Genese 39:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Yeye wakashiya bintu bionso biakadiye nʼabi mu tshianza tshia Yosefe, yeye kakamanya bungi bua bintu biakadiye nʼabi, anu bidia biakadiye udia.

MUKANDA WA MYIDI MUKULU

⁶ Potifare uvua ne mudimu amu wa kudia. Uvua ulombola bintu biende bionsu uvua amu Yozefe. Yozefe uvua nsongalume wa mpala muimpe mutambe, mumanye mua kusomba ne bantu.

Genese 39:6 교차 참조

Genese 29:17

Lea wakadi ne mesu a bulengu, kadi Lakele wakadi muimpe mubidi ne mpala wandi.

Genese 39:23

Mulami wa nsubu wa lukanu kakalama bintu biakadi mu bianza bia Yosefe, bualu bua Yehowa wakadi nʼandi, Yehowa wakamuendesha diakalengele mu malu onso akenzeye.

Genese 39:4

Yosefe wakasangana luse ku mesu kuandi, wakamuenzela mudimu, wakamuteka mulami wa nsubu wandi yonso, wakafila bintu bionso biakadiye nʼabi mu tshianza tshiandi.

Genese 39:8

Kadi yeye wakahidia, wakambila mukashi wa mukelenge wandi ne, Mona, mukelenge wanyi kena mumanye bintu bindi nʼabi mu nsubu muandi, yeye wakashiya bintu bionso bidiye nʼabi mu tshianza tshianza.

Genese 43:32

Bakamuha bidia ha buandi, bakabaka bidia ha buabo, ne bakaha Bena Ejipitu bakadi badia nʼandi ha buabo, bualu bua Bena Ejipitu kabatu badia bidia ne Bena Ebelu, bualu ebu budi bufuisha Bena Ejipitu bundu.

Nsumuinu 31:11

Mutshima wa bayandi udi umueyemena, kena ukengela bintu.

Luke 16:10

Muntu udi mua kueyemenyibua hadiye ne bintu bikese neikale mua kueyemenyibua kabidi hikaleye ne bintu bia bungi; muntu udi mubi hadiye ne bintu bikese neikale mubi kabidi hikaleye ne bintu bia bungi.

Luke 19:17

Wakamuambila ne, Bimpe, wewe udi muhika muimpe: bualu bua wewe wakadi mutumikile hawakadi ne tshintu tshikese, wikale biebe nfumu wa misoko dikumi.

Bienzedi 7:20

Mu tshikondo etshi bakalela Mose, yeye wakadi muana muimpe be ku mesu kua Nzambi; bakamudisha ngondo isatu mu nsubu wa tatu wandi;

1 Samuele 16:12

Yeye wakatuma di, bakalua nʼandi. Yeye wakadi ne mpala lukunjila-kunjila, wakadi ne mesu mimpe, wakadi muakane kumona. Yehowa wakamba ne, Bika, umuele manyi ha mutu, eu nyeye mene.

1 Samuele 17:42

Muena Peleshete wakakenzakana, hakatangileye Davidi, wakamulengulula bualu bua yeye wakatshidi nsongalume, wakadi ne mpala lukunjila-kunjila, wakadi ne mpala muimpe.