Genese 41:51 - Mukanda wa Nzambi Dihungila Dikulukulu ne Dihungila Dihia-dihia 2003

⁵¹ Yosefe wakidika muanʼa bute dina ne, Manashe; bualu bua yeye wakamba ne, Nzambi wakumpuisha muoyo bua mudimu wanyi mukole ne bua bonso ba mu nsubu wa tatuʼanyi.

MUKANDA WA MYIDI MUKULU

⁵¹ Yozefe kuinyika muanende muanabute ne: Menashe, wamba ne: “Mvidi Mukulu mmumpe tshipua muoyi bua makenga anyi, ne bua dishiyangana dianyi ne bena kuetu.”

Genese 41:51 교차 참조

Genese 41:30

ne ku nyima bidimu muanda mutekete bia tshiole bilualua bidi bantu bahua muoyo bua bintu bia bungi biakadibo nʼabi, tshiole netshidie bintu bionso biakadi mu buloba,

Genese 41:50

Asenata, muana mukashi wa Poti-fela, mubuki wa mu Ono, wakalelela Yosefe bana ba balume babidi, diambedi tshiole katshiyi tshianze kulua.

Genese 41:52

Wakidika muana mukuabo dina ne, Efelayima, bualu bua wakamba ne, Nzambi wakunkumbasha mu buloba bua dikenga dianyi.

Genese 48:1

Hakashika malu a bakambila Yosefe ne, Mona tatu webe udi usama; yeye wakaya kudiye ne bana bandi ba balume babidi, Manashe ne Efelayima.

Genese 48:5

Bana babidi bakakulelelabo mu Ejipitu diambedi tshiyi muanze kulua mu Ejipitu mbana banyi, Efelayima ne Manashe badi banyi bu Lubena ne Shimeona.

Yobe 11:16

Bualu bua tshihua muoyo netshikukuate bua dikenga diebe, neudivuluke anu bu mai mamane kuhueka.

Misambu 30:11

Wewe wakungandamuina muadi wanyi bua kuluau kuja kua maja; wakusulula bilulu bianyi bikayabala, wakubinyula, wakunjingila ne mukaba wa disanka;

Misambu 30:5

Bualu bua tshiji tshiandi tshidiku anu tshituha tshihi, luse luandi ludiku matuku onso a muoyo wa muntu. Muadi udi mua kulua bu muladi butuku, kadi disanka didi dilua hatshiabu.

Misambu 45:10

Wewe, muanʼanyi mukashi, ungunvuile, welangane meji, ne uteleje matshu ebe. Uhue bantu bebe ne nsubu wa tatu webe muoyo;

Nsumuinu 31:7

anue biandi, ahue buhele buandi muoyo, kavuluki makenga andi kabidi.

Yeshaya 57:16

Bualu bua tshiena ntandangana nʼandi tshiendelele, tshiena ngikala ne tshiji matuku onso; bua nyuma wa muntu udi ufuma kundi, ne nakufuka muhuya wa muoyo.

Yeshaya 65:16

Nunku muntu udi udivudishile disanka mu buloba neadivudishile disanka mu Nzambi wa bushuwa, ne muntu udi uditshiha mu buloba neaditshihe mu Nzambi wa bushuwa; bualu bua makenga a diambedi adi akuata tshihua muoyo, ne bualu bua adi masokoka ku mesu kuanyi.

Dibadika 26:28

Bana balume ba Yosefe ku meku abo, Manashe ne Efelayima.

Dielulula 33:17

Butumbi buandi budi bu muanʼa bute wa ngombe, nsengu yandi idi bu nsengu ya ngombe wa mu mpata; yeye neatue bantu bonso ba ha buloba nsengu yandi, ne ba binunu makumi bia bantu ba mu Efelayima ne binunu bia bantu ba mu Manashe.

Yoshua 14:4

Bualu bua bana ba Yosefe bakadi bisamba bibidi, Manashe ne Efelayima: kabakaha Bena Lewi buhianyi mu buloba, anu misoko ya kushikamabo ne miaba ya kudishabo bimuna biabo ne ya kutekabo bintu biabo.

Yoshua 17:1

Ebu mbuhianyi bua tshisamba tshia Manashe, bualu bua yeye wakadi muanʼa bute wa Yosefe. Bualu bua Maki, muanʼa bute wa Manashe, tatu wa Gilada, wakaheta Gilada ne Bashana, bualu bua yeye wakadi tshilobo.

1 Samuele 1:20

Hana wakimita difu, ne hakakumbana ngondo yandi, wakalela muana wa balume, wakamuidika dina diandi Samuele, wakamba ne, Bualu bua nakumulomba kudi Yehowa.