Genese 4:26 - Mukanda wa Nzambi Dihungila Dikulukulu ne Dihungila Dihia-dihia 2003

²⁶ Sheta wakalela muana mulume kabidi, wakamuidika dina ne, Enosha Etshi ntshibangidilu tshiakabikilabo dina dia Yehowa.

MUKANDA WA MYIDI MUKULU

²⁶ Shete kulela muana wa balume, kumuinyika dina dia Enoshe. Tshikondu atshi ke tshivua bantu batuadija kutendelela Mvidi Mukulu, batela dina dia Maweja-Nangila.

Genese 4:26 교차 참조

Genese 12:8

Yeye wakumukaku, wakaya ku mukuna wakadi ku esete wa Betele, wakashimikaku ntenta wandi, Betele wakadi ku wesete ne Ai wakadi ku esete. Wakenzelaku Yehowa tshioshelu, Wakabikila dina dia Yehowa.

Genese 26:25

Yeye wakenzaku tshitendelelu, Wakabikila dina dia Yehowa, waka shimikaku ntenta yandi, ne bahika ba Isaka bakimbaku dina dia mai.

1 Bakalenga 18:24

Bobo babikila dina dia nzambi wabo, meme nembikile dina dia Yehowa: ne Nzambi udi witaba ne kahia ikale Nzambi malelela. Bantu bonso bakitaba ne, Wakuamba biakane.

Misambu 116:17

Nenfile mulambu wa disakidila kûdi, nembikile dina dia Yehowa.

Yeshaya 44:5

Mukuabo neambe ne, Meme ndi muntu wa Yehowa; mukuabo neadidike ku dina dia Yakoba; mukuabo neafunde ha tshianza tshiandi ne, Ntshia Yehowa, neabikile dina diandi dibidi ne, Isalele.

Yeshaya 48:1

Unvuai bualu ebu, nuenu bana ba Yakoba, badibo babikila ku dina diandi dia Isalele, ne badi bahatuka munda mua Yuda; badi baditshiha ku dina dia Yehowa, badi batela dina dia Nzambi wa Isalele, kadi kabena baditela mu bushuwa anyi mu buakane.

Yeshaya 63:19

Tuakulua bu bantu bawakadi kuyi muanze kukokesha diambedi, bu bantu bakadi kabayi babikidibue ku dina diebe.

Yirmeya 33:16

Mu matuku au nebasungile Bena Yuda, ne Bena Yelushalema nebashikame talalâ; ne edi ndina didibo bamuidika ne, Yehowa mBuakane Buetu.

Yowele 2:32

Halua bualu ebu, muntu yonso watela dina dia Yehowa neasungidibue; bualu bua mu mukuna wa Siona ne mu Yelushalema nemuikale bakuabo bahanduke bu muakamba Yehowa; ne munkatshi mua bantu aba badi bashala nemuikale bakuabo badi Yehowa Ubikila.

Sefanya 3:9

Bualu bua nenkudimune muaku wa bantu ba bende bua wikale muaku wa ku mishiku milengeshibue; bua bobo bamanye mua kubikila dina dia Yehowa, bamukuatshile mudimu ne diaha dionso muinshi mua bujitu.

Luke 3:38

muana wa Enosha, muana wa Shete, muana wa Adama, muana wa Nzambi.

Bienzedi 11:26

Hakamumoneye, wakalua nʼandi ku Antiokia. Bakadi badisangisha ne bena ekelesia tô tshidimu tshijima, bakayisha bantu ba bungi; mu Antiokia muakabangabo kubikila bayidi ne, Bena Kilisto.

Bienzedi 2:21

Halua bualu ebu, watela dina dia Mukelenge neasungidibue.

Rome 10:13

Bualu bua muntu yonso watendekena dina dia Mukelenge neasungidibue.

1 Korente 1:2

tudi tufunda mei kudi bena ekelesia ba Nzambi badi mu Kolinto, bajidibue mu Kilisto Yesu, babikidibue bua kuikalabo basanto, ne kudi bonso badi babikila dina dia Mukelenge Yesu Kilisto mu muaba wonso, Mukelenge wabo ne wetu kabidi.