Genese 39:2 - Mukanda wa Nzambi Dihungila Dikulukulu ne Dihungila Dihia-dihia 2003

² Yehowa wakadi ne Yosefe, wakamuendesha diakalengele, wakadi mu nsubu wa mukelenge wandi, Muena Ejipitu.

MUKANDA WA MYIDI MUKULU

² Maweja-Nangila uvua ne Yozefe, umututshisha diakalenga. Yozefe kusomba ku nzubu kua mfumuende, muena Ejipitu.

Genese 39:2 교차 참조

Genese 21:20

Nzambi wakadi ne nsongalume, yeye wakadiunda, yeye wakashikama mu tshihela wakalua tshilembi tshidi ne ndudi.

Genese 21:22

Mu tshikondo atshi Abimeleke ne Pikola, kamanda ka masalayi andi, bakambila Abalahama ne, Nzambi udi nʼebe mu malu onso audi wenza.

Genese 26:24

Yehowa wakamueneka kudiye butuku abu mene, wakamba ne, Ndi Nzambi wa tatu webe Abalahama, kutshinyi, bualu bua meme ndi nʼebe, nenkusankishe, nenkumbashile tunkanunuina tuebe bualu bua muntu wanyi Abalahama.

Genese 26:28

Bobo bakamba ne, Bulelela, tuakutangila ne Yehowa udi nʼebe, nunku tuakuambilangana ne, Tutshihangane nʼebe, tuhunge nʼebe tshihungidi,

Genese 28:15

Mona, meme ndi nʼebe, nenkulame kuonso kuwaya nenkuhingashe ku buloba ebu kabidi, tshiena nkulekela tô ne hanashikisha kukuenzela malu onso anakukuambila.

Genese 39:23

Mulami wa nsubu wa lukanu kakalama bintu biakadi mu bianza bia Yosefe, bualu bua Yehowa wakadi nʼandi, Yehowa wakamuendesha diakalengele mu malu onso akenzeye.

Genese 39:3

Mukelenge wandi wakamona ne, Yehowa udi nʼandi, ne Yehowa wakadi mumuendeshe diakalengele mu tshianza tshiandi mu malu onso akenzeye.

2 Bakalenga 18:7

Yehowa wakadi nʼandi, wakamuvuisha diakalengele kuonso kuakayeye; yeye wakatombokela mukelenge wa Ashû, kakamukuatshila mudimu.

1 Kulondolola 9:20

Diambedi Pinehasa, muana wa Eleazâ, wakadi ku mutu kuabo ne Yehowa wakadi nʼandi.

2 Kulondolola 1:1

Solomo, muana wa Davidi, wakakoleshibua mu bukelenge buandi; Yehowa Nzambi wandi wakadi nʼandi, wakatamba kumuvuisha bunene.

Misambu 1:3

Yeye udi bu mutshi wakukunabo kukala kua misulu ya mai, udi ukuama mamuma au mu tshidimu tshiau; dibeshi diau kadiena difubidila. Malu onso adiye wenza adi atuta diakalengele.

Misambu 46:11

Yehowa wa misumba udi nʼetu; Nzambi wa Yakoba udi tshinyemenu tshietu.

Misambu 46:7

Yehowa wa misumba udi nʼetu; Nzambi wa Yakoba udi tshinyemenu tshietu.

Misambu 91:15

Hambikileye, nengitabe kudiye; nengikale nʼandi habueleye mu dikenga, nemmuhandishe, nemmutumbishe.

Yeshaya 41:10

Kutshinyi, bualu bua ndi nʼebe; kukenzakanyi bua buowa nansha, bualu bua ndi Nzambi webe; nenkukoleshe, bulelela, nenkukuatshishe; bulelela, netujadike ne tshianza tshianyi tshia balume tshia buakane buanyi.

Yeshaya 43:2

Hawahitshila mu mai, nengikale nʼebe; hawahitshila mu misulu, kayena ihasalala ha mutu hebe; hawahita mu kahia, kuena ushila, ludimi lua kahia kaluena lukuosha.

Yirmeya 15:20

Yehowa udi wamba ne, Nenkuvuishe bu lumbu lua tshiamu tshia mitaku kudi bantu aba; nebaluangane nʼebe, kadi kabena bakuhita bukole, bualu bua meme ndi nʼebe bua kukusungila ne bua kukuhandisha.

Matayi 1:23

Mukashi utshidi kamama neimite difu, nealele muana mulume, Nebamuidike dina ne, Imanuele, kuandamuna kua muaku ne, Nzambi udi nʼetu.

Bienzedi 8:31

Yeye wakamukudimuna ne, Ndi mua kujingulula munyi, bikala muntu kai mundeshe? Yeye wakasengelela Filipo bua kubandeye ne bua kushikameye nʼandi.

1 Timote 6:1

Bonso badi bahika munshi mua mutshi wa tshikokedi babale banfumu babo ne mbakanyine buneme buonso; bua dina dia Nzambi ne diyisha dia buala buandi kabihendibu.

Yoshua 1:5

Kakuena muntu udi mua kuimana ku mpala kuebe tô matuku onso autshidi ne muoyo; nengikale nʼebe bu munakadi ne Mose; tshiena ukulekela, tshiena nkushiya nkayebe.

Yoshua 1:9

Tshiakukuambila, anyi? Ikala ne bukole ne mutshima wa dikima; kutshinyi, kukuatshiki buowa, bualu bua Yehowa, Nzambi webe, udi nʼebe kuonso kuwaya.

Yoshua 6:27

Nunku Yehowa wakadi ne Yoshua; ne lumu luandi luakatangadika buloba buonso.

1 Samuele 16:18

Hashishe umue wa bansongalume bandi wakamba ne, Mona, nakatangila muana wa balume wa Yishai, Muena Beteleheme, udi mumanye mua kuimba tshisanji bimpe, udi muntu wa bukitu, muena nvita mene, udi Wamba mei a lungenyi, udi ne mpala mulengele: Yehowa udi nʼandi kabidi.

1 Samuele 18:14

Davidi wakadilama bu muena lungenyi mu nshila yandi yonso; Yehowa wakadi nʼandi.

1 Samuele 18:28

Shaula wakatangila, wakajingulula ne Yehowa wakadi ne Davidi; Mikala, muana mukashi wa Shaula, wakamunanga.

1 Samuele 3:19

Samuele wakadiunda, Yehowa wakadi nʼandi; kakalekela nansha dî dimue hanshi diakamuambileye.