Genese 30:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Hakatangila Lakele ne, Tshiena ndelela Yakoba bana, hashishe Lakele wakadi ne mukuluʼandi mukau, wakambila Yakoba ne, Umpe bana, anyi meme nenfue.

MUKANDA WA MYIDI MUKULU

¹ Lakele umona ne: tshiena mulele, kumfuila mukenende mukawu. Kuambilaye bayende Yakobe ne: — Undeleshe panyi, bualu ndi mua kufua!

Genese 30:1 교차 참조

Genese 29:31

Hakatangila Yehowa ne Lea wakadi mubengibue, yeye wakamulelesha bana, kadi Lakele wakadi nkumba.

Genese 37:11

Bana babo bakadi nʼandi mukau, kadi tatu wandi wakateka mei au mu mutshima wandi.

1 Bakalenga 19:4

Kadi yeye nkayandi wakaya luendu lua dituku dimue mu tshihela, wakashikama hanshi muinshi mua mutshi wa genêt; wakalomba Nzambi bua kufueye, wamba ne, Kuakushika mpindiu, Yehowa angate muoyo wanyi, bualu bua meme tshiena muhite batatu banyi buakane.

Yobe 13:19

Nganyi udi mua kuelangana nʼanyi mpata? Nunku nakadi kuhuwa talalâ ne kuhuola muoyo.

Yobe 3:11

Bualu kai tshiakaha diba diakandelabo? Bualu kai tshiakahuela muoyo diba dinakaluhuka munda mua mamu wanyi?

Yobe 5:2

Bulelela, kanyinganyinga kadi kashiha muhote, ne tshiji tshidi tshishika mujibale.

Misambu 106:16

Bakadi ne Mose mukau kabidi mu tshitudilu; bakadi ne Alona, muntu wa tshijila wa Yehowa, mukau muomumue.

Nsumuinu 14:30

Mutshima muhole udi muoyo wa mubidi, kadi mutshiaudi udi ubolesha mifuba.

Nsumuinu 30:16

Muaba wa Bafue, mukashi wa nkumba, buloba budi kabuyi mua kumana nyota yabu kashidi, ne kahia kadi kakayi kamba kashidi ne, Nakukuta.

Muambi 4:4

Hashishe, nakatangila mudimu wonso ne ngenzelu wau mulengele bidi bivuisha bantu mukau. Bualu ebu budi hatuhu, bu kuihata kua luhehele.

Dibadika 11:15

Biwasua kutuenzela nunku, ndi nkusengelela ne, Unshihe ku tshianza tshiebe, binasangana luse ku mesu kuebe, bua tshitangidi dikenga dianyi nunku.

Dibadika 11:29

Mose wakamuambila ne, Wewe udi ne mukau ku bualu buanyi, anyi? Nakadi kusua bua bantu ba Yehowa bonso bikale baprofete, ne Yehowa ateke Nyuma wandi kudibo.

Yowanane 4:3

yeye wakumuka mu Yudaya, wakahingana mu Galela kabidi.

Yowanane 4:8

Bayidi bandi bakadi bamane kuya mu musoko bua kusumba bia kudia.

1 Korente 3:3

bualu bua nutshidi nulonda malu a mubidi. Bualu bua hatshidi mukau ne kutandangana munkatshi muenu, kanuena nulonda malu a mubidi, anyi? Kanuena nuenda bu mudi tshilele tshia bantu, anyi?

2 Korente 7:10

Bualu bua kanyinganyinga kadi Nzambi musue kadi kenzesha dikudimuna dia mutshima tô ne ku luhandu ludi kalui luvuisha dibungama; kadi kanyinganyinga ka ha buloba ebu kadi kavuisha lufu.

Ngalate 5:21

mutshiaudi, bukuatshiki bua maluvu, manaya a bundu ne malu â onso; edi ndianjila kunudimusha bu munakamana kunudimusha diambedi ne, Bantu batu benza malu â kabena bahiana bukelenge bua Nzambi.

Tite 3:3

Bualu bua tuetu tuakadi bahote diambedi, tuakadi ne buhidia, tuakadi badingishibua, tuakadi tulonda nkuka ne masanka bia mishindu ya bungi; tuakadi tuikala ne lukinu ne mukau; tuakadi tukinyibua, tuakadi tukinangana.

Yakobe 3:14

Kadi binuikala ne mukau wa luonji ne difuilangana mu mitshima yenu, kanuditumbishi ne kanudingi ku malu malelela.

Yakobe 4:5

Nudi nuela meshi ne, Mukanda wa Nzambi udi wamba hatuhu ne, Nyuma wakatutekeleye munda muetu udi ujinga tô ne ku mukau, anyi?

1 Samuele 1:10

Mutshima wa Hana wakatamba kunyingalala, wakadi utendelela Yehowa anu udila.