muntu webe luse ku mesu kuebe, anji kuitabusha bua kuntuma meme ku buloba bua Yuda, ku musoko udi nkita ya bankambua banyi bua meme kuwibaka.

Dielulula 31:16

Yehowa wakambila Mose ne, Tangila, wewe neulale tulu ne bankambua bebe; ne bantu aba nebabike, nebalonde malu a masandi a nzambi ya bende ya mu buloba buyayabo, nebandekele, nebashihe tshihungidi tshituakahunga nʼabo.