Genese 45:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Yosefe wakambila bana babo ne, Ndi Yosefe mene; tatu wanyi utshidi ne muoyo, anyi? Bana babo kabakamanya mua kumuitaba, bakadi batshina ku mesu kuandi.

MUKANDA WA MYIDI MUKULU

³ Yozefe kuambila bana babu ne: — Meme ndi Yozefe wenu! Kadi bushuwa tatu wanyi utshidi ne muoyi anyi? Bana babu kuzakala bikole. Kupangabu mua kuandamuna.

Genese 45:3 교차 참조

Genese 37:20

Tuye kumushiha, tumuele mu mukela mukuabo, netuambe ne, Nyama mubi wakamudia, netumone tshiavuisha bilota biandi.

Genese 42:21

Bakambilangana ne, Tuetu tuakudihisha bulelela mu bualu bubi butuakenzela muanʼetu hatuakatangila kanyinganyinga ka mutshima wandi hakadiye utusengelela, kadi tuetu katuakamunvuila, bua bualu ebu dikenga diakatukuata.

Genese 42:22

Lubena wakabambila ne Tshiakanuambila ne, Kanuenzedi muana bualu bubi, kadi nuenu kanuakangunvuila, anyi? Nunku mashi andi adi ashala ha bilamba bienu.

Genese 43:27

Yeye wakabakonka bua malu abo ne, Tatu wenu, muntu au mununu unuakungambila, udi mukole, anyi? Utshidi ne muoyo, anyi?

Yobe 23:15

Nunku nakukuatshika buowa ku mpala kuandi; hangelangana meji a bualu ebu, ndi mmutshina.

Yobe 4:5

Kadi mpindiu bualu ebu budi bukukuata, mutshima webe udi unema bujitu; budi bukulenga, buowa budi bukukuata.

Zekâya 12:10

Nengitshikishile ba mu tshiota tshia Davidi ne ba mu Yelushalema nyuma wa luse ne wa kutendekena; nebamumone wakutuabo difuma; nebamuashile muadi bu mudi muntu washila muanʼandi umuehele muadi, nebamudile ne kanyinganyinga kakole, bu mudi muntu udila ne kanyinganyinga kakole bua lufu lua muanʼa bute wandi.

Marke 6:50

buonso buabo bakamumona, bakatshina. Kadi yeye wakabela dî, wakamba ne, Nukoleshe mitshima yenu, mmeme, kanutshinyi.

Luke 5:8

Hakamona Simona Petelo bualu ebu, wakadihonena hanshi ku binu bia Yesu, wakamba ne, Mukelenge, Umuka kundi, bualu bua meme ndi muntu bubi.

Bienzedi 7:13

Hakayabo musangu muibidi, Yosefe wakadimanyisha kudi bana babo, ne tshisamba tshia Yosefe tshiakamanyibua kudi Palô.

Bienzedi 9:5

Yeye wakakonka ne, Mukelenge, wewe udi nganyi? Wakamukudimuna ne, Ndi bianyi Yesu ûdi ukengesha;

Didimanyisha 1:7

Tangilai, yeye udi ulua ne matutu; ne disu dionso nedimumone, ne bobo bine bakamutua difuma nebamumone; ne bisamba bionso bia ha buloba nebidile muadi bua bualu buandi. Bulelela. Amen.