Genese 42:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Bana balume ba Isalele bakalua mu tshisumbu tshia bantu bua kusumbabo bia kudia, bualu bua tshiole tshiakadi mu buloba bua Kanana.

MUKANDA WA MYIDI MUKULU

⁵ Bana ba Yakobe kufika mu Ejipitu pamue ne bantu bakuabu, bua kusumba ntete ya kuenza bukula, bualu tshiyole tshia nzala tshivua mu ditunga dijima dia Kenaane.

Genese 42:5 교차 참조

Genese 12:10

Tshiole tshiakadi mu buloba abu, ne Abalama wakaya mu Ejipitu bua kushikamamu bualu bua tshiole tshiakadi tshikole mu buloba abu.

Genese 26:1

Tshiole tshiakadi mu buloba ku nyima kua tshiole tshia diambedi tshiakadiku mu matuku a Abalahama Isaka wakaya kudi Abimeleke, mukelenge wa Bena Peleshete, mu Gelâ.

Genese 41:54

Bidimu bia tshiole muanda mutekete biakabanga kulua bu muakamba Yosefe, biole biakadi mu maloba onso, kadi mu Ejipitu muakadi mushale bintu bia kudia.

Genese 41:57

Bantu ba mu maloba onso bakalua mu Ejipitu kudi Yosefe bua kusumbabo bia kudia, bualu bua tshiole tshiakadi tshikole mu maloba onso.

2 Samuele 21:1

Tshiole tshiakadi ku buloba mu matuku a Davidi bidimu bisatu bilondangane; Davidi wakebesha Yehowa bualu ebu. Yehowa wakamba ne, Bualu ebu buakalua bua Shaula ne bua mashi akamatshishabo mu nsubu wandi, bualu bua wakashiha Bena Gibeona.

Bienzedi 11:28

Mukuabo, dina diandi Agabo, wakabika biandi, Nyuma mumane kumumanyisha, wakamba ne, Tshiole tshinene netshilue ha buloba buonso. Bulelela, tshiakalua hakadi Kulaudio mu bukelenge.

Bienzedi 7:11

Tshiole tshiakalua mu buloba buonso bua Ejipitu ne bua Kanâna, ne dikenga dikole; bankambua betu kabakamona bia kudia.