Genese 42:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Yosefe wakadi mukokeshi wa mu buloba, nyeye mene wakadi uhanyisha bantu bonso bintu, bana babo ne Yosefe bakalua, bakamukukuila hanshi.

MUKANDA WA MYIDI MUKULU

⁶ Bafika mu Ejipitu, kudielabu mpala panshi kumpala kua Yozefe, bualu yeye ke uvua utangila ditunga adi dijima, usumbisha bantu benyi bonsu biakudia.

Genese 42:6 교차 참조

Genese 18:2

Yeye wakabandisha mesu andi, wakatangila balume basatu bimane ku mpala kuandi, hakabatangileye, wakabika ku mbelu kuandi, wakaya lubilu bua kubakidila, wakabakukuila,

Genese 19:1

Banjelo aba babidi bakafikaku Sodoma dilolo Lota wakadi ushikama ku tshibi tshia ku Sodoma. Lota wakabamona, wakabika bua kubakidila, wakabakukiula hanshi.

Genese 33:3

Yeye nkayandi wakahita ku mpala kuabo, wakakukuila hanshi misangu muanda mutekete to ne hakasemeneye ha buihi ne mukuluʼandi.

Genese 41:43

wakamuendesha mu dikalu dibidi dia bukelenge, wakela mbila ku mpala kuandi ne, Tuai binu hanshi, wakamuteka mu bukelenge bua buloba bua Ejipitu buonso

Genese 41:54

Bidimu bia tshiole muanda mutekete biakabanga kulua bu muakamba Yosefe, biole biakadi mu maloba onso, kadi mu Ejipitu muakadi mushale bintu bia kudia.

Genese 41:57

Bantu ba mu maloba onso bakalua mu Ejipitu kudi Yosefe bua kusumbabo bia kudia, bualu bua tshiole tshiakadi tshikole mu maloba onso.

Genese 44:14

Yuda ne bana babo bakalua ku nsubu wa Yosefe, yeye wakadiku, bakadikuma hanshi ku mpala kua ndi.

Genese 45:26

Bakamuambila ne, Yosefe utshidi ne muoyo, ne yeye udi mukelenge wa buloba bua Ejipitu Mutshima wandi wakahandika yeye kakitabusha di diabo.

Genese 45:8

Nunku nuenu kanuakantuma kunoko, kadi Nzambi wakantuma; nyeye wakanvuisha bu tatu wa Palô ne mukelenge wa nsubu wandi wonso, ne mukokeshi wa buloba bua Ejipitu buonso.

Genese 48:12

Yosefe wakabumusha hankatshi ha binu biandi, wakatua mpala wandi hanshi.

Nsumuinu 11:26

Badi bela muntu udi udilaminyina manvua mulau, kadi badi basankisha udi wahana.

Yeshaya 60:14

Bana ba balume ba bantu aba bakakukengesha nebalue badinamina hanshi kûdi; bantu aba bonso bakakuhetula nebatue mpala yabo hanshi tô ne ku makasa ebe mene; nebakubikile ne, Musoko wa Yehowa, Siona wa Wa Tshijila wa Isalele.

Bienzedi 7:10

wakamusungila mu makenga andi onso, wakamuha diakalengele ne lungenyi ku mesu kua Palô, mukelenge wa Ejipitu; wakamuteka ngovena wa Ejipitu ne wa nsubu wandi yonso.

Didimanyisha 3:9

Mona, ndi nkuha ba mu nsunagoga wa Satana, ba munkatshi mua badi badiamba ne, Tudi Bena Yuda, ne kabena nunku, kadi badi bashima; mona, nembavuishe bua kuluabo ne bua kukukuilabo ku makasa ebe, ne bua kumanyabo ne nakukusua.

1 Samuele 20:41

Hakaya nsongalume, Davidi wakajuka ku muaba wandi wa ku luseke lua Sude, wakakuma mpala wandi hanshi, wakakukuila Yonatana misangu isatu, bakasangana mishiku, bakadilangana tô ne hakahita Davidi.