Genese 39:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Yeye kena muntambe meme bunene mu nsubu eu, yeye kakumpidisha tshintu tshimue tshidiye nʼatshi anu wewe nkayebe, bualu bua wewe udi mukashi wandi: ndi mua kuenza bualu ebu bubi bunene ne mua kuenzela Nzambi bibi munyi?

MUKANDA WA MYIDI MUKULU

⁹ Mu nzubu emu katshiena utangila tshintu nansha tshimue. Tudi nende ne bumfumu bua mushindu umue ku bintu bionsu, pa kukumusha wewe, bualu udi mukajende. Nanku tshiena mua kuenzela Mvidi Mukulu bibi, kubunda tshibawu bunene nunku!

Genese 39:9 교차 참조

Genese 13:13

Bantu ba mu Sodoma bakadi babi, bakatamba kuhidia Yehowa.

Genese 20:3

Kadi Nzambi wakamueneka kudi Abimeleke mu tshilota butuku, wakamuambila ne, Wewe udi anu muntu mufue, bualu bua mukashi uwakuangata udi mukashi wa munga muntu.

Genese 20:6

Nzambi wakamuambila mu tshiota ne, Bulelela, ndi mumanye ne wewe wakuenza bualu ebu mu buakane bua mu mutshima webe, nakakuhidisha kabidi bua kuenza bualu bubi ku mesu kuanyi, nunku tshiakuitabusha bua wewe kumulenga tshianza.

Genese 20:9

Hashishe Abimeleke Wakabikila Abalahama, wakamukonka ne, Bualu ebu buwakungenzela budi tshinyi? Nakukuenzela bualu bubi kai, bua wewe wakunvuisha ne bantu banyi mu bualu bubi bunene nunku? Wewe wakungenzela bualu bubi, budi kabuyi buimpe bua kuenza.

Genese 24:2

Abalahama wakambila muhika wandi mukulu, wakadi mulami wa bintu biandi bionso ne, Ndi nkutendekena ne, Uteke tshianza tshiebe muinshi mua tshibelu tshianyi,

Genese 39:10

Yeye wakadi wambila Yosefe bualu ebu ku dituku ku dituku, kadi yeye kakamunvuila bua kulaleye nʼandi, anyi bua kushala nʼandi.

Genese 41:40

wewe newikale mulami wa nsubu wanyi, ne bantu banyi bonso nebakokeshibue anu ku dî diebe, anu bua nkuasa wa bukelenge nenkutambe.

Genese 42:18

Hakahita matuku asatu, Yosefe wakabambila ne, Enzai nunku nushale ne muoyo, bualu bua meme ndi ntshina Nzambi.

2 Samuele 11:27

Hakashika madilu, Davidi wakatuma bantu, bakalua nʼandi ku nsubu kuandi; yeye wakalua mukashi wandi, wakamulelela muana. Kadi bualu ebu buakenza Davidi kabuakasankisha mutshima wa Yehowa.

2 Samuele 12:13

Hashishe Davidi wakambila Natana ne, Nakenzela Yehowa bibi. Natana wakambila Davidi ne, Yehowa wakukubuikidila bubi buebe, wewe kuena ufila.

Nehemya 5:15

Kadi ba-gouverneur bakadi ku mpala kuanyi bakangata difutu diabo kudi bantu; bakadiangatshila bidia ne nvinyo kudibo ha mutu ha nshekele ya argent makumi anai; bena mudimu babo mene bakakokesha bantu, kadi meme tshiakenza nunku bualu bua dishina dia Nzambi.

Nehemya 6:11

Nakamba ne, Muntu bu meme udi ne bua kunyema bua tshinyi? Nganyi udi bu meme neanyemene mu ntempelo bua kusungila muoyo wandi? Tshiena nyamu nansha.

Yobe 31:23

Bualu bua dikenga difume kudi Nzambi diakankuatshisha buowa, tshiakadi ne bukole ku mpala kua butumbi buandi.

