Genese 4:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Biwenza bimpe, kuena ubanduluka, anyi? Kadi biwokala kuyi wenza bimpe, bualu bubi budi bualamina ku mbelu kuebe, mutshima wa bubi newikale kudi, kadi wewe ubukokeshe.

MUKANDA WA MYIDI MUKULU

⁷ Bu wewe muenze bimpe, uvua ne bua kuikala ne disanka. Kadi paudi kuyi wenza bimpe, bubi budi bukuimanyine ku tshibi; kadi ukebe mua kubutshimuna.

Genese 4:7 교차 참조

Genese 19:21

Yeye wakamuambila ne, Nakuitabusha bualu ebu kabidi, tshiena nshiha musoko eu uwakulombela.

Genese 3:16

Yeye wakambila mukashi ne, Nentambe kuvudisha didinyenga diebe ne kuimitshishibua kuebe neulele bana ne didinyenga, mutshima webe newikale kudi mulume webe, yeye neikale ne bukokeshi ku mutu kuebe.

2 Samuele 24:23

Alauna neahe mukelenge bintu ebi bionso. Alauna wakambila mukelenge kabidi ne, Yehowa, Nzambi webe, akuitabushe.

2 Bakalenga 8:28

Yeye wakaya ne Yolama, muana wa Ahaba, bua kuluanganabo ne Hazaele, mukelenge wa Sulia, ku Lamota-gilada; Bena Sulia bakataha Yolama mputa.

Yobe 11:14

Bikala bualu bubi mu tshianza tshiebe, ubûmushe kule; kuitabushi bua malu mabi ikale mu ntenta webe.

Yobe 11:15

Hashishe, neumanye mua kubandisha mpala webe kayi ne tshilema bulelela, wewe neutantamane ne kuena utshina.

Yobe 29:4

Nakadi kusua kuikala bu munakadi mu matuku a bukole buanyi, hakadi bulunda bua Nzambi mu ntenta wanyi;

Yobe 42:8

Nunku nudiangatshile balume ba ngombe muanda mutekete ne bimpanga muanda mutekete, nuye nʼabi kudi muntu wanyi Yobo. Nubifile bu milambu ya kuosha bua bualu buenu; ne muntu wanyi Yobo nennulombele Nzambi. Bualu bua ne-ngunvue disengelela diandi bua bualu buenu, bua tshinuenzedi bibi bua buhote buenu. Bua kanuakuamba mei malelela bua bualu buanyi, bu muakuamba muntu wanyi Yobo.

Nsumuinu 18:5

Kembimpe bua kunemeka muntu mubi, anyi bua kukonyangasha kulumbulula kua bantu bakane.

Nsumuinu 21:27

Mulambu udi bantu babi bafila udi utondesha Yehowa; mona mudiu utamba kumutondesha haluabo nʼau ne mitshima idi ihangidisha malu mabi!

Yirmeya 3:12

Ya, wele mbila ei ku luseke lua node, wamba ne, Yehowa udi wamba ne, Wewe Isalele, mundekedi, hingana kundi, Yehowa udi wamba ne, Tshiena nkutangila ne tshiji; bualu bua ndi ne luse; tshiena ngikala ne tshiji tshiendelele.

Yirmeya 6:20

Manananshi a ku Sheba adi nebualu kai kundi, ne mienge idi ne muhuya muimpe ya ku buloba bua kule? Tshiena ngitabusha milambu yenu ya kuosha, ne milambu yenu mikuabo kayena isankisha.

Mika 7:18

Neanyi udi Nzambi bu wewe, udi ubajimishila bubi, udi ulekelela difuka dia buhianyi buandi bubi bua ditomboka diabo? Yeye kena ushala ne tshiji tshiendelele, bualu bua udi usanka bua kulesha bantu luse lujalame.

Malaki 1:10

Nakadi kusua bua muntu wa munkatshi muenu inshile bibi bia ku biendelu bia mu ntempelo bua nuenu kanutemeshi kahia ha tshioshelu tshianyi tshianana! Yehowa wa misumba udi wamba ne, Tshiena ne disanka bua malu enu, tshiena ngitabusha mulambu ku tshianza tshienu.

Malaki 1:13

Yehowa wa misumba udi wamba ne, Nuenu nudi nuamba ne, Monai mudi bualu ebu butulonda! Nuakubilengulula, nuakulua ne nyama inuakunyenga ku bukole, milema ne misame; nudi nulua nʼabi bu milambu! Ndi mua kubitabusha ku bianza bienu, anyi? Edi ndikonka dia Yehowa.

Malaki 1:8

Hanuafila nyama idi ne bufofo, kambualu bubi, anyi? Hanuafila mikuabo idi milema ne idi misame, kambualu bubi, anyi? Binuayifila kudi gouverneur wenu, yeye neikale nʼenu disanka, anyi? Yehowa wa misumba udi unukonka nunku.

Dibadika 32:23

Ka dî binuahidia kuenza nunku, monai, nuakuenzela Yehowa bualu bubi, numanye bienu ne, Bualu bubi buenu nebunukuate bulelela.

Bienzedi 10:35

kadi yeye udi witabusha wa mu tshisamba tshionso udi umutshina, udi wenza malu makane.

Rome 12:1

Nunku, bana betu, ndi nusengelela, bua luse lua Nzambi, bua nufile mibidi yenu bu mulambu udi ne muoyo, wa tshijila, udi usankisha Nzambi bimpe; bualu ebu budi kutendelela kuenu kudi ne meshi.

Rome 14:18

Bualu bua wakuatshila Kilisto mudimu mu malu â udi usankisha Nzambi ne udi utumbishibua kudi bantu.

Rome 15:16

bua meme kuikala mukuatshishi wa mudimu wa Kilisto Yesu mutumibue kudi bisamba bia bende, ngenza mudimu wa muakuidi wa mu lumu luimpe lua Nzambi, bua kufila kuanyi kua bisamba bia bende kuvuishibue mulambu udi Nzambi musue, mujidibue kudi Nyuma Muimpe.

Rome 6:12

Nunku kanuitabushi bua bubi bukokeshe mu mibidi yenu ifuafua, bua nuenu nutumikile nkuka yai.

Rome 6:16

Kanuena bamanye ne, Unudi midifila kudiye bu bahika bua kumutungila, nudi hahika ba unudi nutumikila; ne ba bubi tô ne ku lufu, ne ba ditumikila tô ne ku buakane?

Efeze 1:6

ku dianyisha dia butumbi bua ngasa wandi wakatuheye hatuhu mu Muana wandi Munanga.

1 Timote 5:4

Kadi bikala mukashi wa mu lufuila ne bana bandi balela anyi bikilu bandi, bobo badianjile kuyila mua kunemeka ba mu diku diabo ne mua kuhingishila baledi babo bintu bia kubakuatshisha nʼabi; bua bualu ebu mbudi Nzambi witabusha.

Ebrewu 11:4

Bua ditabusha Ebele wakafila kudi Nzambi mulambu muhite wa Kana buimpe, bua bualu buau yeye wakadi ne bualu buandi buambibua ne, Yeye wakadi muakane, Nzambi wamba bua kuha kuandi, ne bua bualu buaku yeye mufue utshidi wakula.

Yakobe 1:15

Hashishe lukuka, himitalu, ludi lulela bubi: ne bubi, hakolabu budi bulela lufu.

1 Petro 2:5

nunku nuenu kabidi, bu mabue adi ne muoyo, nuakashibua nsubu wa Nyuma, bua kuikala bakuidi ba tshijila; bua nuenu kufila milambu idi ya nyuma mitabushibue kudi Nzambi bualu bua Yesu Kilisto.