Genese 41:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Dinda adi mutshima wandi wakabanga kubungama, wakatuma dî, Wakabikila bena majimbu ne bena meji bonso ba mu Ejipitu, Palô wakabamanyisha bilota biandi, kadi nansha umue wabo wakamanya mua kujinguluila Palô bilota biandi.

MUKANDA WA MYIDI MUKULU

⁸ Butshia dinda, mukalenga kupampakana bikole bua bilota abi. Kubikidisha benji ba majimbu bonsu ne bena meji ba mu ditunga diende, ubawila bilota abi. Kadi kakuvua muntu nansha umue uvua mua kumujinguluila bilota abi to.

Genese 41:8 교차 참조

Genese 40:6

Yosefe wakabuela kudibo ne dinda, wakamona ne bakadi babungame.

Genese 40:8

Tuakamuandamuna di ne, Tuakulota bilota, ne kakuena muntu udi mua kutujinguluilabi. Yosefe wakatuebesha ne, Kujingulula kua malu kakuena kudi Nzambi, anyi? Ndi nnusengelela ne, Nubingambile.

Genese 41:15

Palô wakambila Yosefe ne, Nakalota tshiota ne kakuena muntu udi mua kutshinjinguluila, kadi nakunvua lumu hebe ne, Wewe haunvua tshiota tshia muntu, udi mua kumujinguluilatshi.

Genese 41:24

ne miehu nukese yakadia miehu muanda mutekete miakane, meme nakatshiawila benu majimbu, kadi nansha umue wabo wakamanya mua kutshinjinguluila.

Genese 41:7

Miehu mikese yakamina miehu yakadi miakane. Palô wakatabala, wakamanya ne, Ntshilota.

Misambu 25:14

Bulunda bujalame bua Yehowa budi kudi badi bamutshina, ne yeye udi ubamanyisha tshihungidi tshiandi.

Ekesode 7:11

Palô wakabikila bena meji ne bena muhongo ne bena bilengulengu ba mu Ejipitu, bakenza muomumue ne manga abo.

Ekesode 7:22

Bena bilengulengu ba mu Ejipitu bakenza muomumue ne manga abo, mutshima wa Palô wakakoleshibua, yeye kakabunvuila, bu muakamba Yehowa.

Ekesode 8:7

Bena bilengulengu bakenza muomumue ne manga abo, bakatuma biula mu buloba bua Ejipitu.

Ekesode 9:11

Bena bilengulengu kabakamanya mua kuimana ku mpala kua Mose bualu bua mputa ya mbalanga, mputa yakadi hamʼbidi ha bena bilengulengu ne hamʼbidi ha Bena Ejipitu bonso.

Yeshaya 19:3

Nyuma wa ba mu buloba bua Ejipitu neahange munda muabo, ne nentuhakashe meji adibo nʼau; nebaye kudi mpingu bua kudikebela lungenyi, ne kudi batempi ba mbuku, kudi bena mbuku ya mibangu, ne kudi bena muhongo.

Yeshaya 29:14

nunku, tangilai, nengenze kabidi malu munkatshi mua bantu aba adi abakemesha, malu mene adi atamba kubakemesha ne adi biau malu a kukema; ne meji a bena meji babo neajimine, lungenyi lua bena lungenyi babo nelusokokibue.

Yeshaya 8:19

Hanuambila bantu ne, Nukebe lungenyi kudi bena lubuku lua muzangu ne kudi bena muhongo badi bakula bu biambi ne badi banungana, bualu kabuena bukuata bantu bua kukeba lungenyi kudi Nzambi wabo, anyi? Bua kukuatshisha badi ne muoyo, budibo nʼabu mbua kuya kudi bafue, anyi?

Danyele 1:20

Mu malu onso a meji ne lungenyi lule biakabebesha mukelenge, wakabasangana bahite bena mbuku ne bena buloshi bonso ba mu bukelenge buandi misangu dikumi.

Danyele 4:18

Tshilota etshi ntshiotshi tshinakulota, meme, Mukelenge Nebukadenesâ; ne wewe, Beleteshasâ, ungambile dijingulula diatshi, bualu bua bena meji bonso ba mu bukelenge buanyi kabena bamanye mua kundesha dijingulula diatshi. Kadi wewe udi mumanye mua kuenza nunku, bualu bua nyuma wa nzambi ya tshijila udi munda muebe.

