Genese 43:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ Yeye wakabambila ne, Nuikale talala, kanutshinyi Nzambi, Nzambi wa tatu wenu, wakanuha bintu mu bibombi bienu, meme nakadi ne argent yenu. Yeye wakalua ne Shimeona kudibo.

MUKANDA WA MYIDI MUKULU

²³ Muena mudimu awu kubakolesha ku muoyi, wamba ne: — Kanupampakanyi to! Nuikale ne ditalala! Nuvua bampeshe makuta enu, ndi nawu! Kadi Mvidi Mukulu wenu, Mvidi Mukulu wa bankambua benu, ke udi mulongolole makuta mu bibombi bienu. Muena mudimu kupatula kabidi Shimeyone mu lukanu.

Genese 43:23 교차 참조

Genese 42:24

Yeye wakabakoma nyima, wakadia, ne yeye wakatshinguluka kudibo, wakayikila nʼabo, wakakuata Shimeona, wakamusuika ku mesu kuabo.

Genese 42:28

Yeye wakambila bana babo ne Bakumpingashila argent yanyi, idi mu tshibombi, mitshima yabo ya kahandika, bakazakala, bakambila ngana ne, Bualu ebu buakutuenzela Nzambi budi tshinyi?

Genese 42:36

Yakoba, tatu wabo, wakabambila ne, Nuenu nuakunjimishila bana banyi Yosefe kenaku, ne Shimeona kenaku, ne nudi nuamba kuya ne Benyamina, malu au onso adi mantonde.

Genese 43:14

Nzambi wa Bukole Buonso anufue luse ku mesu kua mulume au, bua yeye ahingashe muanʼenu mukuabo ne Benyamina kabidi mu bianza bienu Bianjimishilabo bana banyi, nembajimishe

Genese 43:22

Tuakulua kabidi ne argent mikuabo bua kusumba bia kudia, katuena bamanye muntu wakahingasha argent ei mu bibombi bietu.

1 Kulondolola 12:18

Hashishe Nyuma wakatulukila Amasai, wakadi ku mutu kua bantu makumi asatu, yeye wakamba ne, Tudi bantu bebe, Davidi; tudi ku luseke luebe, wewe muana wa Yishai! Ditalala, ditalala dikale kûdi, ditalala dikale kudi bakuatshishi bebe! Bualu bua Nzambi webe udi ukukuatshisha. Hashishe Davidi wakabitabusha, wakabavuisha tupitene tua masalayi andi makuabo.

1 Kulondolola 12:19

Bakuabo ba Bena Manashe bakalua kudi Davidi hakayeye ne Bena Peleshete bua kuluangana ne Shaula; kadi bobo kabakabakuatshisha nansha; bualu bua bakelenge ba Bena Peleshete hakamanyabo bualu ebu bakabatuma kuabo, bamba ne, Yeye neaye kudi mukelenge wandi Shaula bua kufueye mioyo yetu kudiye.

Ezela 4:17

Hashishe mukelenge wakatumina Lehuma, mumanyi wa mikenji, ne Shimeshai secrétaire ne bena mulongo wabo bakadi bashikama mu Samalea ne mu buloba bua dishiya dia musulu wa Pelata mukandu ne, Ditalala dikale kunudi.

Luke 10:5

Hanuabuela mu nsubu, nudianjile kuamba ne, Ditalala dikale mu nsubu eu.

Luke 24:36

Hakadibo bamba mei â, yeye mene wakimana munkatshi muabo, wakabambila ne, Nuikale talala.

Yowanane 14:27

Ndi nushila ditalala, ndi nuha ditalala dianyi; tshiena nuhadi bu mudi ba ha buloba banuhadi. Mitshima yenu kaizakadi, kaitshinyi.

Yowanane 20:19

Dituku adi dia kumudilu dia lumingu, diba dimane kubuela, bayidi bakadi mu nsubu ne bibi binshila bualu bua bakatshina Bena Yuda, Yesu wakalua, wakimana munkatshi muabo, wakabambila ne, Ditalala dikale kunudi.

Yowanane 20:21

Yesu wakabambila kabidi ne, Ditalala dikale kunudi; bu muakantuma Tatu, nunku mundi nutuma.

Yowanane 20:26

Hakahita matuku muanda mukulu kabidi, bayidi bandi bakadi mu nsubu, Toma wakadi nʼabo. Bibi biakadi binshila, Yesu wakalua, wakimana munkatshi muabo, wakamba ne, Ditalala dikale kunudi.

Balombodi 19:20

Muntu au mununu wakamba ne, Ditalala dikale kûdi, kadi bionso biudi ukenga bikale bualu buanyi; kadi kanuladi mu musesu.

Balombodi 6:23

Yehowa wakamuambila ne, Ditalala dikale kûdi, kutshinyi, wewe kuena ufila.

1 Samuele 25:6

numuambile nunku, yeye udi ushikama mu bubanji, ne, Ditalala dikale kûdi ne kudi bonso ba mu nsubu webe ne kudi bintu bionso biudi nʼabi.