Genese 30:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Mu tshidimu tshia kuhuola blê, Lubena wakaya mu budimi, wakangula tumuma, wakalua nʼatu kudi mamuʼandi Lea Lakele wakambila Lea ne, Ndi nkutendekena ne, Umpeku tumuma tukuabo tua muanʼebe.

MUKANDA WA MYIDI MUKULU

¹⁴ Dimue dituku tshikondu tshia kunowa ntete ya kuenza bukula, Rubene kuya mu madimi bua kukebela mamuende Leya bimuma bia mutshi wa dinanga. Kumutuadilaye bimuma abi. Ke Rakele kulomba Leya ne: — Bu wewe musue, mpeshaku bimue bimuma bia mutshi wa dinanga, bidi muanebe mukutuadile.

Genese 30:14 교차 참조

Genese 25:30

Esau wakambila Yakoba ne, Ndi nkutendekena ne, Undisheku bintu bikunze biudi mulambe bualu bua meme ndi muhungila. Bua bualu ebu bakamuidika dina ne, Edome.

Genese 30:15

Yeye wakamukudimuna dî ne, Bualu budi bukese bua wakuangata bayanyi, anyi? Udi musue kuangata tumuma tua muanʼanyi kabidi, anyi? Lakele wakamba ne, Biwampa tumuma tua muanʼebe, Yakoba nealale nʼebe butuku ebu.

Genese 30:16

Yakoba wakahi ngana ku budimi dilolo ne Lea wakaya kumualamina, wakamua mbila ne, Bûdi nʼabu mbua kulua kundi, bualu bua nakakusumba ku tumuma tua muan anyi. Yeye wakalala nʼandi butuku abu.

Musambu wa Solomo 7:13

Tumuma tua mandragores tudi tutuma muhuya muimpe; mamuma a mishindu yonso adi ku mbelu kuetu, ne mahia-mahia ne mukulukulu, anakukutekela, wewe wanyi munanga.

Yezekiyele 48:25

Yisakâ ikale ne tshituha tshimue tshituangane ne mukalu wa Shimeona, ku luseke lua esete tô ne ku luseke lua wesete.