Danyele 4:19

Hashishe, Danyele, udibo babikila ne, Beleteshasâ, wakadi ne mutshima muhandike tô tshituha tshia diba, ne meji andi akamutatshisha. Mukelenge wakamuambila ne, Beleteshasâ, tshilota etshi ne dijingulula diatshi kabikutatshishi nansha. Beleteshasâ wakamukudimuna ne, Mukelenge wanyi, tshilota etshi tshikale kudi badi nʼebe lukuna, ne dijingulula diatshi dikale kudi badi basue kukunyoka.

Danyele 4:5

Nakalota tshilota tshiakankuatshisha buowa; meji anakadi ngela munda ha bulalu buanyi ne bikena kumona binakamona ku mutu wanyi biakantatshisha.

Danyele 4:6

Nunku nakela mukenji ne, Balue ne bena meji bonso ba mu Babulona ku mpala kuanyi, bua bobo bamanye mua kummanyisha dijingulula dia tshilota tshianyi.

Danyele 4:7

Hashishe, bena mbuku, bena buloshi, Bena Kasada ne bamanyi ba malu a mitoto bakalua ku mpala kuanyi; nakabawila tshilota, kadi kabakamanya mua kummanyisha dijingulula diatshi.

Danyele 5:11

Muntu mukuabo udiku mu bukelenge buebe udi ne nyuma wa nzambi ya tshijila munda muandi. Mu matuku a tatuʼebe bakamusangana muikale ne munya, dijingulula dia malu, ne meji, bu meji a nzambi yetu mene. Mukelenge Nebukadenesâ, tatuʼebe mene, wakamuteka kahita ka batempi ba mbuku, bamanyi ba malu a mitoto, Bena Kasada ne bena meji bakuabo.

Danyele 7:28

Eu nshikidilu wa muanda eu. Meme hanyi, Danyele, mutshima wanyi wakahampakana ne buowa, ne mpala wanyi wakandamuka; kadi nakalama muanda eu mu mutshima wanyi.

Danyele 8:27

Meme, Danyele, nakahungila nakadi ne disama matuku makuabo! Hashishe, nakajuka, nakakuatshila mukelenge mudimu wandi. Nakalubakana kabidi bua tshikena kumona etshi, hualu bua tshiakatshijingulula.

Lewitiki 19:31

Kanubuelakanyi ne bena mulongo anyi batempi ba mbuku, kanubakebi, kunudionyi kudibo meme ndi Yehowa, Nzambi wenu.

Lewitiki 20:6

Muntu yonso udi ubuelakana ne bena muhongo ne batempi ba mbuku bua kulonda malu abo a masandi, nengumushe mesu anyi kudi muntu au, nemmumushe munkatshi mua bana babo.

Abakuke 3:16

Nakunua malu â, ne mutshima wanyi wakuhampakana, mishiku yanyi yakukanka bua tshiona atshi. Mifuba yanyi yakuvingutuka, nakuzakala mu muaba unakuimana; ndi ne bua kuindila dituku dia ntatu, muhuwe talalâ; tô ne haluadi kudi bantu badi batukengesha.

Matayi 2:1

Hakalelabo Yesu mu Beteleheme wa mu Yudaya mu matuku a mukelenge Helode, Bena Meshi ba ku esete bakalua ku Yelushalema, bakonka ne,

Bienzedi 17:18

Bakuabo ba munkatshi mua bena meshi ba Epikuleo ne ba Stoiko ba alua kuelangana nʼandi mpata. Bakuabo bakakonka ne, Muena tshiakulakula au neambe tshinyi? Bakuabo kabidi bakamba ne, Yeye udi bu muambi wa malu a nzambi ya bende, bualu bua yeye wakadi wamba bua Yesu ne bua dibika dia ku lufu.

Bienzedi 7:22

Bakayisha Mose lungenyi luonso lua Bena Ejipitu; yeye wakadi mukole mu mei andi ne mu bienzedi biandi.

1 Korente 1:19

Bua bakafunda ne, Nenjimishe meshi a bena meshi, Nensesuishe lungenyi lua bena lungenyi.

1 Samuele 6:2

Bena Peleshete bakabikila babuki ne batempi ba mbuku, bakabakonka ne, Netuenze tshinyi ne mushete wa Yehowa? Nutumanyishe mua kûtuma ku muaha wau.