Misambu 51:4

Nakukuenzela wewe, wewe nkayebe, bibi; nakuenza bualu bubi abu ku mesu kuebe; bua wewe Umanye mua kubingishibua hawamba dî dia kumpisha nʼadi, ne mua kuikala ne mutshima mutoke mu kulumbulula kuebe.

Ekesode 20:14

Kuendi masandi.

Nsumuinu 6:29

Bidi muomumue kudi muntu udi ubuela kudi mukashi wa muena mutumba nʼandi; muntu yonso wamulenga bianza neakengeshibue.

Nsumuinu 6:32

Udi wenda masandi ne mukashi kena ne lungenyi, udi wenza muanda au udi udibutula.

Muambi 7:26

Nakasangana ne, Mukashi udi ne mutshima mufuanangane ne mateyi ne bukuondo ne bianza bidi bu mionshi, yeye udi mutambe lufu bululu; wasankisha Nzambi neahanduke mu bianza biandi; kadi yeye neakuate muntu mubi.

Yirmeya 28:16

Nunku Yehowa udi wamba ne Mona, nenkûmushe ha buloba; tshidimu etshi neufue biebe, bualu bua wakuamba mei a kutombokela nʼau Yehowa.

Yirmeya 50:7

Bonso bakadi babasangana bakubadia, bena lukuna babo bakamba ne, Tuetu katuena bahile, bualu bua bobo bakuenzela Yehowa bibi. Yeye nduhangu lua buakane, bakuenzela Yehowa mene, ditekemena dia batatu babo, bibi.

Lewitiki 20:10

Mulume udi wenda masandi ne mukashi wa mulume mukuabo, nebashihe mulume ne mukashi wake ndeye nʼandi masandi.

Lewitiki 6:2

Biasambuka muntu ku mikenji bua kuenzela Yehowa bualu bubi, ne bienzeleye muena mutumba nʼandi bualu bubi ne bintu biakafileye mu bianza biandi anyi hendululeye nʼabi mushinga anyi bibeye bintu biandi, anyi biakengesheye muena mutumba nʼandi,

Dibadika 32:23

Ka dî binuahidia kuenza nunku, monai, nuakuenzela Yehowa bualu bubi, numanye bienu ne, Bualu bubi buenu nebunukuate bulelela.

Luke 12:48

kadi wakadi kai mumanye bualu, Wakenza malu a kukumibua, nebamukume bikese. Muntu yonso udi uheshibua bia bungi nebamulombe bia bungi; biatekabo bia bungi mu bianza bia muntu, nebamulombe bikuabo ha mutu.

1 Korente 4:2

Mu bualu ebu kabidi badi bakeba munkatshi mua balami bua kusangana mulami yonso muikale muntu udibo mua kueyemena.

Tite 2:10

kabibi; kadi bikale ne lulamatu luimpe mu malu onso; bua bobo batumbishe diyisha dia Nzambi, Musungidi wetu, mu malu onso.

Ebrewu 13:4

Dibaka dikale dinemekibua munkatshi mua bantu bonso, bulalu kabunyanguki; Nzambi nealumbuluishe bena masandi bajike ne bena masandi babake.

1 Yone 3:9

Muntu yonso udi muledibue kudi Nzambi, katu wenza bibi, bualu bua diminu diandi dia muoyo ditu dikala munda muandi; yeye kena mumanye mua kuenzenza bibi bualu bua yeye udi muledibue kudi Nzambi.

Didimanyisha 21:8

Kadi bua badi ne buowa, ne badi kabai ne ditabusha, ne bena tshikama, ne bashihianganyi, ne bena masandi, ne bena muhongo, ne batendeledi ba mpingu, ne bena mashimi bonso, luseke luabo neluikale mu dishiba didi ditema ne kahia ne soufre; didi lufu luibidi.

Didimanyisha 22:15

Ha bule hau hadi mbua, ne bena muhongo, ne bena masandi, ne bashihianganyi, ne batendeledi ba mpingu, ne muntu yonso udi musue ne udi ushima mashimi.